Chinese Steamed Bun

by Hsu Myat Oo for Food Magazine

          အခုပေါင်းထားတဲ့ ပေါင်မုန့်လေးကို မန်ထိုလို့လည်းခေါ်ပြီး တရုတ်နိုင်ငံမြောက်ပိုင်းမှာ နာမည်ကြီးပါတယ်။ တရုတ်နိုင်ငံမြောက်ပိုင်းက ဆန်ထက်စာရင် ဂျုံထွက်ရှိမှုက ပိုများတာကြောင့် မန်ထိုပေါက်စီကို အမြဲတမ်း အစားအစာအနေနဲ့ စားသုံးကြပါတယ်။ ဖြူဖွေးတဲ့ ဂျုံနဲ့လုပ်ထားတဲ့ မန်ထိုပေါက်စီတွေက စက်မှုမထွန်းကားခင် တရုတ်ပြည်မှာ အရမ်းကို ဈေးကြီးတဲ့ ပေါက်စီဖြစ်လာပါတယ်။ တရုတ်နိုင်ငံမြောက်ပိုင်းမှာ မန်ထို၊ ဂျုံခေါက်ဆွဲနဲ့ Bing ဆိုတဲ့ ပေါင်မုန့်ကို နေ့စဉ်စားသုံးကြပါတယ်။ တရုတ်နိုင်ငံတောင်ပိုင်းမှာတော့ ထမင်းကို အဓိကထား စားကြပါတယ်။ အဲဒီမန်ထိုပေါက်စီကို ကြက်သွန်မြိတ်၊ ပဲအနှစ်တွေ၊ အစေ့အဆန်တွေ ထည့်ပြီး တစ်ခါတည်းထည့်ပေါင်းလုပ်လာကြပါတယ်။ အကယ်၍ ဘာမှမထည့်ထားဘူးဆိုလျှင် နောက်ဆုံးထွက်လာတဲ့ မန်ထိုကို ထက်ခြမ်းခွဲကာ အသားတွေ၊ အရွက်ကြော်တွေ ထည့်ပြီး စားကြပါတယ်။ အကယ်၍ အသားထည့်ပြီး လုပ်လျှင်တော့ ပေါက်စီလို့ ခေါ်ပါတယ်။

ပါဝင်ပစ္စည်းများ

ပေါက်စီဂျုံ  –  ၂၀၀ ဂရမ်

တဆေး (Yeast)  –  ၃ ဂရမ်

သကြား  –  ၃၀ ဂရမ်

ရေ  –  ၁၀၀ ဂရမ်

ဆား  –  အနည်းငယ်

အစေ့အဆန်များ  –  လက်တစ်ဆုပ်စာ

ပြုလုပ်နည်းအဆင့်ဆင့်

၁။       ပါဝင်ပစ်္စည်းများအားလုံးကို ရောပြီး သမအောင်နယ်ပါ။ ဂျုံသားကို ဖြည်းဖြည်းချင်း ဆွဲကြည့်လိုက်လို့ ပြတ်မထွက်တော့ဘူးဆိုလျှင် အစေ့အဆန်များကို သေးသေးလေးတွေဖြစ်အောင် ကြိတ်ပြီး ရောနယ်ပါ။ ဂျုံသားကို ၁ နာရီခန့် အပွခံပါ။

၂။       ဂျုံသား (၂ ဆ) ပွလာပြီဆိုလျှင် ဖိပြီး လေထုတ်ပါ။ ဂျုံသားကို ထူထူရှည်ရှည်လေးဖြစ်အောင် လှိမ့်ပြီး ဓားနဲ့ဖြတ်ပေးပါ။ ဂျုံသားကို ထပ်ပြီး အပွခံပါ။

၃။       ပေါင်မုန့်လုံးလေးတွေကို ပေါင်းတဲ့အိုးထဲမှာ မိနစ်၂၀-၂၅ မိနစ် ခန့်ကြာအောင် ထည့်ပေါင်းပါ။ အကယ်၍ ပေါင်းသည့်အိုးမရှိလျှင် အောက်က ရေနွေးအိုးတည်ပြီး အပေါ်က ဆန်ခါတင်ပါ။ ၎င်းင်းအပေါ်ကနေ ထည့်ပေါင်းပေးလို့ ရပါပြီ။ မုန့်သားတွေ ကပ်မသွားအောင် ဆုမြတ်က ပန်းကန်ပေါ် ဂျုံဖြူးပြီး ပေါင်မုန့်တင်ပြီး ပေါင်းပါတယ်။ ပေါင်မုန့်အောက်ကနေ စက္ကူကပ်ပြီး ပေါင်းပေးလည်း ရပါတယ်။ မပေါင်းခင် ဂျုံသားတွေကို စီတဲ့အခါမှာ နည်းနည်းခွာပြီး ပေါင်းပေးပါ။ ဂျုံသားတွေ ပွလာပြီး ကျပ်သွားမှာစိုးလို့ပါ။

Facebook Comments