Beef Bulgogi (အမဲသားဘူဂိုးဂီ)

by Ko Win [email protected] Win Zaw for Food Magazine

          အခုလုပ်ပြမှာကတော့ ကိုရီးယားအစားအစာလေးပါ။ စားသောက်ဆိုင်တွေမှာတော့ အလွန်စားကြတာများပါတယ်။ ထမင်းနဲ့ပဲဖြစ်ဖြစ်၊ ဆလတ်ရွက်တွေနဲ့ပဲဖြစ်ဖြစ် စားကြပါတယ်။ ကျွန်တော်တို့ကတော့ ထမင်းနှင့် ကင်မ်ချီတွဲပြီး ထုပ်ပေးပါတယ်။ ကဲ… လုပ်ကြရအောင်။

ပါဝင်ပစ္စည်းများ

အမဲသား  –  ၂၀ဝ ဂရမ်

ကြက်သွန်နီ  –  ၁ လုံး (ကွင်းပြီး)

ကြက်သွန်မြိတ်  –  အနည်းငယ်

နှမ်းလှော်အဖြူ  –  အနည်းငယ်

ကင်မ်ချီ  –  ၁ ခွက်

ထမင်း  –  ၁ အိုး

ဆလတ်ရွက်  –  အနည်းငယ်

ဘူဂိုးဂီဆော့စ်  –  ၅၀ ဂရမ်

ဆန်အရက်ဖြူ  –  သင့်တော်ရုံ

ဆား၊ ငရုတ်ကောင်း  –  အနည်းငယ်

ပြုလုပ်နည်း

၁။       ဦးစွာ အမဲသားကို အချောင်းလေးများလှီး၍  ဆန်အရက်ဖြူ၊ ဆား၊ ငရုတ်ကောင်း အရသာနယ်ပြီး Pan ဖြင့် ကင်ပါ။ ကြက်သွန်နီကို ကွင်းပြီး တစ်ခါတည်း ကင်ပါ။ ကြက်သွန်မြိတ်၊ နှမ်းလှော်အဖြူ တင်ပါ။

၂။       အိုးထဲမှာ ဘူဂိုးဂီဆော့စ် ရောထည့်ပြီး မွှေပါ။ ပြီးလျှင် ပန်းကန်ထဲထည့်ပါ။ ပုံထဲကအတိုင်း ဆလတ်ရွက်၊ ကင်မ်ချီနှင့် ထမင်းဖြူတို့ကို ထည့်လိုက်ပါ။

          [ဟဘူဂိုးဂီဆော့စ် = Soy Sauce, Water, Chicken Powder, Sesame Seed, Sesame Oil, Sugar, Black Pepper, Garlic, Rice Wine Black Bean]

Facebook Comments