ဝက်ဆီဖတ် ကန်စွန်းရွက် ကြက်သွန်မြိတ် ပဲပုပ်ကြော်

by ပန်းခရေ for Food Magazine

ပါဝင်ပစ္စည်းများ

ပဲပုပ်မီးကင်  –  ၁ ချပ်

ကန်စွန်းရွက်  –  လက်တစ်ဆုပ်

ကြက်သွန်မြိတ်  –  လက်တစ်ဆုပ်

ဝက်ဆီဖတ်  –  ၅ ကျပ်သား

ကြက်သွန်ဖြူ  –  ၅ ဥ

ဆီ  –  ၂   ၁/၂ ကျပ်သား

အရသာမှုန့်  –  အနည်းငယ်

ဆား  –  အနည်းငယ်

သကြား  –  အနည်းငယ်

ကြော်နည်း

          ကြက်သွန်ဖြူကို ဓားပြားရိုက်ထားပါ။ ကန်စွန်းရွက်သင်ထားပါ။ ကြက်သွန်မြိတ်ကို လက်တစ်ဆစ်အရွယ်ခန့် ဖြတ်ထားပါ။ ဝက်ဆီဖတ်ပါးပါးလှီးထားပါ။ ဆီပူလာလျှင် ကြက်သွန်ဖြူ

ဆီသတ်ပါ။ မွှေးလာလျှင် ဝက်ဆီဖတ်ထည့်ပြီး ရေနွေးအနည်းငယ်ထည့်ပါ။ ကန်စွန်းရွက်၊ ကြက်သွန်မြိတ်၊ ပဲပုပ်ထည့်ကြော်ပါ။ ဆား၊ အရသာ၊ သကြား ထည့်ပြီး မီးပြင်းပြင်းနဲ့ ခဏလေးသာ ကြော်ပါ။

Facebook Comments