ဒေသရိုးရာ တိုင်းရင်းအစားအစာ (ဓနုဟင်းလျာ အီကုတ်ဆူးပုပ်ရွက်ကြော်နှင့် ကိုင်းခရမ်းချဉ်သီး အညာခက်ျ)

by စံလွင် (ငါးဦးစီး) for Food Magazine

          အီကုတ်ဆိုတာ နောက်ချေးပိုးဥက ရတဲ့ သားလောင်း (Lavae) ဖြစ်ပြီး နှစ်ခြိုက်သူတွေက ဟင်းလျာအဖြစ် စားသုံးကြပါတယ်။ အီကုတ်က တစ်နှစ်မှာ မတ်၊ ဧပြီနှင့်  မေလတို့အတွင်းမှာသာ ရရှိနိုင်တဲ့ ရာသီစာဟင်းလျာပါ။ ပင်းတယဈေးမှာ အဲဒီလများအတွင်း ရေနွေးဖြောပြီးသား အသင့်စားအီကုတ်များကို ရနိုင်တယ်လို့ မိမိရဲ့ ဓနုမိတ်ဆွေကြီးက ပြောပါတယ်။ အီကုတ်ကို စားသုံးရာမှာ ရေနွေးဖြောပြီး အညစ်အကြေးကြောင်းဖယ်ကာ အကောင်လိုက်စားကြသလို အချို့က ခရမ်းချဉ်သီးနဲ့ဖြစ်စေ၊ ကြက်ဥဖောက်ထည့်ပြီး ဖြစ်စေ ကြော်စားကြပါတယ်။ အီကုတ်ကို အရသာအရှိဆုံး စားနည်းကတော့ ဆူးပုပ်ရွက်ထည့်ပြီး ကြော်စားတဲ့နည်းဖြစ်ပါတယ်။

ပါဝင်သောပစ်္စည်းများ

အီကုတ်  –  ၁၀ ကောင်

ဆီ  –  ၂  ၁/၂ ကျပ်သား

မြေပဲဆံ  –  လက်တစ်ဆုပ်

ကြက်သွန်နီ/ဖြူ  –  ၂/၁ လုံး

ဆူးပုပ်ရွက်  –  ၁ စည်း

ဆား  –  အနည်းငယ်

ပြုလုပ်နည်း

၁။       ကြက်သွန်နီ/ဖြူကို အခွံနွှာ၍ ရေဆေးပြီး ဆုံထဲ ထည့်ထောင်းပါ။ မြေပဲဆံများကို သီးခြားထောင်းထားပါ။ ဆူးပုပ်ရွက်နုနုလေးများကို သင့်ရုံသင်းပြီး ရေဆေး၍ အသင့်ပြင်ထားပါ။

၂။       ရေနွေးဖြောပြီးသား အီကုတ်ကို ခေါင်းဘက်ကနေ ပုစွန်ချေးကြောင်း ထုတ်သလို အညစ်အကြေးကြောင်းကို ဆွဲထုတ်ပြီး ဖယ်ပါ။ ပြီးလျှင် အီကုတ်ကိုယ်ထဲက အနှစ်များကို ပန်းကန်လုံးတစ်လုံးထဲ ညှစ်ထည့်ထားပါ။ အချို့က အနှစ်ထုတ်ပြီး ကျန်တဲ့အခွံကို ဆီပူမှာ အကြွပ်ကြော်စားကြပါသေးတယ်။

၃။       အားလုံးပြီးပါက ဆီအိုးတည်၍ ကြက်သွန်ဖြူ/နီ ထောင်းပြီးသားအရောကို ဆီသတ်ပြီး မြေပဲဆံထောင်းကို ထည့်မွှေပါ။ အနံ့မွှေးလာလျှင် အီကုတ်အနှစ်များ လောင်းထည့်၍ ဆားကလေးဖြူးပြီး ဆူးပုပ်ရွက်အုပ်ကြော်တာ ဖြစ်ပါတယ်။ အီကုတ်ဆူးပုပ်ကြော်က ချိုမွှေးအီဆိမ့်တဲ့အရသာအပြင် အနံ့ကပါ မွှေးကြိုင်နေတာမို့ ဟင်းနံ့ရရင် မနေနိုင်လို့ မိုးပေါ်က သိကြားမင်းတောင် ဆွမ်းအုပ်ပိုက်ပြီး ဆင်းရတယ်လို့ အီကုတ်ကြိုက်သူတွေက စာဖွဲ့ပြီး ညွှန်းကြပါတယ်။

ကိုင်းခရမ်းချဉ်သီး အညာချက်

          ကိုင်းခရမ်းချဉ်သီးရဲ့ ထူးခြားချက်က အခြားခရမ်းချဉ်သီးတွေလို ပြောင်ချောချောမဟုတ်ဘဲ အနားတွန့်ကြီးတွေနဲ့မို့ သိသာပါတယ်။ ကိုင်းခရမ်းချဉ်သီးက အရောင်ရဲပြီး အခွံက ပါးပါတယ်။ ကိုင်းခရမ်းချဉ်သီးကို အထက်အညာဒေသတွေမှာ ယာတွေ၊ ကိုင်းတွေ စိုက်ပျိုးတဲ့ လုပ်ငန်းက ထွက်လို့ အချို့က ကိုင်းသီးလို့လည်း အလွယ်ခေါ်ကြပါတယ်။ ကိုင်းခရမ်းချဉ်သီးက အမည်နဲ့လိုက်အောင် အချဉ်ဓာတ်ပါတဲ့ မြန်မာမျိုး စစ်စစ်ဖြစ်တယ်လို့ သိရပါတယ်။ အထက်အညာဒေသတွေမှာ ခရမ်းချဉ်သီးကို ပိုပြီး နှစ်သက်ကြလို့ ဟင်းလျာတိုင်းလိုလို မပါမဖြစ်ဘဲ ဟင်းခတ်အဖြစ် အသုံး ပြုလေ့ရှိတာကို တွေ့ရပါတယ်။

ပါဝင်ပစ္စည်းများ

ကိုင်းခရမ်းချဉ်သီး  –  ၅၀ ကျပ်သား

ဆီ  –  ၇  ၁/၂ ကျပ်သား

ငါးခြောက် (ငါးကွမ်းရှပ်၊ ငါးရောင်)  –  ၅ ကျပ်သား

ငရုတ်သီးခြောက်  –  ၅ တောင့်

ကြက်သွန်နီ/ဖြူ  –  ၂/၁ လုံး

ငရုတ်သီးစိမ်း  –  ၁၀ တောင့်

မျှင်ငါးပိ  –  ကွမ်းသီး ၂ လုံးခန့်

ဆား၊ နနွင်းမှုန့်  –  သင့်ရုံ

ပြုလုပ်နည်း

၁။       ကိုင်းခရမ်းချဉ်သီးကို အညာပုံစံချက်တာက ခရမ်းချဉ်သီးအရသာသက်သက်ကို ပိုပြီးပေါ်လွင်တာမို့ အကြိုက်များကြပါတယ်။ ခရမ်းချဉ်သီးကို မလှီးဘဲ ဒယ်အိုးမှာ အသီးမြုပ်ရုံ ရေထည့်၍ ရေခန်းအောင်ပြုတ်ပြီး အခွံပါးလေးတွေကို ခွာထားပါ။

၂။       ငရုတ်သီးခြောက်၊ ကြက်သွန်နီ/ဖြူကို ထောင်းပါ။ ငါးခြောက်တုံးလေးများနှင့် ငရုတ်သီးစိမ်းတောင့်များကို ရေဆေးပြီး စစ်ထားပါ။

၃။       အားလုံးအသင့်ဖြစ်လျှင် ဒယ်အိုးထဲ နနွင်းမှုန့်၊ ငရုတ်သီးနှင့် ကြက်သွန်နီ/ဖြူ ထောင်းပြီးသားအရောကို ထည့်၍ ဆီသတ်ပါ။ အနံ့မွှေးလာပါက ငါးခြောက်တုံးလေးများနှင့်အတူ မျှင်ငါးပိနှင့် ခရမ်းချဉ်သီးတို့ကို ရောထည့်ပြီး အနှံ့မွှေပါ။

၎။       ခရမ်းချဉ်သီးများကြေ၍ အရည်ခန်းပြီး ဆီနာနာပြန်လာတဲ့အထိ စိတ်ရှည်ရှည်နဲ့ ချက်ရပါမယ်။ ဟင်းအိုးဆီပြန်လာပြီး ခရမ်းချဉ်သီးအနှစ်နဲ့ ဆီကွဲလာလျှင် အပေါ့အငန်မြည်း၍ အသင့်ပြင်ထားတဲ့ ငရုတ်သီးစိမ်းတောင့်ထက်ခြမ်းခွဲများ အုပ်ပြီး ဖိုမှချပါ။ အခြားအရန်ဟင်းမလိုအောင် ထမင်းမြိန်တဲ့ ကိုင်းခရမ်းချဉ်သီး အညာချက်ပါ။

Facebook Comments

Menu