ဒေသရိုးရာ တိုင်းရင်းအစားအစာ

by စံလွင် (ငါးဦးစီး) for Food Magazine

          ဒီတစ်ပတ် ဆွမ်းချိုင့်အလှည့်မို့ အိမ်ကို ဆွမ်းခြွံကတဲ့ ဦးပဉ္စင်းလေးကို “ကိုယ်တော်တို့ကျောင်းတိုက်မှာ ဘယ်လိုဆွမ်းဟင်းများ ဘုဉ်းပေးလိုကြပါသလဲ ဘုရား” လို့ လျှောက်ပါတယ်။ “အဆီအအိမ့်သားငါးတွေအစား အသီးအရွက်ကြော်လိုမျိုး၊ ချဉ်ရည်ဟင်းလိုမျိုးလေးတွေ ထည့်ကပ်ပါလား” လို့ စာသင်သားဦးပဉ္စင်းလေးက ရင်းရင်းနှီးနှီးနဲ့ မိန့်ပါတယ်။ ဆွမ်းဒကာတွေက ဆီဦးထောပတ် သားငါးတွေချည်း အလေးထားပြီး ထပ်တလဲလဲ ဆွမ်းကပ်နေကြလို့ ငြီးငွေ့နေကြဟန် တူပါတယ်။ အဲဒါနဲ့ ဒီတစ်ပတ် ဆွမ်းချိုင့်ကို အညာစာ တစောင်းချဉ်ကြော်ကလေးနဲ့ ပေါက်ပန်းဖြူပွင့်ချဉ်ရည်တစ်ခွက် ချက်ပြီး ဆွမ်းချိုင့်ပို့ဖြစ်ပါတယ်။

တစောင်းချဉ်ကြော်

          တစောင်းချဉ်ဆိုတာက အထက်အညာအရပ်ကထွက်တဲ့ အညာစာ စစ်စစ်ပါ။ ရုတ်တရက်ကြည့်ရင် Indoor အလှစိုက်ကြတဲ့ တစောင်းပင် ကလေးတွေနဲ့ အသွင်တူပေမယ့် အဲဒါက စားလို့ရတဲ့ တစောင်းပင်မျိုးပါ။ အချဉ်ဆိုပေမယ့်လည်း အချဉ်စူးစူးချည်း အရသာမထွက်ဘဲ အချဉ်ပြေပြေ၊ ချဉ်ဖြုံးဖြုံးလေးမို့ စားလိုက်တဲ့အခါ နှုတ်မြိန်စေတဲ့ ဟင်းလျာဖြစ်လို့ အညာအရပ်က ကြိုက်ကြတာပါ။

ပါဝင်သောပစ္စည်းများ

တစောင်းချဉ်  –  ၅၀ ကျပ်သား

ဆီ  –  ၁၀ ကျပ်သား

ပုစွန်ခြောက်  –  ၅ ကျပ်သား

ကြက်သွန်ဖြူ  –  ၅ မြွှာ (အမြွှာကြီး)

ငရုတ်သီးစိမ်း  –  ၁၀ တောင့်

ဆား၊ နနွင်းမှုန့်  –  သင့်တော်ရုံ

ပြုလုပ်နည်း

၁။       တစောင်းချဉ်အချောင်းကလေးများကို ရေစင်အောင်ဆေးပြီး ဓားပြား ရိုက်ထားပါ။ ပုစွန်ခြောက်ကို ၄ စိတ်ကွဲထောင်းပြီး ကြက်သွန်ဖြူကိုလည်း အခွံနွှာကာ ဓားပြားရိုက်ထားပါ။

၂။       ပြီးလျှင် ဒယ်အိုးကို မီးဖိုပေါ်တင်ပြီး ဆီထည့်ပါ။ ဆီပူပြီး အငွေ့တက်လာပါက နနွင်းမှုန့်နှင့် ကြက်သွန်ဖြူတို့ကို ထည့်ပြီး ဆီသတ်ပါ။ ကြက်သွန်ဖြူအနံ့မွှေးလာလျှင် ပုစွန်ခြောက် ၄ စိတ်ကွဲများထည့်ပြီး နှံ့အောင် မွှေပါ။

၃။       ဒယ်အိုးထဲမှ ပုစွန်ခြောက်များ အတော်အတန်ြွကပ်လာပါက အသင့်ပြင်ထားသော တစောင်းချဉ်များထည့်ပြီး ဆားလေးဖြူးကာ အထက် အောက် နှံ့အောင် မွှေပါ။ ပြီးလျှင် ဟင်းအိုးထဲ ရေအနည်းငယ်ထည့်ပြီး အဖုံးအုပ်၍ တည်ပါ။

၎။       ဆီဆူသံပေးပြီး ဆီပြန်လာက အပေါ့အငန်မြည်းပြီး အနေတော်ဖြစ်လျှင် ငရုတ်သီးစိမ်းတောင့် ခွဲခြမ်းလေးများ အုပ်ကာ မီးဖိုပေါ်မှချပါ။ ချဉ်စပ်အရသာပြေပြေလေးနှင့် ခံတွင်းတွေ့စေသည့် တစောင်းချဉ် ကြော်ရပါပြီ။

ပေါက်ပန်းဖြူပွင့် ငါးရံ့ချဉ်ရည်

          ကျေးလက်ဒေသတွေမှာ ချက်လေ့ရှိကြတဲ့ ဟင်းအမည်တစ်မျိုးဖြစ်ပါတယ်။ ပေါက်ပန်းဖြူပင်က ဖြစ်လွယ်တာမို့ ကျေးရွာတွေမှာ အိမ်ခြံဝင်းနဲ့ လယ်တောတွေမှာ အစေ့တွေကြဲပြီး စိုက်ထားလေ့ရှိကြပါတယ်။ ပေါက်ပန်းဖြူမှာ အဖြူနဲ့အနီ နှစ်မျိုးရှိပြီး အသီးအရွက်၊ အညွန့်၊ အဖူး၊ အပွင့် စသည်တို့အားလုံးကို စားသုံးနိုင်တာမို့ “ရှုတော်မူဆေးအဘိဓာန်ကျမ်း”မှာ “ပေါက်ပန်းဖြူပွင့် (ဖြူ/နီ) နှစ်မျိုးစလုံးသည် အဆိပ်အတောက်ကို ပြေစေတတ်၏။ ငန်းဖမ်း၊ ငန်းတက်နာတို့ကို နိုင်၏” လို့ ဖော်ပြထားပါတယ်။

ပါဝင်သောပစ္စည်းများ

ပေါက်ပန်းဖြူပွင့် (ဖြူ/နီ)  –  ၁၅ တွဲ (၁၀ ပွင့်ပါ အတွဲ)

ငါးရံ့ခုတ်သား  –  ၂၀ ကျပ်သား

ဆီ  –  ၅ ကျပ်သား

ခရမ်းချဉ်သီး  –  ၁၀ ကျပ်သား

မန်ကျည်းမှည့်  –  ၅ ကျပ်သား

ငရုတ်ပွတောင့်  –  ၅ တောင့်

ကြက်သွန်နီ  –  ၂ လုံး

ကြက်သွန်ဖြူ  –  ၁ လုံး

ငရုတ်သီးစိမ်းတောင့်  –  ၁၀ တောင့်

ရှမ်းနံနံ  –  ၂ စည်း

ဆား၊ နနွင်းမှုန့်၊ ငံပြာရည်  –  သင့်တော်ရုံ

ပြုလုပ်နည်း

၁။       ပေါက်ပန်းဖြူပွင့် (ဖြူ/နီ) ပွင့်များကို ရေစင်အောင်ဆေး၍ အနေတော်သင်ပြီး ရေစစ်ထားပါ။

၂။       ငါးရံ့ခုတ်သားကို အကြေးထိုး၊ သန့်စင်ပြီး အကွင်းလှီးကာ ဆား၊ နနွင်းမှုန့်၊ ငံပြာရည်တို့နှင့် နယ်ပြီး နှပ်ထားပါ။ ငရုတ်ပွတောင့်၊ ကြက်သွန်နီ/ဖြူတို့ကို ရောထောင်းထားပါ။

၃။       ခရမ်းချဉ်သီး၊ ငရုတ်သီးစိမ်းတောင့်နှင့် ရှမ်းနံနံတို့ကို အနေတော်လှီး၍ အသင့်ပြင်ပြီး မန်ကျည်းမှည့်ကို ရေစိမ်ထားပါ။

၎။       အသင့်ဖြစ်ပါက ဆီအိုးတည်ပြီး ငရုတ်နှင့် ကြက်သွန်နီအရောကို ဆီသတ်ကာ ခရမ်းချဉ်သီး များထည့်ပြီး အနှစ်ရအောင် ချက်ပါ။ ခရမ်းချဉ်သီးအနှစ်များ အဆီပြန်လာလျှင် ဟင်းခတ် ငါးရံ့ကွင်းများ ထည့်ပါ။ လုံးရေအနည်းငယ်နှင့်အတူ အဖုံးပိတ်ပြီး ချက်ပါ။

၅။       ဟင်းအိုးဆီပြန်လာက ပေါက်ပန်းဖြူပွင့်များထည့်၍ မွှေပါ။ ပေါက်ပန်းဖြူပွင့်မှာ နူးညံ့၍ အပွင့်များနွမ်းသည်နှင့် မန်ကျည်းမှည့်ရည်များမြုပ်အောင် လောင်းပြီး အဖုံးဖွင့်ချက်ပါ။ ဟင်းအိုးပွက်ပွက်ဆူလျှင် အပေါ့အငန်မြည်းပြီး ငရုတ်သီးစိမ်းတောင့် ခွဲခြမ်းနှင့် ရှမ်းနံနံအုပ်ကာ မီးဖိုပေါ်မှချပါ။ ရှမ်းနံနံရနံ့သင်းသင်းလေးဖြင့် ချိုချိုချဉ်ချဉ်အရသာ ပေါက်ပန်းဖြူ ငါးရံ့သားချဉ်ရည်ဟင်း ရပါပြီ။

Facebook Comments