သမိုင်းဝင် ကမ်းနားဟိုတယ်ကြီးရဲ့အမှုဆောင်စားဖိုမှူးကြီး ခရစ်ရှန်မာတီနာ The Strand Hotel & Cruise Executive Chef CHRISTIAN MARTENA

သမိုင်းဝင် ကမ်းနားဟိုတယ်ကြီးရဲ့အမှုဆောင်စားဖိုမှူးကြီး ခရစ်ရှန်မာတီနာ

The Strand Hotel & Cruise Executive Chef CHRISTIAN MARTENA

         အောင်မြင်တဲ့လူတစ်ယောက်ချင်းစီတိုင်းမှာ သူတို့ရဲ့ ငယ်ဘဝစိတ်ကူး ယဉ်အိပ်မက်တွေ ကိုယ်စီရှိခဲ့ကြပါတယ်။ အောင်မြင်လာတဲ့ဘဝနဲ့ထပ်တူကျတဲ့ အိပ်မက်တွေမက်ခဲ့ကြတဲ့သူတွေရှိသလို ငယ်စဉ်စိတ်ကူးကတစ်မျိုးဆိုပေမယ့် ဘဝလမ်းကြောင်းရဲ့ ပြောင်းလဲခေါ်ဆောင်ရာလိုက်ပါရင်း မမျှော်လင့်တဲ့အချိန် မှာ မမျှော်လင့်တဲ့အောင်မြင်မှုမျိုးတွေ ရခဲ့ကြသူတွေလည်းရှိပါတယ်။ တချို့ ကြပြန်တော့လည်း ငယ်စဉ်ကတည်းက မိဘမိသားစုများရဲ့ လမ်းပြသွန်သင်ရာကနေ တစ်ဆင့်ပြီးတစ်ဆင့် အောင်မြင်လာတဲ့သူတွေလည်း ရှိပြန်ပါတယ်။ Christian Martena ကတော့ နောက်ဆုံးအမျိုးအစားထဲက တစ်ယောက်ဖြစ်ပါလိမ့်မယ်။ ငယ်စဉ်ကတည်းက မိသားစုစီးပွားရေးဖြစ်တဲ့ စားသောက်ဆိုင်မှာဝင် ရောက်လုပ်ကိုင်ရင်း အတွေအကြုံတွေကို သဘောကျနှစ်သက်လာရာကနေ  ဟင်းလျာချက် ပြုတ်ချင်းအလုပ်ကို စိတ်အားထက်သန်လာတာဖြစ်ပါတယ်။

Food Magazine; Chef ရေဒီတစ်ခေါက်တွေ့တာ ၂ ကြိမ်မြောက်ဗျာ။ ပထမတစ်ကြိမ် ကျွန်တော်တို့ အင်းယားလိပ်မှာ ခင်ဗျားရဲ့လက်ရာတွေမြည်းစမ်းခွင့်ရခဲ့တယ်။ တကယ်ကို မမေ့နိုင်စရာ အမှတ်တရအတွေ့အကြုံပါပဲ။ ဒီတော့ဒီလိုဘဝမှာ အခုရပ်တည်နေနိုင်တဲ့ ခင်ဗျားဘဝရဲ့အစလေးကို ပြောပြနိုင်မလား။

Chef; ကျွန်တော်ငယ်ငယ်ကအီတလီမှာမိသားစုပိုင် စားသောက်ဆိုင်လေးရှိတယ်လေ။ အသက် ၁၃ နှစ်မှာစပြီး အချက်အပြုတ်လုပ်ငန်းကိုစပြီးဝင်လုပ်ဖြစ်တာပါပဲ။ ဆိုင်ကမိသားစုအားလုံး ဝိုင်းဝန်းလုပ်ကြတဲ့ စားသောက်ဆိုင်လေးပါ။ အီတလီမြောက်ပိုင်းကပါ။ ကျွန်တော့်ကိုတောင်ပိုင်းမှာမွေးခဲ့ပေမယ့် မြောက်ပိုင်းမှာကြီးပြင်းခဲ့တာပါ။ ကျွန်တော့်အမေရဲ့အစ်ကိုကျွန်တော့် ဦးလေးကစားဖိုမှူးဆိုတော့ ဦးလေး အလုပ်ကိုဝင်ကူပေးရင်းနဲ့ သူ့ဆီကနေသင်ယူရပါတယ်။ နောက်တစ်ယောက်ကတော့ အဘွားပါ မနက် ၆ နာရီဆို အိပ်ယာကထပြီးဆိုင်အတွက်လိုအပ်မယ့် Paste တွေကို သူကိုယ်တိုင်လုပ် တာနေ့တိုင်း အဘွားလုပ်တာတွေ ဦးလေးလုပ်တာတွေကို စောင့်ကြည့်ရင်းသင်ခဲ့ရတယ်။

Food Magazine; ဒီတော့ ခင်ဗျားရဲ့လက်ဦးဆရာကဘယ်သူဖြစ်မလဲ။

Chef; ကျွန်တော့်အဘွားပါ။ ပြီးတော့ ဦးလေးပေါ့။

Food Magazine ဒီလိုဆိုအချက်အပြုတ်ကို မိရိုးဖလာနည်းစနစ်တွေပဲ သင်ယူဖြစ်ခဲ့တာလား။

Chef;  ကျွန်တော်အသက် ၁၄ နှစ်မှာ Hospitality ကျောင်းကိုစတက်နေပြီ အဲဒီမှာ စပြီးအစားအစာတွေကို ကိုင်တွယ်ချက်ပြုတ်တတ်အောင် သင်ခဲ့ရတယ်။ ကောလိပ်တော့ မတက်တော့ဘူး။ ကျွန်တော်ကနေရာဒေသအစုံကို ခရီးသွားပြီး အဲဒီဒေသတွေရဲ့ အစားအစာတွေကို လေ့လာသင်ယူရတာကို ဝါသနာပါတယ်။ စားဖိုမှူးတစ်ယောက်အနေနဲ့က သင်နေရုံသိထားရုံနဲ့လည်း မပြီးဘူးလေ။ သိထားသမျှကို အခြေခံပြီး အလုပ်လည်းလုပ်ရဦးမယ်။ ရောက်ဖူးခဲ့သမျှ တိုင်းပြည်တွေရဲ့ အစားအစာယဉ်ကျေးမှုတွေကိုလေ့လာပြီး ပြန်ပြီးတီထွင်ဆန်းသစ်ဖို့လည်း လိုပြန်ပါတယ်။ ဒီတော့အီတလီမှာဆို မီလန်၊ ဘိုလော့ညာ၊ ဖလောရန့် စတဲ့မြို့တွေမှာရှိတဲ့ စားသောက်ဆိုင်တွေမှာ လှည့်ပြီးအလုပ်တွေလုပ် ဖြစ်ခဲ့တယ်။

          များသောအားဖြင့် လွတ်လွတ်လပ်လပ် ဖန်တီးချက်ပြုတ်ခွင့်ရှိတဲ့ စားသောက်ဆိုင် တွေမှာပဲ အလုပ်လုပ်ခဲ့တာပါ။ နောက်တစ်ခုက နေရာဒေသတော်တော်များများကို ခရီးထွက်ပြီး ဒေသစာချက်ပြုတ်နည်းတွေကို လေ့လာခဲ့တယ်။ တကယ်လည်း အစားအစာချက်ပြုတ်ချင်းနဲ့ ခရီးသွားချင်းဆိုတာစပ်ဆက်နေတယ်လို့ ယုံကြည်တာကြောင့် ခရီးတွေလည်းမကြာခဏထွက်ပြီး နေရာသစ် ဒေသသစ်တွေကအစားအစာအသစ်တွေကို လေ့လာရတာပိုသဘောကျပါတယ်။ ဒီတော့ခင်ဗျားမေးတဲ့မေးခွန်းကိုဖြေပြီး သွားပြီထင်ပါတယ်။

Food Magazine; Professional စားဖိုမှူးတစ်ယောက်နဲ့ တခြား Professional အလုပ် ဘယ်လိုကွာခြားလဲ။

Chef; ကမ္ဘာ့ဘယ်နေရာကိုပဲသွားသွားလေလူတိုင်း အစားအစာစားနေကြရတာပဲ မဟုတ်လား။ ဒါကြောင့် ဘယ်နေရာကိုပဲရောက်ရောက် စားဖိုမှူးတစ်ယောက်ဖြစ်နေပြီဆို ရင် အလုပ်လက်မဲ့တော့ဘယ်တော့မှဖြစ်မှာ မဟုတ်ဘူးလေ။ ကျွန်တော် ဘယ်လိုလုပ် လည်းဆိုရင် ရောက်လေရာမြို့မှာ ကျွန်တော်သိတဲ့သူဘယ်သူမှမရှိဘူး  ကျွန်တော်ရောက် တဲ့နေရာနဲ့ ပတ်သက်တဲ့အတွေ့အကြုံယူတယ် ရောက်လေရာအရပ်က ဆိုင်တွေကို တစ်ဆိုင်ပြီးတစ်ဆိုင် သွားစားဖြစ်တယ်။ စားလေပိုသိလာလေဖြစ်ပြီး ချက်ပြုတ်နည်းတွေ ကိုပါ သိလာတယ်။ စားဖိုမှူးတစ်ယောက်အနေနဲ့ စိတ်ကူးသစ်တွေကို လက်ခံနိုင်သူ (Open Manded) ဖြစ်ဖို့လည်းလိုတယ်။ အမြဲမပြတ်စိတ်ရောကိုယ်ပါသင်ယူလေ့လာနေရမယ့် Professional လုပ်ငန်းတစ်ခုပါ။ အကောင်းဆုံးအခြေအနေက ဘာလည်းဆိုရင် ဒီအလုပ်ကဘယ်နေရာမှာ ရောက်သွားရောက်သွား ကျွန်တော်အဖို့သင်ယူစရာတွေ အမြဲရှိနေတဲ့အချက်ပဲ။

Food Magazine; ဒီလိုဆိုခင်ဗျားအနေနဲ့က၊ ကိုယ်နဲ့စိမ်းတဲ့အစားအစာတွေကိုလည်း စားသောက်မြည်းစမ်းရမှာ ဝန်မလေးဘူးဆိုတဲ့ သဘောလား။

Chef; ဟုတ်တာပေါ့ ကျွန်တော်မသိသေးတဲ့ အစားအစာကို မြည်းစမ်းကြည့်ဖို့ကတော့ စားဖိုမှူးတစ်ယောက်အနေနဲ့လုံးဝမကြောက်ပါဘူး။

Food Magazine; ဒီလောကမှာ ခင်ဗျားစံထားရတဲ့ စားဖိုမှူးတစ်ယောက် တလေများရှိမလား။

Chef; ကျွန်တော်စံထားရတဲ့သူလား။ ရှိတာပေါ့စားဖိုမှူးအနေနဲ့ Chef Massimo Bottura ပေ့ါ သူကတော့ အီတလီမိုဒီနာက Osteria Francescana လို့ခေါ်တဲ့ကမီရှယ်လင်းစတား ၃ ခုရ စားသောက်ဆိုင်ရဲ့ ပိုင်ရှင်လည်းဖြစ်တဲ့ စားဖိုမှူးကြီးပါ။ သူနဲ့တစ်ခါမှအလုပ်တွဲ မလုပ်ဖူးပေမယ့် လေးစားတဲ့စိတ်နဲ့ ကျွန်တော်သူ့ကိုဒီကိုလာဖို့ ဖိတ်ခေါ်နိုင်အောင်ကြိုးစား နေပါတယ်။ Strand အတွက်လည်း အရောင်းမြှင့်တင်ရာရောက်အောင်ပေါ့။ ၂ဝ၁၇ ခုနှစ် မှာဒီလိုမီရှယ်လင် စတားစားဖိုမှူးတွေကို Strand Hotel မှာ ဖိတ်ခေါ်သွားဖို့အတွက် ရည်ရွယ်ထားပါတယ်။

Food Magazine; ခင်ဗျားကိုယ်တိုင်ရောကျော်ကြားတဲ့ စားဖိုမှူးတစ်ယောက်မဖြစ် ချင်ဘူးလား။

Chef; ကျွန်တော့်အတွက်ဆိုရင်တော့ သိုသိုသိပ်သိပ်လေးနေသွားတာမျိုးကိုပဲ နှစ်သက်ပါတယ်။ မနှစ်ကပြင်သစ်မှာလူပေါင်းသန်းချီပြီးကြည့်တဲ့ အစီအစဉ်တစ်ခုမှာ စနေနေ့ တိုင်းပါဝင်ခဲ့ပြီးပြီ။ ထိုင်းကိုရောက်တော့ Iron Chef အစီစဉ်ကိုစီစဉ်တဲ့ ကျွန်တော့်မိတ် ဆွေကအစီအစဉ်မှာပါဝင်ပေးဖိုခေါ်ပေမယ့် ကျွန်တော့်စားသောက်ဆိုင်မှာပဲ အမြဲ အလုပ်တွေများနေတာ့ မပါနိုင်တော့ဘူး။

Food Magazine; နိုင်ငံပေါင်းဘယ်နှနိုင်ငံလောက်ကို စားဖိုမှူးအဖြစ်ရောက်ပြီး အလုပ် တွေလုပ်ပြီးသွားပြီလဲ။

Chef; မြန်မာနိုင်ငံက ၇ နိုင်ငံမြောက်ပါ။ အီတလီကစပြီးစပိန်၊ ပြင်သစ်၊ ပေါ်တူဂီ၊ ဒူဘိုင်း၊ ထိုင်း၊ အခုတော့ မြန်မာပေါ့။

Food Magazine; မြန်မာအစားအစာတွေပေါ်မှာရော ဘယ်လိုမြင်လည်း။

Chef; ကျွန်တော်မြန်မာပြည်ရောက်လာတဲ့  ၉ လမှာ အစားအစာတော်တော်များများ မြည်းကြည့်ပြီး အားလုံးလိုလိုကိုလည်း ကြိုက်ပါတယ်။ မြန်မာပြည်တောင်ပိုင်းကနေစပြီး မြောက်ပိုင်းအထိ အစားအစာအားလုံးကြိုက်ပါတယ် ဘာလို့လည်းဆိုတော့ ဟင်းတွေ ရဲ့အရသာကအီတလီဟင်းတွေလိုပါပဲ ကျွန်တော်ထိုင်းမှာနေခဲ့တော့ ထိုင်းအစားအစာ ကိုရင်းနှီးခဲ့ပါတယ်။ ပါဝင်ပစ္စည်းတွေအများကြီးနဲ့ချက်ကြတယ်။ ဟင်းခတ်တွေ၊ အမွှေး အကြိုင်တွေ အမယ်များများပါတယ်။ စားလို့လည်းကောင်းပါတယ်။ မြန်မာဟင်းတွေကျ တော့ အဲလောက်မများဘဲနဲ့ ရိုးရိုးရှင်းရှင်းကြော်လိုက်၊ ချက်လိုက်နဲ့ ဟင်းတစ်ခွက်ရတယ်။

အရသာကြပြန်တော့လည်း သဘာဝအရသာအတိုင်းကိုခံစားရတယ်။ ကျွန်တော် အကြိုက်ဆုံးအစားအစာ အနေနဲ့နေ့တိုင်းနီးပါးစားဖြစ်တာ ခရမ်းချဉ်သီးသုပ်ပါ၊ မုန့် ဟင်းခါး၊ ကြာဆံသုပ်စတာတွေလည်း ကြိုက်ပါတယ်။ မြန်မာစားသောက်ဆိုင် တော် တော်များများကို ရောက်ဖူးပါတယ်။ ဒီက Strand Cafe’ မှာလည်း မြန်မာအစားအစာ တွေကို ကျွန်တော်တို့ထည့်ပေးထားပါတယ်။

Food Magazine; တကယ်လို့များခင်ဗျားရဲ့ ညစာအတွက် မြန်မာအစားအစာတွေထဲက ပဲရွေးချယ်ရတော့မယ်ဆိုရင် ဘာတွေရွေးစားဖြစ်မလဲ။

Chef; ကျွန်တော်အတွက်ဆိုရင်တော့ ပဲဟင်းချိုလေးရယ်၊ ကျောက်ပွင့်သုပ်ရယ် ဟင်းထဲကဆိုရင်တော့ကြက်သားဟင်းပေါ့။ အချိုပွဲအတွက်ဆိုရင် သာကူအချိုပွဲလေး ဆိုရင်တော့ကျွန်တော်အတွက် ညစာကောင်းတစ်ခုဖြစ်မှာပါပဲ။ ဒါတွေကိုလည်း ကိုယ်တိုင်ချက်နိုင်ဖို့သင်နေရသေးတုန်းပါပဲ။

Food Magazine; မြန်မာပြည်မှာလည်း ၉ လလောက်နေပြီးပြီ။ နေရာတော်တော်များများ လည်းခရီးတွေထွက်ပြီးလေ့လာပြီးပြှီအမနနအ င်္သသိ တွေကိုလည်း မြည်းစမ်းကြည့်ပြီးပြီ ဆိုတော့ စားဖိုမှူးတစ်ယောက်အနေနဲ့ မြန်မာပြည်ရဲ့ အစားအစာချက်ပြုတ် ဝန်ဆောင်မှု ပေးနေတဲ့လုပ်ငန်းတွေအပေါ်မှာ ဘယ်လိုအကြံဥာဏ်လေးများပေးချင်လဲ။

Chef; ပထမဦးဆုံးအစားအစာထုတ်လုပ်မှုရဲ့ ကုန်ချောလို့ခေါ်တဲ့ နောက်ဆုံးချက်ပြုတ် ပြင်ဆင်ပေးလိုက်တဲ့ အစားအစာပါ ဒီအစားအစာတွေကအဆင့် တစ်ခုမှာရောက်နေပါပြီ။ ဒါပေမဲ့တကယ်ရှိသင့်တဲ့ အဆင့်နေရာမျိုးကိုတော့ မရောက်သေးပါဘူး၊ ကုန်ကြမ်း တွေကိုပဲဖြစ်ဖြစ် ကုန်ချောတွေကိုပဲဖြစ်ဖြစ် တစ်နေရာကနေတစ်နေရာကို သယ်ယူပို့ ဆောင်ရတဲ့ နေရာမှာကိုင်တွယ်ထိန်းသိမ်းနိုင်မှု အားနည်းချက်လေးတွေ ရှိနေပါသေး တယ်။ လမ်းဘေးအစားအစာတွေကိုပြောရမယ်ဆိုရင်တော့ သန့်ရှင်းစင်ကြယ်မှုနဲ့ နည်း လမ်းတကျကိုင်တွယ်နိုင်ဖို့တော့ လိုပါသေးတယ်။ ဒါတွေကိုလိုက်နာနိုင်အောင် ထိန်း သိမ်းနိုင်မှုအားနည်းနေသေးရင်တော့ နောက်ဆုံးထုတ်ကုန်အတွက် စားသုံးသူမှာ ပြဿနာရှိနိုင်ပါတယ်။ လွန်ခဲ့တဲ့ ၂ ပတ်ကအင်းလေးကစိုက်ခင်းတစ်ခုကို ရောက်ခဲ့တယ်။ အဲမှာသူတို့လုပ်နေကိုင်နေတာတွေက အရမ်းကို အထင်ကြီးလေးစားဖို့ကောင်းတယ် အပင်တွေကိုလောင်းတဲ့ရေကအစ ဂရုတစိုက်နဲ့စစ်ဆေးပြီး သေသေချာချာလုပ်နေ ကြတာ။ ရန်ကုန်နဲ့ယှဉ်ရင် အင်းလေးမှာရနိုင်တဲ့အစားအစာတွေက ပိုဘေးကင်းပြီး လတ်ဆတ်တယ်လို့မြင်ပါတယ်။ ခရမ်းချဉ်သီးသုပ်ကို ကြိုက်သွားတယ်ဆိုတာလည်း အဲဒီမှာပါပဲ။

Food Magazine မီးဖိုချောင်ထဲမှာ မြန်မာလူမျိုး Kitchen Team နဲ့အလုပ်လုပ်ရတော့ရော အစစ အဆင်ပြေရဲ့လား။

Chef; အရမ်းအဆင်ပြေပြီးပျော်စရာကောင်းပါတယ်။ ကောင်းတဲ့အချက်ကအဖွဲ့သား တွေအားလုံးက တက်တက်ကြွကြွကနဲ့ သင်ယူချင်စိတ်ရှိကြတယ် သင်ယူနိုင်စွမ်းမှာလည်း အရမ်းမြန်ဆန်ကြတယ်။ သူတို့ကိုယ်ကိုလည်း Strand မှာရှိနေကြတဲ့အတွက် ဂုဏ်ယူကြ တယ်။ အခုကျွန်တော့်အဖွဲ့မှာ မသန်စွမ်းကျောင်းကကျောင်းသား တစ်ယောက် ကိုကျွန်တော့် ဧည့်သည်အနေနဲ့ဖိတ်ပြီးမီးဖိုဆောင်မှာ အများနည်းတူ အလုပ်လုပ်နိုင် အောင် ခေါ်ထားသေးတယ်။ အရမ်းကိုခင်စရာကောင်းပြီး ကြိုးစားတဲ့သူတစ်ယောက်ပေါ့။

Food Magazine; ခင်ဗျားအမြင်ပေါ့စားဖိုမှူးကောင်းတစ်ယောက်မှာရှိသင့်တဲ့ စိတ်ထားလေးကို နောက်ဆုံးစကားလက်ဆောင်အနေနဲ့ပြောပေးပါဦး။

Chef; ကြိုးစားအားထုတ်မှုတော်တော်လိုမယ်လေ။ အရေးကြီးတာစေတနာပါရမယ်။ အလုပ်ကိုပြီး သွားအောင်လုပ်တာမျိုးမဟုတ်ဘဲ၊ အလုပ်ပြီးသွားအောင် လုပ်တဲ့နေရာမှာ စေတနာ၊ မေတ္တာလေးပါထည့်ပြီး ပြီးသွားအောင်လုပ်တာမျိုးပေါ့ငွေရှာယုံသက်သက်နဲ့ ဒီအလုပ်ကိုလုပ်လိုလည်းမရဘူး၊ စေတနာလေးပါပါမှ၊ ပြီးတော့ ဒီလိုလုပ်ဖို့ကလည်း တစ်ရက်တည်း အလုပ်မဟုတ်ပြန်ဘူး နေ့တိုင်းနေ့တိုင်းမီးဖိုထဲမှာ နာရီပေါင်းများစွာ လုပ်နေရတာ။ နောက်တစ်ခုက ဒီအလုပ်မှာချိန်ညှိလို့မရဘူး။ အပြင်ကမိသားစုဘဝနဲ့ မီးဖိုထဲကဘဝနဲ့က တကယ်အောင်မြင်အောင်ကြိုးစားဖို့ဆိုရင် ချိန်ညှိပြီးလုပ်လို့ကိုမရတာ၊။ ဒီအလုပ်မှာဘဲအာရုံစိုက်ပြီးစိတ်ရော ဘဝရောနှစ်ထားနိုင်ဖို့ရအရေးကြီးပါတယ်။ အဲဒီလိုကြိုးစားနိုင်ရင်တော့ရလဒ်လည်းကောင်းနိုင်မှာပေါ့။ ဆန့်ကျင်ဘက်ပြောရမယ် ဆိုရင်တော့ အဲ့လိုတွေမလုပ်နိုင်ရင် ဒီအလုပ်မလုပ်တာအကောင်းဆုံးပါဘဲ။

♦  သစ်ထူး (My Foodies)  ♦

Facebook Comments