ခနောမှ “ကြွယ်ဝတဲ့အရသာ၊ ကြွယ်ဝတဲ့ဘဝ” ကံစမ်းမဲအစီအစဉ် စတင်မိတ်ဆက်ခြင်း

          Unilever Myanmar၏ ခနောကြက်သားမှုန့် အမှတ်တံဆိပ်သည် ယခုတွင် စားသုံးသူမိဘပြည်သူများအတွက် မြန်မာကျပ် သိန်း ၂၀ဝ၀ ကျော် တန်ဖိုးရှိသည့် စိတ်လှုပ်ရှားဖွယ် ဆုကြီးများ ထည့်သွင်း ပေးထားသည့် “ကြွယ်ဝတဲ့အရသာ၊ ကြွယ်ဝတဲ့ဘဝ” ကံစမ်းမဲ အစီအစဉ်ကို စတင်မိတ်ဆက်လိုက်ပြီ ဖြစ်ပါသည်။ ဤအစီအစဉ်ကို ၂၀၁၇ ခုနှစ် နိုဝင်ဘာလ ၁ ရက်နေ့မှ ၂၀၁၈ ခုနှစ် ဖေဖော်ဝါရီလ ၂၈ ရက်နေ့အထိ ပြုလုပ်ပေးသွားမည်ဖြစ်ပြီး ခနောစားသုံးသူများအနေဖြင့် ကျပ်သိန်း တစ်ရာဆု (၅)ဆု၊ လူနှစ်ဦး လိုက်ပါနိုင်မည့် စင်ကာပူ ခရီးစဉ် (၂၀)ဆု၊ စိန်လက်စွပ် (၅၀)ဆုနှင့် ကျပ်ငါးသောင်းဆု (၁၀ဝ၀)ကျော်ကို ခနော ၁၇ ဂရမ်၊ ၄၀ဝ ဂရမ်နှင့် ၈၀ဝ ဂရမ်အထုပ်များအတွင်း ကံစမ်းရယူနိုင်ပါသည်။

          ဤကံစမ်းမဲအစီအစဉ်တွင် ဆုမဲများ ရရှိနိုင်သည့် နည်းလမ်းမှာတော့ စားသုံးသူများအနေဖြင့် မိမိတို့ ဝယ်ယူလာသည့် ခနောအထုပ် ကို ဖွင့်ဖောက်စစ်ဆေးကြည့်ပြီး ကံထူးသူများအနေဖြင့် အထုပ်အတွင်းတွင် ပေါက်မဲကုတ်နံပါတ်ကို တွေ့ရမှာဖြစ်ပြီး အဆိုပါ ကုတ် နံပါတ်ကို ဖုန်းနံပါတ် ဝ၉-၄၂၂၄၀၈၀၈၀ (သို့) စာတို (SMS) ပေးပို့၍ မိမိတို့မည်သည့်ဆုကို ရရှိကံထူးကြောင်း စစ်ဆေးရမည် ဖြစ်ပါသည်။ ဆုမဲထုတ်ယူခြင်းအတွက် ကံထူးရှင်များကို Unilever ခနောမှ ဆက်သွယ်ပေးသွားမည်ဖြစ်ပါသည်။

          ခနောအနေဖြင့် စားသုံးသူမိဘပြည်သူများကို ကျေးဇူးတုံ့ပြန်သည့်အနေဖြင့် ကံစမ်းမဲအစီအစဉ်ကြီးများကို လုပ်ဆောင်လာခဲ့သည်မှာ ယခုနှစ်အပါအဝင် (၃)နှစ်ရှိခဲ့ပြီ ဖြစ်ပါသည်။ ယခုနှစ်အတွက်ပြုလုပ်သည့် “ကြွယ်ဝတဲ့အရသာ၊ ကြွယ်ဝတဲ့ဘဝ” ကံစမ်းမဲအစီအစဉ်တွင် စားသုံးသူများ ကံထူးနိုင်မည့် အခွင့်အရေး ပိုမိုရရှိနိုင်ရန်အတွက် ဆုမဲ အရေအတွက်ကို ခနောမှ သုံးဆပိုမို တိုးမြှင့်ပေးထားပါသည်ဟု သိရပါသည်။

Facebook Comments