Ketogenic ကောင်းလား၊ မကောင်းဘူးလား

by ဒေါက်တာ ညီညီကျော် for Food Magazine

ယခုတလော Social Media မှာ အလွန် ခေတ်စားနေတဲ့ Ketogenic Diet နဲ့ ပတ်သက်ပြီး အငြင်းပွားစရာတွေ အများကြီးရှိပါတယ်။

အဓိကကတော့ Social Influencers တွေ၊ Celebrity တွေ စားတဲ့အခါ မှာ တစ်ခဏ အတွင်း ရုတ်တရက် အရှိန်နဲ့နာမည်ကြီးလာပါတယ်။ ကျွန်တော်တို့နိုင်ငံတင်ပဲလား ဆိုတော့ မဟုတ်ပါဘူ။ ကမ္ဘာနဲ့အဝန်းပါ။ ဒါကြောင့် ကမ္ဘာနဲ့အဝန်းမှာရှိတဲ့ အာဟာရ ပညာရှင်များနှင့် တချို့သော နှလုံးရောဂါအထူးကုဆရာဝန်တွေ ဦးနှောက်ခြောက်ရတဲ့ အကြောင်းအရာတစ်ခုပါ။

အဲဒါနဲ့ပတ်သက်ပြီး လေ့လာတွေ့ရှိချက်တွေကို ဖော်ပြပေးပါမယ်။

၁။       တကယ်ဝိတ်ကျလား။

ဝိတ်ကျပါတယ်။ တခြား Diet Plan တွေထက်စာရင် ဝိတ်ကျတာ ပိုတောင် မြန်ပါသေးတယ်။ ရေတိုအတွက် အဆင်ပြေကောင်း ပြေနိုင်ပါတယ်။ ရေရှည်မှာတော့…

 

၂။       ရေရှည်စားလို့ရလား။

လုံးဝ ရေရှည်စားလို့မရတဲ့  Diet Plan ဖြစ်ပါတယ်။ လေ့လာတွေ့ရှိချက်

၁၇ ခုအပေါ်မှာ အခြေခံပြီး တွေ့ရှိချက်အရ  Low Carbohydrate Diet က နှလုံးရောဂါကြောင့် သေဆုံးတဲ့နှုန်းကို မြင့်မားစေပါတယ်။

 

၃။       ဆိုးကျိုးရှိလား။

Keto (ကီတို) စားရင် ဆိုးကျိုးမရှိဘူးလို့ ပြောဆိုနေကြတာ တွေ့ရပါတယ်။ ဆိုးကျိုးရှိပါတယ်။ Carbohydrate မစားဘဲ အဆီတွေကို အဓိကစားလာတဲ့ နောက်ပိုင်း ဆိုးကျိုးကတော့ သွေးတွင်းကိုလက်စထရော တက်လာစေ ပါတယ်။ နှလုံးရောဂါရှိနေတဲ့သူတွေမှာ Ketogenic Diet  စားရင်  သေဆုံးမှု နှုန်း  ၅၃ ရာခိုင်နှုန်းအထိ မြင့်တက်လာကြောင်း တွေ့ရပါတယ်။

 

၎။       အာဟာရ ပြည့်မီရဲ့လား။

Carbohydrate မစားတော့တဲ့အတွက် လူတစ်ဦး တစ်နေ့တာစားသင့်တဲ့ အသီးအရွက်ပမာဏကို ပြည့်အောင် မစားဖြစ်ကြတော့ဘဲ အသားတွေ၊ အဆီတွေကိုသာ ဦးစားပေးစားကြတော့ သွေးတွင်း အဆီဓာတ်တွေကို တက် စေပါတယ်။ အာဟာရပြည့်မီရဲ့လားဆိုရင်တော့ လုံးဝ မပြည့်မီပါဘူးလို့ပဲ ပြောပါရစေ။

 

၅။       ကောင်းကျိုးရှိလား။

ရှိပါတယ်။ တော်တော်လေးကောင်းတဲ့ အကျိုးတွေ ရှိပါတယ်။ ဒါပေမဲ့ ဝိတ်ချဖို့ အတွက်မဟုတ်ပါ။ ကလေးတွေမှာ အထူးသဖြင့် အတက်ရောဂါ (ဆေးမတိုး အတက်ရောဂါ) ဝေဒနာရှင်တွေမှာဆိုရင် Ketogenic Diet ကျွေးပေးရင် အတက်အကြိမ်အရေအတွက် ကျစေပါတယ်။ အဲဒါတောင် ကလေးတွေကို ဆရာဝန်တွေက အနီးကပ်စစ်ဆေးမှုတွေကို ပုံမှန်ပြုလုပ်ပြီး ကျွေးတာပါ။ ကျွန်တော်တို့ မြန်မာနိုင်ငံမှာလည်း ကျွေးနေပါတယ်။ အဲဒါတောင် အသက် ကြီးတဲ့ ဆေးမတိုးအတက်ရောဂါဝေဒနာရှင်တွေဆိုရင် ကျွေးဖို့ အဆင်မပြေ နိုင်ပါဘူး။

 

၆။       အကောင်းဆုံး ဘယ်လို ဝိတ်ချမလဲ။

အဆီတွေ၊ ထောပတ်တွေ စားနေမယ့်အစား ဝိတ်ကျချင်ရင် ထမင်းလျှော့ စားမယ်၊ ဟင်းအနှစ်တွေ လျှော့စားမယ်၊ ပြီးတော့ အသားအစစ် (အရေခွံ၊ အဆီမပါ)၊ ငါးအမျိုးမျိုး၊ အရွက်၊ အသီး၊ ပဲ၊ အစေ့အဆန် (သတ်မှတ်ထား သောပမာဏ) လေးတွေကို စနစ်တကျလိုက်စားပြီး ဝိတ်ချပါ။Keto လောက် တော့ မြန်မြန်မကျပါဘူး။ ဒါပေမဲ့ Keto လောက် အန္တရာယ်မပေးပါဘူး။ ဝိတ်ကတော့ တဖြည်းဖြည်းကျပြီး ကျသွားတဲ့ဝိတ်ကလည်း တော်တော်နဲ့ ပြန်ပြီး မတက်နိုင်ပါဘူး။ အရေးအကြီးဆုံးက ကိုယ့်ခန္ဓာကိုယ်အချိုးအစားကို မကြည့်ဘဲ ပေါင်ချိန်စက်ပေါ်က ကိန်းဂဏန်းတစ်ခုတည်းကြည့်ပြီး ဝိတ်မချမိ ပါစေနှင့်။

 

မြန်မာလူမျိုးဖြစ်ပြီး လုံးဝထမင်းမစားဘဲ အဆီတွေ၊ ထောပတ်တွေပဲ စားပြီး ဝိတ် ချမယ်ဆိုရင်တော့ ဆိုးကျိုးအပြင် တော်တော်များများက တစ်လထက် ပိုမစားနိုင်ကြ ပါဘူး။ ဒီလိုနဲီ့ငနအ လုပ်လိုက်၊ ပြန်စားလိုက်နဲ့ ဝိတ်က တက်လိုက်၊ ကျလိုက်ဖြစ်နေပါ လိမ့်မယ်။

Social Influencers တွေ စားတာကိုကြည့်ပြီး လိုက်မစားကြပါနဲ့။ သူတို့ တကယ် Keto အစစ် စားနေလား၊ မစားဘူးလားဆိုတာ မသိနိုင်ပါဘူး။ ကျွန်တော်ကတော့ ဆေးခန်းမှာ ခဏခဏ ကြုံတွေ့ဖူးနေလို့ပါ။ မိမိကိုယ်ကို အစမ်းသပ်ခံအဖြစ် မခံပါနှင့်။

Facebook Comments