Dagon Beer (ဒဂုံဘီယာ)

Dagon Beer (ဒဂုံဘီယာ)

          အားလုံးပဲမင်္ဂလာပါ။ ယခုကျွန်တော်မျှဝေပေးချင်တာကတော့ လူတိုင်းစိတ်ဝင်စားနေကြတဲ့ ဒဂုံဘီယာအကြောင်းပါ။ ၅-၅-၂၀၁၇ မှာ ကျွန်တော်တို့ မြန်မာစားဖိုမှူးများအသင်း (MCA) ကို Mr, Oliver ဦးဆောင်ပြီး ဒဂုံဘီယာချက်စက်ရုံသို့ သွားရောက်လေ့လာခဲ့ကြပါတယ်။ ဒါကြောင့် မသိသေးတဲ့ ဗဟုသုတများစွာကို ရရှိပါတယ်။

          ဒဂုံဘီယာချက်စက်ရုံကို ၄-၆-၁၉၉၇ မှာ စတင်ပြီး တည်ထောင်ခဲ့တာပါ။ စက်ရုံ ဆောက်လုပ်ထားတဲ့ နေရာကတော့ ရန်ကုန်မြို့၊ ရွှေပြည်သာမြို့နယ်၊ အမှတ် (၄) လမ်းမကြီးမှာ ဆောက်လုပ်ထားတာပါ။ စလုပ်တုန်းကတော့ MEC, Bermuda’s Brew နဲ့ MGS ကုမ္ပဏီသုံးခု အကျိုးတူပူးပေါင်းပြီး လုပ်ခဲ့ကြတာပါ။ အခုနောက်ပိုင်းမှာတော့ MEC (Myanmar Economic Corporation) မြန်မာ့စီးပွားရေးကော်ပိုရေးရှင်း တစ်ဦးတည်းပိုင်ဖြစ်ပါတယ်။

          ဒဂုံဘီယာဟာ အရည်အသွေးတွေ ကမ္ဘာ့အဆင့်မီတိုးတက်လာခဲ့ပြီး ၂၀ဝ၇ ခုနှစ်မှစ၍ ကမ္ဘာ့အကောင်းဆုံးဆုတွေနဲ့ အခြားရွှေတံဆိပ်ဆုပေါင်း ၁၇ ဆုကို ရယူထားရှိပြီးဖြစ်ပါတယ်။ ၂၀၁၆ မှာလည်း ကမ္ဘာ့အကောင်းဆုံး နည်းပညာဆုကို ထပ်မံရရှိပါသေးတယ်။ ကျွန်တော်တို့မြန်မာတွေအပိုင်ဖြစ်တဲ့ မြန်မာ့မြေပေါ်က ဒဂုံဘီယာဟာ အင်မတန်ဂုဏ်ယူစရာပါပဲ။

          ဒဂုံဘီယာချက်စက်ရုံမှ ဘီယာများသာမက အခြားသော အဖျော်ယမကာများကိုလည်း ထုတ်လုပ်ပါသေးတယ်။ လက်ရှိလူသိများနေတာတွေကတော့ Dagon Lager Beer ကို ပုလင်း၊ သံဘူး၊ စည်ဘီယာ စသည့်ပုံစံများဖြင့် ထုတ်ဝေပါတယ်။ Dagon Extra Strong Beer  ကိုလည်း ပုလင်း၊ သံဘူး၊ စည်ဘီယာအဖြစ် ထုတ်လုပ်ပါတယ်။ Skol Beer ကိုတော့ ပုလင်းနှင့် စည်ဘီယာ ပုံစံနှစ်မျိုးပါ။ Dagon Rum ကိုလည်း ပုလင်းအကြီး၊ ပုလင်းအသေးပုံစံများဖြင့် နိုင်ငံတကာအဆင့်မီ ထုတ်လုပ်ပါတယ်။ မြန်မာမှာ ပထမဆုံးဖြစ်တဲ့ မုယောစပါး အချိုရည်ကိုတော့ သံဘူးဖြင့် ထုတ်လုပ်ပါတယ်။

          ဘီယာဖြစ်လာပုံနှင့် ပြုလုပ်ပုံလေးတွေကို လေ့လာကြည့်မယ်ဆိုရင်တော့ အခြေခံဖြစ်တဲ့ မုယောစပါးကို ဩစတြေးလျနဲ့ ပြင်သစ်နိုင်ငံတို့ မှာယူရပါတယ်။ ဘီယာရဲ့ အခါးဓာတ်ကိုပေးတဲ့ ဗျစ်ပွင့်ကိုတော့ ဂျာမနီနိုင်ငံက မှာယူရပါတယ်။ ဘီယာချက်ရင် Fermentation ဖြစ်စေတဲ့ တဆေး (Yeast) ကိုတော့ ဒိန်းမတ်နိုင်ငံက မှာယူရပါ တယ်။ ပထမဆုံး မုယောစပါးတွေကို သံနှင့် ဓာတ်သတ္တုအညစ်အကြေးတွေကို သန့်စင်ရပါတယ်။ သန့်စင်ပြီး မုယောစပါးတွေကိုတော့ တန် ၁၀ဝ နဲ့ တန် ၂၀ဝ တွေဆံ့တဲ့ သိုလှောင်ရုံကြီးခြောက်လုံးမှာ သိုလှောင်ထားပါတယ်။ ပြီးတော့ ကြိတ်ခွဲခြင်း၊ ကျိုချက်ခြင်း၊ သကြားဓာတ်ပြောင်းလဲခြင်း၊ အနည်စစ်ခြင်း၊ အအေးခံခြင်းနှင့် အချဉ်၊ အခါးဖောက်ခြင်း၊ ဘီယာချက်လုပ်ခြင်း၊ Alcohol ဓာတ်ထိန်းညှိခြင်း စသည်တို့ကို အဆင့်မြင့်နည်းပညာများဖြင့် လုပ်ဆောင်နေပါတယ်။ အရည်အသွေးကောင်းတွေ ထွက်ရှိလာဖို့အတွက် အတွေ့အကြုံရှိ ဝန်ထမ်းများကို တိကျသောနည်းပညာ၊ ခိုင်မာတင်းကျပ်တဲ့ အရည်အသွေးနှင့် စည်းစနစ်တွေ ချမှတ်ပြီး ထုတ်လုပ်မှုလုပ်ဆောင်တာတွေ့ရပါတယ်။ ကုန် ကြမ်းပစ္စည်းမှ ကုန်ချောပစ္စည်းရောက်ရှိသည်အထိ အရည်အသွေးကောင်းတွေ ရရှိဖို့အတွက် နောက်ဆုံးပေါ်စက်ပစ္စည်းတွေဖြစ်တဲ့ ဒိန်းမတ်နိုင်ငံမှ မှာယူတပ်ဆင်ထားပါတယ်။

          ယနေ့ဒဂုံဘီယာချက်စက်ရုံမှာ ဦးစီးပြီး မြင့်မားသော အရည်အသွေးကို ထိန်းချုပ်ပေးနေသူကတော့ အင်္ဂလန်နိုင်ငံမှာ ဘီယာဘွဲ့လွန်ဒီပလိုမာဘွဲ့ရယူခဲ့တဲ့ Mr. Chan Ching ဖြစ်ပါတယ်။ သူကတော့ အရှေ့တောင်အာရှမှာ အကြီးမားဆုံး ဘီယာချက်စက်ရုံဖြစ်တဲ့ Carlsberg စက်ရုံမှာ ဘီယာချက်ဌာနနှင့် အရည်အသွေးစစ်ဌာနမှာ ၃၂ နှစ်ကြာ တာဝန်ထမ်းဆောင်ခဲ့ဖူးသူ ဖြစ်ပါတယ်။

          ချက်ပြီးသားဘီယာတွေကို ထုပ်ပိုးမှုဌာနသို့ ပို့ခြင်း၊ ပုလင်းနှင့် သံဘူးတို့ကိုအရည် ဖြည့်စက်များဖြင့် ဖြည့်သွင်းခြင်း တို့ကိုလုပ်ပါတယ်။ ပြီးလျှင် ပိုးသတ်ခြင်း၊ စံချိန်မီမမီ စစ်ဆေးခြင်း၊ တံဆိပ်ကပ်ခြင်း၊ ပါကင်ထုပ်ခြင်းများ ပြုလုပ်ပြီးပါက သိုလှောင်ရုံသို့ ပို့ဆောင်ရပါတယ်။ သိုလှောင်ထားတဲ့ စည်ဘီယာတွေကိုလည်း စည်အလွတ်ထဲဖြည့်သွင်းခြင်း၊ ပိုးသတ်ခြင်း၊ ပါကင်ထုပ်ခြင်း၊ သိမ်းဆည်းခြင်းများကိုလည်း အဆင့်ဆင့်ပြု လုပ်ရပါတယ်။ အားလုံးပြီးပါက မြန်မာနိုင်ငံရှိ ကိုယ်စားလှယ်ကြီး ၃၆ ဦးမှတစ်ဆင့် ဖြန့်ဝေပါတယ်။ ဒဂုံဘီယာဟာ အင်တာနေရှင်နယ် အဆင့်မှီတာမို့ အခြားနိုင်ငံများသို့လည်း တင်ပို့နေပါပြီ။  ဒဂုံစည်ဘီယာဟာ အဆင့်မြင့်နည်းပညာများဖြင့် ထုတ်လုပ်နေတာမို့ တစ်နှစ်လျှင် စည်ပေါင်းငါးသိန်းကျော် ထုတ်လုပ်နေပါတယ်။ ဘီယာမှာ ပါဝင်တဲ့ အာဟာရတွေကတော့ ရေဓာတ်၊ ပရိုတင်းဓာတ်၊ ကာဗွန်ဟိုက်ဒရိတ်၊ အယ်လ်ကိုဟော၊ ဗီတာမင်နှင့် သတ္တုဓာတ်တွေဖြစ်ပါတယ်။  စည်ဘီယာ ၁၀ဝ မီလီမှာ ကိုလစ်စတော ပါဝင်မှုကတော့ ၃၉ ဖြစ်ပါတယ်။ နောက်တစ်ခု ကျွန်တော်တို့ သိလိုက်ရတာတစ်ခုက ဘီယာထဲမှာပါဝင်တဲ့ အယ်လ်ကိုဟောကို တကူးတကထည့်တာမဟုတ်ဘဲ အချဉ်အခါးဖောက်ပြီး လိုချင်တဲ့အတိုင်းအတာယူလိုက်တာပါ။ လိုတာထက် များသွားပြီဆိုရင်တော့ Rum အဖြစ် ကူးပြောင်းသွားတော့တာပါ။ ဒါကြောင့် ဘီယာချက်စက်ရုံတွေမှာ Rum တွေ ထွက်ပေါ်ထာရတာပေါ့။

          မြန်မာနိုင်ငံမှာ ပထမဆုံးထုတ်လုပ်တဲ့ မုယောစပါးအချိုရည်မှာ အဓိကပါဝင်ပစ္စည်းတွေကတော့ မုယောစပါး၊ ပျားရည်နဲ့ ဗျစ်ပွင့်တို့ဖြစ်ပါတယ်။ နောက်တစ်ခု ထူးခြားနည်းပညာများဖြင့် ထုတ်လုပ်ထားတဲ့ Dagon Light Beer လေးအကြောင်း မျှဝေချင်ပါတယ်။ ယခုဖြန့်ဝေထုတ်လုပ်နေပြီဖြစ်ပါတယ်။ အယ်လ်ကိုဟော ပါဝင်မှု ၄.၂ ရာခိုင်နှုန်းသာပါရှိပြီး နောက်ဆုံးပေါ်နည်းစနစ်နဲ့ ထုတ်လုပ်ထားတာပါ။ ရနံ့လေးက ပျားရည်ရနံ့လေးသင်းပြီး အချိုဓာတ်နဲ့ အခါးဓာတ်လေး မျှတနေတာမို့ အရမ်းကိုဆွဲဆောင်မှုရှိတယ်ဗျ။ ဒီလောက်ကောင်းတဲ့ ပုံစံလေးကို ဘာရည်ရွယ်ချက်နဲ့ ထုတ်တာလဲမေးတော့  ယမကာချိုးများမဟုတ်တဲ့ ယောကျာ်းများနဲ့ စိတ်နွမ်းလူပန်းဖြစ်နေတဲ့ အမျိုးသမီးများ ရံဖန်ရံခါ သုံးဆောင်ဖို့အတွက် စေတနာသန့်သန့်ဖြင့် ထုတ်လုပ်ပေးတာပါဟု Mr. Chan Ching ကပြောပါတယ်။ ကဲ . . ဒီလောက်နဲ့ပဲ ကျေနပ်ကြပါနော်။ အထွေထွေဗဟု သုတတွေတိုးပွားကြပါစေ။

♦   Mario Win Zaw   ♦

Facebook Comments