ပြီးပြည့်စုံသော စားသောက်ဖွယ်စာရင်း အခြေခံအချက်များ

by Chef Sunny for Food Magazine

          မြန်မာစားဖိုမှူးများအတွက် လုပ်ငန်းခွင် လက်တွေ့အသုံးချပညာရပ်များကို “Myanmar Chefs Development Centre” ရဲ့ “Chefs Education Page’’ မှာ လစဉ် ဖော်ပြပေးနေပါတယ်။ ပြီးခဲ့တဲ့လမှာတော့ စားဖိုမှူးများအတွက် အထူးအရေးကြီးပြီး သေချာစွာ သိရှိထားရမယ့် အသိပညာများကို ဖော်ပြပေးခဲ့ပါတယ်။ ဟိုတယ်နှင့် စားသောက်ဆိုင်များမှာ “စားသောက်ဖွယ်စာရင်း” (Menu) ဟာ မရှိမဖြစ် လိုအပ်ပါတယ်။ စားသောက်ဖွယ်မျိုးစုံကို စနစ်တကျ အစီအစဉ်ကျနစွာ ဖော်ပြပေးဖို့ လိုအပ်သလို အစား အစာများမှာ ပါဝင်ပစ္စည်းများနှင့် ကျသင့်ငွေဈေးနှုန်းများကိုလည်း ဖော်ပြပေးဖို့ လိုအပ်ါတယ်။ စားသောက်ဖွယ်စာရင်း (Menu)  များကို ပြင်ဆင်ရာမှာ စားဖိုမှူးများ အထူးသတိပြုဆောင်ရွက်ရမယ့် အချက်အလက်များကို အောက်မှာ ဆက်လက်ဖော်ပြပေးလိုက်ပါတယ်။ စားသောက်ဖွယ်စာရင်း  ပြင်ဆင်ရာမှာ ထည့်သွင်းစဉ်းစားရမယ့် အချက်များထဲမှ (၃) ပြီးပြည့်စုံသော စားသောက်ဖွယ်စာရင်းအခြေခံအချက်များ။ (Compile a Basic Menu) ကို အဆုံးသတ်ဖော်ပြပေးသွားပါမယ်။

(စ)    အာဟာရတန်ဖိုးမြင့်မားခြင်း။ (Nutritional Value)

          စားသောက်ဖွယ်စာရင်း ပြင်ဆင်ခြင်းဟာ အနံ့အရသာ ကောင်းမွန်ခြင်း၊ ထူးခြားဆန်းပြားခြင်းနှင့် စိတ်ဝင်စားဖွယ်ဖြစ်စေဖို့ ရည်ရွယ်ပြင်ဆင်ခြင်းသက်သက် မဟုတ်ပါ။ စားသုံးသူများရဲ့ အာဟာရဓာတ်ပြည့်ဝစွာ ရရှိစေနိုင်မှုနှင့် ဘေးဥပဒ်ကင်းစေဖို့လည်း အထူးထည့်သွင်းစဉ်းစားရမှာ ဖြစ်ပါတယ်။ အစားအစာများမှာ မူလကပါဝင်ပြီးဖြစ်တဲ့ အာဟာရတန်ဖိုးများကို မပျက်မလျော့သွားစေဖို့ အထူးသတိပြုပြင်ဆင်ချက်ပြုတ်ရမှာ ဖြစ်ပါတယ်။ အစားအစာများအတွက် ကုန်ကြမ်းများကို အရည်အသွေးကောင်းမွန်မြင့်မားပြီး လတ်ဆတ်မှုကို အထူးရွေးချယ် ပြင်ဆင်ဖို့လည်း အထူးလိုအပ်ပါတယ်။ အထူးသဖြင့် ဟင်းသီးဟင်းရွက်များကို လိုအပ်သည်ထက် အချိန်ကြာမြင့်စွာ ချက်ပြုတ်ခြင်း၊ သိုလှောင်သိမ်းဆည်းခြင်း၊ အစိမ်းစားသုံးနိုင်သည့် အသီးအရွက်များကို အစဉ်လတ်ဆတ်နေစေရန် အထူးဂရုပြုထိန်းသိမ်းရန် လိုအပ်ပါတယ်။ အသားမျိုးစုံကိုလည်း နူးညံ့ပြီး အစာကြေလွယ်စေမယ့် အစိတ်အပိုင်းများကိုသာ ရွေးချယ်ပြင်ဆင်သင့်ပါတယ်။ အကယ်၍ အနည်းငယ်မာကျောသော အသားစိုင်များကို ချက်ပြုတ်မည်ဆိုပါက နူးနပ်စွာ နှပ်ချက်ခြင်းကဲ့သို့ ပြင်ဆင်နည်းများကို အသုံးပြုပြင်ဆင်သင့်ပါတယ်။ ပင်လယ်စာနှင့် ငါးမျိုးစုံကိုလည်း မိမိရဲ့ စားသုံးသူများ ကြိုက်နှစ်သက်တဲ့ အမျိုးအစားများကိုသာ ရွေးချယ်ပြီး စားသောက်ဖွယ်စာရင်းမှာ အစဉ်အမြဲ လတ်ဆတ်စွာ ပြင်ဆင်နိုင်ဖို့ စီစဉ်သင့်ပါတယ်။

(ဆ)   အရောင်အသွေးလှပပြည့်စုံခြင်း။ (Colors and Garnishing)

          အစားအစာများကို ပြင်ဆင်တည်ခင်းတဲ့အခါ စားသုံးသူများရဲ့ မျက်စိထဲမှာ အဆင်းအရောင်လှပပြီး စားချင်စဖွယ်ဖြစ်စေဖို့ နည်းမျိုးစုံဖြင့် အလှဆင်ကြပါတယ်။ အထူးသတိပြုရမယ့်အချက်ကတော့ သဘာဝကရတဲ့ အရောင်များဖြစ်စေဖို့ လိုအပ်ပါတယ်။ အစားအစာကို အမြင်နဲ့တင် အရသာကတော့ ကောင်းမှာသေချာတယ်လို့ ထင်နိုင်အောင် ပြင်ဆင်ဖို့ လိုအပ်ပါတယ်။ အစားအစာများကို အလှဆင်ပြင်ဆင်တဲ့အခါ အစားအစာရဲ့ အရောင်၊ အနံ့၊ အဆင်းတို့က အစားအစာရဲ့ အရသာနှင့် အမှန်တကယ် လိုက်ဖက်ညီရန်လည်း လိုအပ်ပါတယ်။ အစားအစာများရဲ့ အလှဆင်တဲ့ အရောင်အဆင်းများကို ရွေးချယ်ရာမှာ မလိုက်ဖက်သော အရောင်များ တွဲဖက်ထားခြင်းနှင့် စိတ်ဝင်စားဖွယ်မကောင်းတဲ့ မှေးမှိန်ဖျော့တော့သော အရောင်များကိုလည်း အသုံးမပြုမိစေဖို့ သတိထား ရှောင်ရှားရပါမယ်။ စားသုံးသူများကို မလှည့်စားမိစေဖို့နှင့် စိတ်အနှောင့်အယှက်မဖြစ်စေဖို့ အထူးသတိပြုရပါမယ်။ စားသုံးသူများဘက်က မမျှော်လင့်ထားသော အရသာနှင့် အပြင်အဆင် မအပ်စပ်မှုများဟာ မိမိရဲ့ဟိုတယ်၊ စားသောက်ဆိုင်ကို နောက်ထပ်လာဖို့ ခက်ခဲစေမယ်ဆိုတာ သတိပြုဆင်ခြင်ဖို့ လိုအပ်ပါတယ်။ အစားအစာများကို အလှဆင် ပြင်ဆင်တဲ့အခါ လိုအပ်သည်ထက်ပိုပြီး ပြင်ဆင်ခြင်းများကိုလည်း ရှောင်ကြဉ်ဖို့ လိုအပ်ပါတယ်။ စားသုံးသူများအနေဖြင့် အငြင်းပွားခြင်း (Complain) သည်လည်း အစဉ်အမြဲပြုရန် မသင့်တော်သည်ကို သိရှိထားပြီး စားသုံးသူများဘက်က အဆင်မပြေခြင်းများ လုံးဝမရှိစေဖို့ အထူးသတိပြု ပြင်ဆင်တည်ခင်းသင့်ပါတယ်။ အဆုံးသတ်အနေဖြင့် ခြုံငုံ

စဉ်းစားလိုက်နာရန် အချက်များကတော့-

(၁)     ပါဝင်ပစ္စည်းများအား ထပ်ခါတလဲလဲ ထပ်မံအသုံးပြုခြင်းများကို ရှောင်ကြဉ်ပါ။

(၂)     အလှဆင်သော တွဲဖက်တည်ခင်းသည့် အဆင်းအရောင်များကို ထပ်ခါတလဲလဲ အသုံးမပြုရပါ။

(၃)     အစားအစာများ၏ အနံ့၊ အမွှေးအကြိုင်များကို ထပ်ခါတလဲလဲ အသုံးမပြုရန် လိုအပ်ပါသည်။

(၄)     အစားအစာများကို ချက်ပြုတ်သည့်အခါ ချက်ပြုတ်နည်း အနည်းငယ်ဖြင့် ထပ်ခါတလဲလဲ မချက်ပြုတ်ဘဲ ချက်ပြုတ်နည်းမျိုးစုံအောင် အသုံးပြုပြင်ဆင် ချက်ပြုတ် တည်ခင်းသင့်ပါသည်။

          စားသောက်ဖွယ်စာရင်း ပြင်ဆင်ရာမှာ ထည့်သွင်းစဉ်းစားရမယ့် အချက်များထဲမှ (၃) ပြီးပြည့်စုံသော စားသောက်ဖွယ်စာရင်း အခြေခံအချက်များ (Compile a Basic Menu) နှင့် ပတ်သက်သော အကြောင်းအရာများကို အသေးစိတ်ဖော်ပြပေးခဲ့တာဖြစ် ပါတယ်။ လာမယ့်လတွေမှာလည်း “Myanmar Chefs Development Centre’’ MCDC, Yangon ရဲ့  “Chef Education Page’’ မှာ စားဖိုမှူးများအတွက် လုပ်ငန်းခွင် လက်တွေ့အသုံးချ အသိပညာ၊ အတတ်ပညာများကို ဆက်လက်ဖော်ပြပေးသွားမှာဖြစ်လို့ ဆက်လက်အားပေး လေ့လာနိုင်ပါတယ်။ ‘Welcome to MCDC, Yangon”, “Be a Chef by Yourself’’ “See you next month’’.

Chef Sunny

Secretary General

Myanmar Chefs Development Centre, Yangon. (M.C.D.C, Ygn:)

Facebook Comments