ဝါဆာဘိ (တောင်ကမ်းပါးထက်က ဟင်းခတ်အမွှေးအကြိုင်)

ဆာရှိမိငါးဟင်းလျာအများစုတွင် ဝါဆာဘိအစစ်ကို မည်သည့်အခါမျှ မတွေ့ရပေ။ ကမ္ဘာ့ဈေးကွက်တွင် ဝါဆာဘိအစစ်ကို တွေ့ရသည်မှာ ရှားပါးလွန်းပြီး အများစုမှာ သင်္ဘောဒန့်သလွန်မှပြုလုပ်သော ဝါဆာဘိသာ ဖြစ်သည်။ ဂျပန်သင်္ဘောဒန့်သလွန် ဝါဆာဘိဟုလည်း ရည်ညွှန်းခေါ်ဆိုကြသည်။ ဝါဆာဘိအမှုန့်အများစုမှာ ပို၍ခါးသက်ပြီး ဝါဆာဘိပင်စည်ပွားအစစ်မှ ပြုလုပ်ခြင်းမျိုးမဟုတ်ဘဲ ပို၍အံ့အားသင့်စရာ ကောင်းသည် မှာ သင်္ဘောဒန့်သလွန်ဝါဆာဘိကို အမေရိကန်အများစုက ဆူရှီနှင့်တွဲဖက်၍မဟုတ်ဘဲ ဆေးတောင့်ပုံစံပြုလုပ်၍ စားသုံးကြခြင်းဖြစ်သည်။

ဆူရှီနှင့်တွဲဖက်၍ အသုံးပြုသော ဝါဆာဘိမှုန့်တွင် သင်္ဘောဒန့်သလွန် ၉၉ ရာခိုင်နှုန်း ပါဝင်သည်။ ယင်းကဲ့သို့ဆိုခြင်းကြောင့် သင်္ဘောဒန့်သလွန်၏ ဂုဏ်သတ္တိ နိမ့်ကျသည်ဟု မဆိုလိုပါ။ အစားအသောက်နှင့် ကျန်းမာရေးအတွက် လိုသည်ထက် ပိုအသုံးဝင်ပုံများကိုလည်း သိရှိခဲ့ကြပြီးဖြစ်သည်။ သို့သော် ဝါဆာဘိအစစ်နှင့် သင်္ဘောဒန့်သလွန်တို့ မည်သို့ကွာခြားကြသလဲ။

ချင်းစိမ်းဟု လူသိများကြသော ဝါဆာဘိ၌ ချင်းနှင့်ဆင်တူသော ဂုဏ်သတ္တိရှိပြီး သင်္ဘောဒန့်သလွန်နှင့် ဆင်တူသော အရသာမျိုးရှိသည်။ ယင်းအချက်တို့က အနည်းငယ် ဆက်စပ်နေသည်။ သင်္ဘောဒန့်သလွန်နှင့် ဝါဆာဘိ နှစ်မျိုးစလုံးတွင် ဦးနှောက် ကြည်လင် စေသော အင်ဇိုင်းတစ်မျိုးပါဝင်သည်။ သို့သော် ဝါဆာဘိသည် ကျဉ်းကျပ်သော အခြေ အနေများတွင်သာ ရှင်သန်နိုင်ပြီး ရင့်မှည့်ဖို့ နှစ်ပေါင်းများစွာကြာအောင် အချိန်ယူရသည်။ ကမ္ဘာတစ်လွှားရှိ စစ်မှန်သောဝါဆာဘိအများစု (Eutrema ဝါဆာဘိ သို့မဟုတ်  Wasabia Japonica) မှာ ဂျပန်မျိုးရင်းဖြစ်ပြီး စုစုပေါင်း ဝါဆာဘိစိုက်ပျိုးသူ ၁၇ ဦးရှိသည်။ အဓိက ဟင်းလျာများနှင့် ခွဲခြား၍မရသော ပါဝင်ပစ္စည်းတစ်မျိုးဖြစ်လာပြီး ၎င်း၏ထူးခြားသော ဆေးဖက်ဝင်ဂုဏ်သတ္တိများကြောင့် ၁၀ ရာစုနှစ်ကတည်းက အလေးထားသုံးစွဲခဲ့ကြ သည်။ ယခုအခါတွင် ကနေဒါ၊ ဘရာဇီး၊ အစ္စရေး၊ အမေရိကန်ပြည်ထောင်စု အော်ရီဂွန် ပြည်နယ်နှင့် နယူးဇီလန်ရှိ တောင်တန်းဒေသတို့တွင်ပါ အောင်မြင်စွာ စိုက်ပျိုးသုံးစွဲလာ ကြပြီဖြစ်သည်။ အစိမ်းဖျော့ဖျော့နှင့် အသားထူသော ဝါဆာဘိပင်ပွားကို ဂျပန်နိုင်ငံရှိ တောင်နံရံကမ်းစပ်များတွင် စိုက်ပျိုးခဲ့ကြသည်မှာ နှစ်ပေါင်း ၁၀ဝ၀ ကျော်ခဲ့ပြီဖြစ်သည်။ စီးပွားဖြစ် ဝါဆာဘိပင်မှာ စိုက်ပျိုးနည်း (၂) နည်းရှိသည်။ တောင်ပေါ်မြေမြင့်မြေဆီလွှာ ပေါ်တွင် စိုက်ပျိုးသော ဝါဆာဘိနှင့် ရေလွှမ်းဒေသ စိမ့်စမ်းများတွင်စိုက်ပျိုးသော ဝါဆာဘိ တို့ဖြစ်သည်။ ရေလွှမ်းဒေသတွင် စိုက်ပျိုးသော ဝါဆာဘိပင်သည် ပင်စည်ပွားမှ  အရွက် အထိ အချိုးကျပေါက်သည်။  ပင်စည်ပွားမှာ  ဝါဆာဘိတွင်  အဓိကစားသုံး၍ရသော အပိုင်း ဖြစ်သောကြောင့် အဆိုပါနည်းမှာ ပို၍အမြတ်အစွန်းများသော နည်းဖြစ်သည်။

မုန်ညင်း၊ သင်္ဘောဒန့်သလွန်စသည်တို့နှင့် အာဟာရပြည့်ဝပြီး အကျိုးများသော ဝါဆာဘိတို့  ကွာခြားသည့်အချက်မှာ ၎င်း၏ကင်ဆာဆန့်ကျင် ဂုဏ်သတ္တိများကြောင့် ဖြစ်သည်။ ၎င်းတွင် ပါဝင်သော Isothiocyanate(ITC) အမည်ရှိ ကင်ဆာကာကွယ် ပေးသည့် ဓာတ်တစ်မျိုးမှာ အဆုတ်ကင်ဆာ၊ ရင်သားကင်ဆာ၊ အသည်းကင်ဆာ၊ အစြွာပန်ကင်ဆာ၊ ဆီးအိတ်ကင်ဆာ၊ ပန်ကရိယကင်ဆာ၊ အူမကင်ဆာနှင့် ဆီးကျိတ် ကင်ဆာတို့ကို ကာကွယ်ပေးသည်။ ဆက်လက်လေ့လာမှုများလည်း ပြုလုပ်ဆောင်ရွက် နေသည်။

ဆီထွက်သီးနှံများ၊ စားသုံးသီးနှံများနှင့် ကန်နိုလာသီးနှံများ၊ မှိုအန္တရာယ် ကင်းရှင်း စေရေးအတွက် ဝါဆာဘိမှ ထွက်ရှိသော သဘာဝဓာတ်တစ်မျိုးကို အသုံးပြု၍ သဘာဝ မှိုသတ်ဆေးအဖြစ် တီထွင်နိုင်ရန် လေ့လာမှုများ ဆက်လက်ဆောင်ရွက်နေပြီဖြစ်သည်။

ဝါဆာဘိမှုန့်တစ်ဘူးကို အသုံးပြုမည်ဆိုပါက သင်္ဘောဒန့်သလွန်၊ မုန်ညင်းနှင့် အရောင် တင်မှုန့်အစိမ်းတို့ ပါဝင်နှုန်းထက် ဝါဆာဘိပါဝင်နှုန်းကို သေချာစစ်ဆေးသင့်သည်။ ရေဓာတ်များများရရှိရန် ရေဖြင့် ရော၍ ဆူရှီနှင့် တွဲဖက်သုံးဆောင်ပါ။ အသီးအရွက် သုပ်များတွင် စားမြိန်ရည်အဖြစ်လည်းကောင်း၊ အာလူးထောင်းဖြင့်လည်းကောင်း၊ ပင်လယ်စာဆော့စ်အဖြစ်လည်းကောင်း တွဲဖက်သုံးဆောင်နိုင်ပြီး ရေခဲမုန့်ဖြင့်ပါ စိတ် ကြိုက်တွဲဖက်သုံးဆောင်နိုင်သည်။

နှင်းဦးဝေ

Facebook Comments

Menu