နေပြည်တော် နို့ချက်စက်ရုံနှင့် နို့စားနွားမွေးမြူရေး သုတေသနခြံ (Nay Pyi Taw Dairy Farm)

          ရန်ကုန် – မန္တလေးအမြန်လမ်း (၂၁၆ မိုင် ၅ ဖာလုံ) ရှိ  နေပြည်တော် နို့ချက်စက်ရုံနှင့် နို့စားနွားမွေးမြူရေး သုတေသနခြံသို့ Myanmar C.P. Livestock Co., Ltd. ကုမ္ပဏီရဲ့ အစီအစဉ်ဖြင့် Food Magazine အပါအဝင် မီဒီယာများက ဇူလိုင်လ ၂၀ ရက်နေ့မှာ သွားရောက်လေ့လာခဲ့ကြပါတယ်။

          နိုင်ငံတော်အစိုးရက နို့စားနွားမွေးမြူရန် ဖွံ့ ဖြိုးတိုးတက်စေခြင်းဖြင့် နိုင်ငံတော်ရဲ့ အသားဓာတ်အရင်းအမြစ် ကြွယ်ဝစေရန် စတင်လုပ်ဆောင်ခဲ့တာဖြစ်ပြီး ကလေးငယ်များ ကိုယ်ခန္ဓာကျန်းမာကြံ့ခိုင်စေရန်နှင့် နို့စားနွားမွေးမြူသူများအတွက် အခြေခံ အသိပညာရရှိစေရန် ရည်ရွယ်ချက်နဲ့ စတင်ဖြစ်ခဲ့တာလို့ သိရပါတယ်။ ၂၀၁၄ ခုနှစ်မှာ နိုင်ငံတော်အစိုးရနှင့် C.P လုပ်ငန်းစုတို့ ပူးပေါင်းပြီး နို့ထွက်လုပ်ငန်းများနှင့် နို့စားနွားမွေးမြူရေးလုပ်ငန်းများ ဖွံ့ ဖြိုးတိုးတက်စေရန် စီမံခန့်ခွဲရေးနှင့် ဖွံ့ ဖြိုးရေးစင်တာများ၊ သင်တန်းကျောင်းများကို တည်ထောင်ရန်၊ ပြည်သူများ အာဟာရမျှတစွာ စားသောက်နိုင်စေရန်အတွက် လက်တွဲခဲ့ခြင်းဖြစ်ပါတယ်။ ထို့ပြင် နို့စားနွားမွေးမြူသူများ၊ မွေးမြူရေးနှင့် ကုသရေးဆေးကျောင်းသားများအတွက် အအေးပေးစနစ်ဖြင့် နွားမွေးမြူခြင်းနည်းပညာနှင့် ပေါင်းတင်ပိုးသတ် နွားနို့ထုတ်လုပ်ခြင်း နည်းပညာတို့ကို လေ့လာနိုင်ရန်အတွက် ရှေ့ပြေးသုတေသနခြံနှင့် နို့ပေါင်းစက်ရုံ တည်ဆောက်ရန် သဘောတူညီမှုရရှိပြီး လုပ်ငန်းများကို လုပ်ဆောင်လျက်ရှိတယ်လို့ သိရပါတယ်။

          ထိုင်းနိုင်ငံမှ C.P လုပ်ငန်းစုဟာ ထိုင်းနိုင်ငံနှင့် ကမ္ဘာ့နိုင်ငံ အနှံ့အပြားမှာ စိုက်ပျိုးမွေးမြူရေးလုပ်ငန်း၊ အစားအစာထုတ်လုပ်မှုလုပ်ငန်း၊ ဈေးကွက်ရှာဖွေရေးနှင့် ဖွံ့ဖြိုးရေး လုပ်ငန်းများ၊ ဆက်သွယ်ရေးနည်းပညာလုပ်ငန်းနှင့် အခြားစက်မှုလုပ်ငန်းများ လုပ်ဆောင်နေသော စီးပွားရေးလုပ်ငန်းစုတစ်ခု ဖြစ်ပါတယ်။

          “နေပြည်တော် နို့ချက်စက်ရုံနှင့် နို့စားနွားမွေးမြူရေး သုတေသနခြံဟာ ရန်ကုန် – မန္တလေး အမြန်လမ်း (၂၁၆ မိုင် ၅ ဖာလုံ)မှာ တည်ရှိပြီး တိရစ္ဆာန်မွေးမြူရေးအတွက် လိုအပ်တဲ့ အဓိကကောင်းခြင်း (၃) မျိုးဖြစ်တဲ့ (၁) မျိုးကောင်းမျိုးသန့်ဖြစ်ခြင်း (၂) အစာ ကောင်းမွန်ခြင်း (၃) စီမံခန့်ခွဲမှုကောင်းမွန် စတဲ့အချက်တွေနဲ့ ပြည့်စုံအောင် ဆောင်ရွက်ထားပါတယ်။ ခြံတွင်းရှိ နွားများဟာ ရာခိုင်နှုန်းပြည့် အမေရိကန်မျိုးစိတ် Hostein Friensian ဖြစ်ပြီး နို့ထွက်နှုန်းအကောင်းဆုံးနွားများ ဖြစ်ပါတယ်။ နို့စားနွားများအတွက် အစာများကို C.P Myanmar အစာစပ်စက်ရုံမှ ထုတ်လုပ်ပြီး Tolat Mixed Ration (TMR) လို့ခေါ်တဲ့ ခေတ်မီအစာမွှေစက်နဲ့ သမအောင်စီမံပြီး နို့စားနွားများကို နွားတွေရဲ့ အသက်အပိုင်းအခြားအလိုက် ကျွေးမွေးပါတယ်။

          မွေးမြူရေးခြံ စီမံခန့်ခွဲမှုအပိုင်းမှာ အစာကျွေးခြင်းနှင့် ရေတိုက်ကျွေးခြင်းများကို နို့စားနွားများရဲ့ နို့ထွက်နှုန်းစံချိန်နှင့် နိုင်ငံတကာစံနှုန်းများအရ ခွဲခြားစီစဉ်ထားပါတယ်။ နို့စားနွားများအတွက် သင့်တော်တဲ့ လေထုပတ်ဝန်းကျင်ရရှိစေဖို့ လေဝင်လေထွက် ကောင်းမွန်သော လေအေးပေးစက်များဖြင့် စနစ်တကျတည်ဆောက်ထားတဲ့ အလုံပိတ်ခြံတစ်ခုဖြစ်ပါတယ်။ နို့စားနွားများရဲ့ ကျန်းမာရေးကောင်းမွန်စေဖို့အတွက် နွားချေးများကို စနစ်တကျစွန့်ပစ်နိုင်အောင် စီမံထားပြီး အဲဒီနွားချေးတွေကို နွားစာမြက်များ စိုက်ပျိုးရာမှာ မြေဩဇာအဖြစ် ပြန်လည်အသုံးပြုပါတယ်။ တခြားမွေးမြူရေးခြံများနဲ့ မတူတဲ့အချက်ကတော့ ပြင်ပက ဗက်တီးရီးယားများမဝင်အောင်၊ လက်နှင့်ထိတွေ့မှုကို ရှောင်ရှားနိုင်အောင် အော်တိုနို့ညှစ်စနစ်ကို ပြုလုပ်ထားပါတယ်။ နို့ညှစ်ပြီးတဲ့အခါမှာ နွားနို့များကို စတီးလ်ပိုက်လိုင်းတွေနဲ့ အအေးကန်ဆီကို ပို့ဆောင်ပြီး ပိုးမွှားကူးစက်ပြန့်ပွားမှု မရှိစေဖို့ နို့ချက်စက်ဆီကို တိုက်ရိုက်ပို့ဆောင်ပါတယ်။ နို့ချက်ခြင်းကဏ္ဍပြီးဆုံးသွားပြီ ဆိုရင် ပုလင်းထဲကို တိုက်ရိုက်ပို့ဆောင်ပါတယ်။ ပုလင်းထဲကို ထည့်ပြီးနောက်မှာတော့ အရည်အသွေးစစ်ဆေးခြင်းတွေကို ဆက်လက်လုပ်ဆောင်ပါတယ်။

          နေပြည်တော်ရှိ နို့ချက်စက်ရုံနှင့် နို့စားနွားမွေးမြူရေး သုတေသနခြံက အာရှမှာ အကောင်းဆုံးနှင့် ခေတ်အမီဆုံးထဲမှာ တစ်ခုပါဝင်ပါတယ်။ နေပြည်တော် နို့စားနွား မွေးမြူရေးခြံက နွားနို့ထုတ်လုပ်ခြင်းသက်သက်မဟုတ်ဘဲ တိရစ္ဆာန်နဲ့ပတ်သက်တဲ့ သုတေသနပြုချက်တွေကိုလည်း စမ်းသပ်လုပ်ဆောင်ပါတယ်။ မွေးမြူရေးဆိုင်ရာ ဆေးတက္ကသိုလ်က ကျောင်းသားတွေ၊ တစ်ပတ်ကို (၁၀) ယောက်က ဒီခြံထဲမှာပဲနေ၊ ဒီခြံထဲမှာပဲ စားပြီး ကွင်းဆင်းလေ့လာကြပါတယ်။ ဒီလိုကွင်းဆင်းလေ့လာပြီး တွေ့ရှိချက် တွေကို ကျောင်းမှာ တင်ပြရပါတယ်။ ဒါက တက္ကသိုလ်နဲ့ ကျွန်တော်တို့ ပူးပေါင်းလုပ် ဆောင်ချက်တွေ  ဖြစ်ပါတယ်။ တခြားကနေ နွားမွေးမြူရေးနဲ့ပတ်သက်တဲ့ နည်းပညာတွေကို  သိချင်တယ်ဆိုရင်လည်း C.P ရုံးချုပ်ကို ဆက်သွယ်လို့ရပါတယ်” လို့ ဒေါက်တာ မင်းသစ်လွင် (Assiatant Vice President, Technical & Learning Center) က ရှင်းလင်းပြောကြားခဲ့ပါတယ်။

          “ကျွန်တော်တို့ ဒီနေပြည်တော်ရှိ နို့ချက်စက်ရုံနှင့် နို့စားနွားမွေးမြူရေး သုတေသနခြံက ထွက်လာတဲ့ ကျိုချက်သန့်စင်ပြီး နို့များကို စားသုံးသူဈေးကွက်ဆီ “All Fresh” အမှတ်တံဆိပ်အမည်ဖြင့် ဖြန့်ချိထားပြီး စီးတီးမတ်များ၊ စူပါမားကက်ကြီးများနဲ့ ကျွန်တော်တို့ C.P Five Star Extra ဆိုင်များမှာ ရောင်းချပေးလျက်ရှိပါတယ်။ စူပါမားကက်များမှာ နမူနာမြည်းစမ်းစေခြင်း၊ ကျောင်းနေကလေးများကို အခမဲ့ ဝေမျှတိုက်ကျွေးခြင်း စတဲ့ အစီအစဉ်တွေနဲ့ စားသုံးသူတွေဆီကို ပို့ဆောင်ပေးနေပါတယ်။

          ကျွန်တော်တို့ All Fresh နို့ဘူးများကို (၁) လီတာနှင့် (၂၀ဝ) မီလီလီတာဆိုပြီး ပုံစံနှစ်မျိုးနဲ့ ဈေးကွက်အတွင်းကို ဖြန့်ချိနေပါတယ်။ ဒီလိုဖြန့်ဖြူးတဲ့နေရာမှာလည်း ထုတ်လုပ်လိုက်တဲ့ စက်ရုံကနေ ဈေးကွက်အတွင်း ရောက်တဲ့အထိ အပူချိန်ထိန်းချုပ်မှု ပေးထားတဲ့ ထရပ်ကားတွေနဲ့ ပို့ဆောင်ပေးနေပါတယ်” လို့ ကိုကျော်ဇောလင်း (Assiatant Vice President, Coporate Strategy & Marketing Office) က ပြောကြားခဲ့ပါတယ်။

Facebook Comments