ညောင်ဦးမြို့က ဆနွင်းစားသောက်ဆိုင်သင်တန်း

          ဆနွင်းစားသောက်ဆိုင်သင်တန်းက Myanmar Youth Development Institute က ကြီးမှူးပြီး မြန်မာနိုင်ငံမှာရှိတဲ့ လူငယ်များအတွက် အလုပ်အကိုင်အခွင့်အလမ်းများနှင့် လူနေမှုဘဝ မြင့်မားစေရန် ရည်ရွယ်ပြီး ဖွင့်လှစ်ထားတဲ့ အခမဲ့သင်တန်းလေးဖြစ်ကာ အသက် ၁၇ နှစ် ၂၃ နှစ်ကြားရှိ လူငယ်များအတွက် မိမိတို့ရဲ့ ရည်မှန်းချက်များ အကောင်အထည်ပေါ်လာစေရန် ရည်ရွယ်ပြီး ဖွင့်လှစ်ထားတဲ့ သင်တန်းဖြစ်ပါတယ်။ ဆနွင်းစားသောက်ဆိုင် သင်တန်းကနေ ဟိုတယ်၊ စားသောက်ဆိုင်နှင့် ပတ်သက်သော အချက် အပြုတ်၊ အဖျော်ယမကာ၊ ဧည့်ကြိုနှင့် ပတ်သက်သော အသိပညာများ ပြည့်စုံစွာ ရရှိနိုင်မယ့်အပြင် အင်္ဂလိပ်စကားပြောသင်တန်း၊ ဘဝနေထိုင်မှုနည်းလမ်းများနှင့် ပတ်သက်သွေျှာသမျု့သစ များပါ ရရှိနိုင်မှာ ဖြစ်ပါတယ်။ ဆနွင်းစားသောက်ဆိုင်သင်တန်းမှ တစ်နှစ်တာ လေ့လာဆည်းပူးခဲ့တဲ့ ပညာရပ်များက ဟိုတယ်နှင့် စားသောက်ဆိုင်လုပ်ငန်းနယ်ပယ်များမှာ အသက်မွေးဝမ်းကျောင်းအတွက် ခိုင်မာသောရပ်တည်မှု အခွင့်အလမ်းများ ဖြစ်ပါတယ်။

တစ်နှစ်တာကာလအတွင်း ဆနွင်းစားသောက်ဆိုင်သင်တန်းမှ ဘာတွေရရှိနိုင်လဲ။

          အသက်မွေးမှုပညာသင်တန်းများမှ သင်တန်းပြီးဆုံးသည့်အခါ အသိအမှတ်ပြု လက်မှတ်ရရှိမှာ ဖြစ်ပါတယ်။ ဟိုတယ်နှင့် စားသောက်ဆိုင်လုပ်ငန်းများမှာ အသက်မွေးဝမ်းကျောင်းအဖြစ် ရပ်တည်မယ့် အခြားသော ရွယ်တူလူငယ်များနှင့် တွေ့ဆုံနိုင်ပြီး အသင်းအဖွဲ့နှင့်အတူ လုပ်ဆောင်နိုင်မယ့် စိတ်ဓာတ်ပိုင်းဆိုင်ရာများလည်း တိုးတက်လာကာ အခြားသောသူများကိုလည်း လေးစားတတ်လာပြီး အဖွဲ့အစည်းနှင့်အတူ လုပ်ဆောင်ရသော လုပ်ငန်းများမှာလည်း ပူးဆောင်ဆောင်ရွက်နိုင်မှာ ဖြစ်ပါတယ်။

          လုပ်ငန်းခွင်မှာ အခြေခံအင်္ဂလိပ်စကားနှင့် ဟိုတယ်၊ စားသောက်ဆိုင်လုပ်ငန်းနှင့် ပတ်သက်တာတွေကို ပြောဆိုနိုင်မှာ ဖြစ်ပါတယ်။ သင်တန်းကာလတစ်နှစ်တာ ပြီးဆုံးတဲ့အခါမှာလည်း ဟိုတယ် (သို့) စားသောက်ဆိုင်တစ်ခုခုမှာ အလုပ်အကိုင် အခွင့်အလမ်းများ ရရှိနိုင်ရန် ကူညီဆောင်ရွက်ပေးမှာ ဖြစ်ပါတယ်။ တစ်နှစ်တာ ဆနွင်းစားသောက်ဆိုင် သင်တန်းသားအဖြစ် မဆုံးဖြတ်မီ အစမ်းခန့်ကာလကို တစ်လသတ်မှတ်ထားပါတယ်။ အစမ်းခန့်တစ်လအတွင်း သင်တန်းသူ/သားများရဲ့ တတ်ကျွမ်းမှုနှင့် သဘောထားများကို သင်တန်းဆရာများ၊ ဝန်ထမ်းများက စောင့်ကြည့်အကဲဖြတ်မှာ ဖြစ်ပါတယ်။ ထိုမှတစ်ဆင့် ဆနွင်းသင်တန်းသားအဖြစ် တက်ရောက်ရန် ဆုံးဖြတ်ပေးမှာဖြစ်ပါတယ်။ အဲဒီနောက် မိမိတို့ဝါသနာပါတဲ့ အချက်အပြုတ်၊ အဖျော်ယမကာ၊ ဧည့်ကြိုစသည်တို့ကို ရွေးချယ်နိုင်ပြီး ဆနွင်းသင်တန်းသူ/သားဖြစ်သွားလျှင် ကျန်ကာလများမှာ လေ့လာသင်ကြားနိုင်မှာ ဖြစ်ပါတယ်။ အစမ်းခန့်ကာလအတွင်းမှာလည်း လစဉ်ထောက်ပံ့ကြေးနှင့် ညောင်ဦးမြို့နဲ့ ဝေးသောနေရာများမှ လာရောက်ကြမယ့် သင်တန်းသားများအတွက် နေထိုင်ဖို့ စီစဉ်ပေးမှာ ဖြစ်ပါတယ်။

          ဆနွင်းစားသောက်ဆိုင်သင်တန်းရဲ့ Project Leader ကိုတင့်လွင်ဦးက ဆနွင်း စားသောက်ဆိုင်သင်တန်းရဲ့ လုပ်ငန်းစဉ်များအကြောင်းနှင့် ပတ်သက်ပြီး “ကျွန်တော်တို့ ဆနွင်းက အမြတ်ငွေလုံးဝမယူဘဲ လူသားပတ်ဝန်းကျင်ကို တိုးတက်မြင့်မားစေဖို့ ရည်ရွယ်ထားတဲ့ လုပ်ငန်းလေးတစ်ခုဖြစ်ပါတယ်။ ဩစတြေးလျက တည်ထောင်သူ ၄ ဦးက ကျွန်တော်တို့ အဖွဲ့အစည်းလေးကို ပံ့ပိုးပေးနေတာဖြစ်ပါတယ်။ ကျွန်တော်တို့ သင်တန်းကျောင်းရဲ့ ရည်ရွယ်ချက်လေးကတော့ အဓိကက ၁၀ တန်း မအောင်တဲ့ ကလေးငယ်တွေ အလုပ်ရှာတဲ့နေရာမှာ အခက်အခဲတွေရှိတယ်။ ဒါကြောင့် အဲဒီကလေးငယ်တွေကို အသက်မွေးဝမ်းကျောင်းပညာတစ်ခု ရသွားစေချင်တဲ့ ရည်ရွယ်ချက်နဲ့ စတင်ခဲ့တာ ဖြစ်ပါတယ်။

          အခုဆိုရင် သင်တန်းက အမှတ်စဉ် (၂) ကိုတောင် ရောက်ရှိခဲ့ပါပြီ။ သင်တန်းကာလကတော့ တစ်နှစ်ပါ။ အသက်ကို ၁၇ နှစ်မှ ၂၃ နှစ်အောက်ရှိတဲ့ ကလေးငယ်တိုင်း သင်တန်း လာလျှောက်နိုင်ပါတယ်။ အဓိကက ၁၀ တန်းမအောင်တဲ့ ကလေးငယ်တွေ၊ မိဘမပြည့်စုံတဲ့ ကလေးငယ်တွေအတွက် အဓိကသင်ကြားပေးတာဖြစ်ပါတယ်။ ပထမတစ်လကိုတော့ အချက်အပြုတ်၊ အဖျော်ယမကာ၊ ဧည့်ကြိုစသည်တို့ကို သင်ကြားပေးမှာဖြစ်ပြီး အဲဒီ နောက်ပိုင်းမှာမှ သူတို့တစ်တွေ စိတ်ဝင်စားတဲ့၊ ဝါသနာပါတာကို ရွေးချယ်သင်ကြားနိုင်မှာ ဖြစ်ပါတယ်။ တစ်နှစ်အတွင်းမှာပဲဖြစ်ဖြစ်၊ သင်တန်းကာလတစ်နှစ်ပြီးဆုံးတဲ့ နောက်ပိုင်းမှာပဲဖြစ်ဖြစ် ဟိုတယ်တွေ၊ စားသောက်ဆိုင်တွေနဲ့ သင်္ဘောလိုင်းတွေက အလုပ်သင်တွေ ခေါ်တဲ့အချိန်မှာလည်း ချိတ်ဆက်ပြီး အလုပ်အကိုင်တွေ ရှာဖွေပေးပါတယ်။ နယ်က လာနေမယ့် ကလေးတွေဆိုရင်တော့ နေထိုင်စရာစီစဉ်ပေးပါတယ်။ နောက်ဆုံးအခြေခံ ကျန်းမာရေးအတွက်ကိုလည်း ကျွန်တော်တို့ဘက်က အကုန်အကျခံပြီး စစ်ဆေးပေးပါတယ်။ သင်တန်းလာတက်မယ့် ကလေးတွေကို တစ်လ ကျပ် ၅၀ဝ၀ဝ ထောက်ပံ့ကြေး ပေးထားပါတယ်။

          ကျွန်တော်တို့ သင်တန်းကျောင်းက အလုပ်ကနေသင်ကြားပေးနေတာ ဖြစ်ပါတယ်။ တချို့သင်တန်းကျောင်းတွေက သင်တန်းပေးတယ်။ ဒါပေမဲ့ လုပ်ငန်းခွင်အတွေ့အကြုံ မရဘူး။ ကျွန်တော်တို့က သင်တန်းနဲ့ လုပ်ငန်းခွင်အတွေ့အကြုံကိုပါ တစ်ပြိုင်တည်းပေးနိုင်ပါတယ်။ ပြီးတော့ ကျွန်တော်တို့တစ်တွေက သင်တန်းသားကလေးငယ်တွေကို တစ်ရက် ၂ နာရီ အင်္ဂလိပ်စာ သင်ကြားပေးပါတယ်။ အင်္ဂလိပ်စာအတွက် ၁ နာရီမှာ ဩစတြေးလျမှ စေတနာ့ဝန်ထမ်းဆရာမက သင်ကြားပေးပြီး ကျန် ၁ နာရီကိုတော့ ပြည်တွင်းမှ ဆရာမက သင်ကြားပေးနေပါတယ်။ စနေ၊ တနင်္ဂနွေနဲ့ကြား အားလပ်ရက်တွေမှာ ဟင်းချက်နည်းတွေ၊ အစားအသောက်နဲ့ပတ်သက်တဲ့ သီအိုရီတွေသင်ပေးပြီး လုပ်ငန်းခွင်ပါ တစ်ခါတည်း အလေ့အကျင့်ဖြစ်အောင် သင်ကြားပေးပါတယ်။ သင်တန်းမှာ အာဆီယံ အသိအမှတ်ပြု လက်မှတ်ရထားတဲ့ ဆရာ၊ ဆရာမတွေအပါအဝင် အားလုံးပေါင်း ၁၆ ယောက်နဲ့ သင်ကြားပေးနေပါတယ်။ ပထမနှစ်က အတွေ့အကြုံတွေကို သင်ခန်းစာယူပြီး အခုနှစ်မှာ တော်တော်လေး စီစဉ်ထားပါတယ်။ ကျွန်တော်တို့တုန်းက ဒီလိုအခွင့်အရေးတွေ မရခဲ့ပါဘူး။ မြန်မာနိုင်ငံက ကလေးတွေကို ဒီအခွင့်အရေးလေးတွေ ရစေချင်ပါတယ်။

          အခု ကျွန်တော်တို့စားသောက်ဆိုင်က အရှုံးဘက်ကိုတောင် ရောက်နေပါပြီ။ ကျွန်တော်တို့ဆိုင်က အမြတ်မရဘူးဆိုရင်တောင် ဒီအဖွဲ့အစည်းလေး၊ သင်တန်းကျောင်းလေး ဆက်လက်တည်တံ့နေရင် အဆင်ပြေပါတယ်။ စားသောက်ဆိုင်က လာရောက် စားသုံးတဲ့သူတွေလည်း တွေ့နိုင်ပါတယ်။ ကျွန်တော်တို့က နှစ်စဉ်၊ လစဉ် ငွေကြေးစာရင်းတွေကို ဇယားနဲ့ချပြထားပါတယ်။ ကျွန်တော်တို့ စားသောက်ဆိုင်မှာ Fusion, ဥရောပနှင့် မြန်မာအစားအစာတွေကို အဓိကထား ရောင်းချနေတာဖြစ်ပါတယ်။ ကျွန်တော် တို့ရဲ့ စားသောက်ဆိုင်မှာ နိုင်ငံခြားသားများပြီး ဥရောပဘက်က နိုင်ငံခြားသားတွေ ပိုများပါတယ်။ ၇၅%လောက်က နိုင်ငံခြားသားတွေပါ။ အချိုမှုန့်တွေ၊ ကြက်သားမှုန့်တွေ လုံးဝမသုံးထားပါဘူး။ ဆား၊ သကြားနဲ့ ပျားရည်တွေကိုသာသုံးပြီး ချက်ပြုတ်ထားတာ ဖြစ်ပါတယ်။ အခုဆိုရင် မြန်မာနိုင်ငံက ခရီးသွားကုမ္ပဏီ ၅ ခုက ကျွန်တော်တို့ကို အဓီကပံ့ပိုးပေးနေပြီး ကျန်ခရီးသွားကုမ္ပဏီများကလည်း ပံ့ပိုးပေးနေပါတယ်။ ကျွန်တော်တို့မြန်မာနိုင်ငံက  ခရီးသွားတော်တော်များများကို ကျွန်တော်တို့ရဲ့ ဆနွင်းစားသောက်ဆိုင်သင်တန်းကို သိစေချင်ပါတယ်။ ကျွန်တော်တို့ ဆိုင်လေးက အရမ်းဈေးကြီးတဲ့အထဲ မပါဝင်ပါဘူး။ ကျွန်တော်တို့ဆိုင်လေးက မြန်မာနိုင်ငံက လူတွေရဲ့ ပံ့ပိုးမှုတွေအများကြီး လိုနေပါတယ်။ ကျွန်တော်တို့ဆိုင်မှာ စားသွားတယ်ဆိုရင်လည်း ဒါက ထမင်းစားသွားတာတစ်ခုတည်း မဟုတ်ပါဘူး။ ကလေးတွေအတွက်၊ သင်တန်းကျောင်း ဆက်လက်တည်တံ့နေဖို့အတွက် လှူဒါန်းနေတာပါ ဆိုတာလေးကိုလည်း သိစေချင်ပါတယ်။ ဗိုက်လည်းဝသွားပြီး အလှူ လည်း လုပ်ဖြစ်သွားတယ်ဆိုတာ လေးကို သိစေချင်တာပါ။ မီးဖိုချောင်ကို စားသုံးသူတွေက အစားအသောက်မှာရင်း ဘယ်လိုတွေ ချက်ပြုတ်နေတယ်၊ ဘယ်လောက်သန့်ရှင်းသလဲ၊ ကလေးတွေ ဘယ်လောက်ကြိုးစားနေသလဲဆိုတာတွေ တွေ့မြင်နိုင်အောင် မီးဖိုချောင်ကို Open Kitchen အဖြစ် လုပ်ပေးထားပါတယ်” လို့ ပြောပါတယ်။

ဆနွင်းစားသောက်ဆိုင်သင်တန်း

ပျူစောထီးလမ်း (သံတဲဟိုတယ်ဘေး)၊ ညောင်ဦး၊ ပုဂံ

Ph: +95 9 252 577 745

www.sanon-restaurant.org

Facebook Comments