ဈေးကွက်တွင် လတ်ဆတ်သီးနှံ/ဟင်းရွက်များ ထားသိုနည်းစနစ်ကို လေ့လာခြင်း

ဈေးကွက်တွင် လတ်ဆတ်သီးနှံ/ဟင်းရွက်များ ထားသိုနည်းစနစ်ကို လေ့လာခြင်း

          အသီးအရွက်များသည် နေ့စဉ် လူအများအပြားစားသုံးနေသည့် အစားအစာဖြစ်ကြသဖြင့် အသီးအရွက်များ၏ သန့်ရှင်းလတ်ဆတ်မှုအပြင် စားသုံးခြင်း၌ ဘေးရန်ကင်းရှင်းစေမှုမှာ အလွန်ပင်အရေးပါလှပေသည်။ လတ်ဆတ်သော အသီးအရွက်များမှ လူသားတိုင်းကျန်းမာဝပြောစေဖို့ သက်စောင့်ဓာတ်ဖြစ်သည့် ဗီတာမင် A နှင့် C အပြင် ခန္ဓာကိုယ်တွင် မရှိမဖြစ်လိုအပ်သည့် သတ္တုအာဟာရဓာတ် (ပိုတက်စီယမ်အစရှိသဖြင့်) တို့ရရှိစေသည့်အတွက် အမှန်တကယ် နေ့စဉ်စားသုံးရပါမည်။

          ရာသီပေါ်သီးနှံများ ပေါပေါများများထွက်ရှိနေသော မြန်မာနိုင်ငံတွင် အရေးကြီးသည့် ပြဿနာများမှာ စားသုံးသူများအလိုရှိတိုင်း စားသုံးနိုင်ရန်ဖြစ်ပြီး ၄င်းကို ဖြေရှင်းပေးနိုင်သည့် နည်းလမ်းနှစ်သွယ်မှာ –

(၁)     အချိန်တိုအတွင်း လတ်ဆတ်သီးနှံများ စားသုံးသူလက်သို့ အလျင်အမြန် ရောက်ရှိနိုင်ရေးနှင့်

(၂)     ပိုလျှံ၍ ကျန်ရှိနေသည့်သီးနှံများကို နည်းပညာအသုံးပြုခြင်းဖြင့် တစ်နှစ်ပတ်လုံး စားသုံးနိုင်ရန် သိုလှောင် သိမ်းဆည်းနိုင်ရေးတို့ဖြစ်ပါသည်။

          နည်းမျိုးစုံနှင့် ပျက်စီးသွားနိုင်သော အသီးအနှံများကို ဖွံ့ဖြိုးနေသည့် နိုင်ငံများ၌ ပြုလုပ်နေသည့် အတုယူရမည့် နည်းမျိုးစုံကို သိရှိလေ့လာရန် ဖော်ပြထားပါသည်။

အသီးအရွက်များ ရိတ်သိမ်းချိန်နောက်ပိုင်း အစီအမံ/အကာအကွယ်ပြုခြင်း

(အရည်အသွေးထိန်းချုပ်ရန်နှင့် အလေအလွင့်နည်းပါးစေရန်)


          ပြည်တွင်းရှိ ဟင်းရွက်ဈေးများကို လေ့လာဆန်းစစ်ကြည့်ရာတွင် တွေ့ရှိနေရသည့် အနေအထားတချို့မှာ –

(၁)     လတ်ဆတ်သော သီးနှံအများစုကို နေရောင်ခြည်နှင့်တိုက်ရိုက် (သို့) သွယ်ဝိုက်သော လမ်းကြောင်း၌ထားရှိပြီး ရောင်းချခြင်း၊ ဂရုတစိုက်ကိုင်တွယ်မှု မရှိခြင်း (ရောင်းချသူများသည် သတိမပြုခြင်း၊ နားမလည်ခြင်း၊ အသိပညာနည်းပါးခြင်းကြောင့်လည်း  ဖြစ်နိုင်ပါသည်။)

(၂)     တစ်နေရာမှ အခြားတစ်နေရာသို့ (ဒိုင်မှ လက်လီဈေးသို့) မည်သို့မည်ပုံ ပြောင်းရွှေ့သယ်ယူမှုနှင့် ပတ်သက်သည့် အသိဥာဏ်နည်းပါးခြင်း။

(၃)     မသိနားမလည်မှုကြောင့် စားသုံးသူများကို ထိခိုက်နစ်နာစေသည့် ပိုးသတ်ဆေး အကြွင်းအကျန်ရှိနေသော ဟင်းသီးဟင်းရွက်များကို စိုက်ခင်းမှ ယူဆောင်လာ၍ ရောင်းချခြင်း။

(၄)     မိမိတို့ရောင်းချသည့် သီးနှံများအရောင်တင်ရန်အတွက် ချည်ဆိုးဆေး (အနည်းဆုံး သုံးခြင်းဖြင့် များများထိရောက်စေသည့်ဆိုးဆေးများ) များ အသုံးပြုထားခြင်း။ ဥပမာ-မျှစ်စို့များ အရောင်ဆိုးထားခြင်းအပြင် စိမ်းစားငါးပိ၊ ငရုတ်သီးမှုန့်နှင့် နနွင်းတို့၌ အရောင်ရောနှောရောင်းချခြင်းတို့ကို နေ့စဉ်တွေ့ရှိနေရပါသည်။

          ပတ်ဝန်းကျင် ဗဟုသုတနည်းပါးသည့် ဝယ်ယူစားသုံးသူများအတွက် အလွန်ပင် ထိခိုက်နစ်နာစရာဖြစ်သည့်အတွက် ဈေးရောင်းချနေသူများနှင့် ဖြန့်ဖြူးရောင်းချ သောဒိုင်များမှ အရောင်းသမားများကို ဘေးအန္တရာယ်ကင်းအစားများ ထုတ်လုပ်နည်း များအကြောင်း အသိပညာပေးရန် အမြန်လိုအပ်ကြောင်း သုံးသပ်တင်ပြပါသည်။

♦        အရည်အသွေး မြင့်စေရန် စီမံကိုင်တွယ်ခြင်း

♦        လတ်ဆတ်မှုကို ထိန်းချုပ်ခြင်း

♦        ဘေးအန္တရာယ် ကင်းရှင်းခြင်း (ပိုးတွယ်မှု၊ ဓာတုဆေးကပ်ငြိမှု)

♦        ရိတ်သိမ်းပြီးမှ မပျက်စီးရန် အကာအကွယ်ပြုခြင်း

♦        ကိုင်တွယ်မှု အလေ့အကျင့် (နေနွမ်း/လောင်၊ တွန့်လိမ်၊ အနာတရ၊ ကွဲကြေ)

♦        သိုလှောင်ထားရှိမှု

♦        သယ်ယူပို့ဆောင်မှု

ကောင်းမွန်၍ အရည်အသွေးမြင့် လတ်ဆတ်သော အသီးအရွက်များ

          ဖော်ပြပါ အကျဉ်းချုပ်တင်ပြမှုကို အိမ်ရှင်မများ (ဝယ်ယူစားသုံးသူ)တို့ သိရှိစေရန်နှင့် မိမိနှင့်နီးစပ်သူ အရောင်းဈေးသည်များကိုလည်း အလျဉ်းသင့်သလို တဖြည်းဖြည်း နားလည်သဘောပေါက်ရန် တစ်ဆင့်မှတစ်ဆင့် ပြောကြားဆွေးနွေးပေးမည်ဆိုပါက အရည်အသွေးကောင်းမွန်သော အသီးအရွက်များ စားသုံးရမည်ဖြစ်ပြီး ကျန်းမာ၍ ရောဂါကင်းသောဘဝကို လူတိုင်းပိုင်ဆိုင်ကြမည် ဖြစ်ပါသည်။

♦   စီစီဝင်း (Food)   ♦

Facebook Comments