အားလုံးအတွက် ရင်ခုန်စရာ မီးဖိုချောင်ထဲမှ ပစ္စည်းများကို အသုံးပြုနည်းအကြောင်း အသီးအနှံနှင့် ဟင်းသီးဟင်းရွက် သနပ်တည်ရန် ထည့်စရာမှန်ကန်စွာရွေးချယ်နည်း (Choosing the right Jars for Pickles)

by Syi Lwin Foods Garden for Food Magazine

          ဒီလရဲ့ ရင်ခုန်စရာ မီးဖိုချောင်ထဲမှ Glass Jars ဖြင့် ထမင်းမြိန်စေသော အရန်ဟင်းပွဲ အသီးအနှံနှင့် ဟင်းသီးဟင်းရွက် သနပ်တည်ရန် ထည့်စရာကို မှန်ကန်စွာရွေးချယ်နိုင်ရန် မျှဝေပေးချင်ပါတယ်။ ဆားစိမ်ခြင်း ၊သနပ်တည်ခြင်းက ကမ္ဘာတစ်ဝန်း ပုံစံနည်းမျိုးစုံဖြင့် ပြုလုပ်ကြပါတယ်။ တချို့နေရာတွေမှာ အသီးအနှံကို ဦးစားပေး ပြုလုပ်ကြသလို တချို့နိုင်ငံနှင့် တချို့နေရာတွေမှာ ဟင်းသီးဟင်းရွက်များကို ဦးစားပေး ပြုလုပ်ကြပါတယ်။သနပ်ထဲမှာ မည်သည့်လက ပါဝင်ပစ္စည်းတွေ ပါဝင်ပါစေ၊ မည်သည့်နည်းမျိုးဖြင့် ပြုလုပ် ပါစေ ဆားစိမ်၊ သနပ်တွေကတော့ အမြဲနာမည်ကြီးပြီး အရသာပြည့်ဝမှုရှိကြပါတယ်။ ဒါပေမဲ့ ဆားစိမ်၊ သနပ်ထည့်ရမှာက ကျန်းမာရေးနှင့် ညီညွတ်ပြီး မှန်ကန်တဲ့ အရသာကို ရရှိဖို့ဆိုတာကတော့ အလွန်အရေးကြီးပါတယ်။ ဒါကတော့ ဆားစိမ်၊ သနပ်ထည့်ရာမှာ အသုံးပြုမယ့် အိုး၊ ဘူး၊ ပုလင်း ထည့်စရာတွေက အဓိကကျပါတယ်။ ဆားစိမ်၊ သနပ် ထည့်ရာမှာ အသုံးပြုတဲ့ ထည့်စရာကို မှားယွင်းသော ဘူး၊ အိုးများဖြင့် အသုံးပြုမိပါက ဆားစိမ်၊ သနပ်က အရသာရှိပြီး လတ်ဆတ်တဲ့ အရသာမရရှိနိုင်သလို လျင်မြန်စွာ ပုပ်သိုးဖို့ လွယ်ပါတယ်။ ဒါကြောင့် ဒီလမှာ သိရှိသင်ကြားဖြစ်ခဲ့သော နည်းလမ်းနှင့် ထည့်စရာ အမှန် အသုံးပြုနည်းကို This & That မှာ အားလုံးလေ့လာနိုင်ရန် ဖော်ပြလိုက်ပါတယ်။

          ဆားစိမ်၊ သနပ်ထည့်ရာမှာ သနပ်ပုလင်းနှင့် ဘူးများကို ၁၈၆၀ ပြည့်နှစ်ကနေ စတင်မိတ်ဆက်ခဲ့ပြီး အဲဒီအချိန်ကတည်းက ဘူး၊ ပုလင်းများကို တဖြည်းဖြည်း ကောင်းသထက် ကောင်းအောင် တီထွင်လာကြပါတယ်။ ဟိုးအရင်တုန်းက ပုလင်းများမှာ ထူးခြားသော အောက်ခြေ ပုံသဏ္ဌာန် ရှိကြပါတယ်။ ဖန်ပုလင်းနှင့် ပုလင်းများပေါ်က ဗိသုကာလက်ရာ ပုံစံတွေဟာ ပိုပြီး ခေတ်စားခဲ့ပါတယ်။ အဲဒီအချိန်တုန်းက ဖန်ဟာ လူကြိုက်များပြီး ခေတ်စားတဲ့ပစ္စည်းလည်း ဖြစ်ပါတယ်။ ဆားစိမ်၊ သနပ်ထည့်ရန် ဘူး၊ ပုလင်းများကို မတူညီသော အရောင်များဖြင့် ထုတ်လုပ်ကြပါတယ်။ အရောင်များနှင့်ဆိုတော့ သနပ်ထည့်ရတာ အင်မတန် လွယ်ကူပြီး အသုံးပြုရတာလည်း အဆင်ပြေပါတယ်။ အခုခေတ်မှာ ဗိသုကာလက်ရာပါတဲ့ ပုလင်း၊ ဘူးများက ရှေးဟောင်းပစ္စည်းအရောင်းဆိုင်များမှာ ဝယ်ယူနိုင်သလို အင်တာနက်နှင့် လေလံပွဲများမှာလည်း တွေ့ရှိဝယ်ယူနိုင်ပါတယ်။ တချို့က သနပ်ထည့်ရန် အသုံးပြုကြသလို တချို့ကတော့ အလှထားရန် ဝယ်ယူသိမ်းဆည်းကြပါတယ်။

          သနပ်ပုလင်းများကို သနပ်တည်ရန်သာ အသုံးပြုကြပါတယ်။ သနပ်တည်ရန် အသီး (သို့) ဟင်းသီးဟင်းရွက်များကို ရေနွေးပူပူဖြင့် သေချာအပူပေးပြီးမှ သနပ်တည်ကြပါတယ်။ အပူပေးပြီး နွမ်းသွားသော အသီး (သို့) ဟင်းသီးဟင်းရွက်တွေကို ဖန်ပုလင်းထဲ သေချာထည့်ပြီး အသီး (သို့) ဟင်းသီးဟင်းရွက်များပြုတ်ထားသော ဆားရည်ကို ပုလင်းထဲ အကုန်လောင်းထည့်ပါ။ ဒီနည်းက ဆားစိမ် (သို့) သနပ်ထည့်သော နည်းစနစ်ဖြစ်ပါတယ်။ ပြီးလျှင် သနပ်ပုလင်းကို ခြောက်သွေ့ ၍ အေးမြကာ မှောင်ပြီး အလင်းရောင်မထိုးတဲ့ နေရာမှာ လေလုံအောင် သေချာဖုံးပြီး ထားပါ။ ၃-၄ရက် ကြာလျှင် ပုလင်းထဲမှ သနပ်များ ကို မြည်းစမ်း စားကြည့်လို့ရပါပြီ။ သနပ်ပုလင်းများက ဆားစိမ်၊ သနပ်ထည့်ရန် မီးဖိုချောင် အသုံးအဆောင်ပစ္စည်းများထဲမှ အလွန်အရေးပါပြီး အရေးကြီးသော ပစ္စည်းဖြစ်ပါတယ်။

          သနပ်ပုလင်းများကို ၁ လီတာလောက် အများဆုံးအသုံးပြုကြပါတယ်။ ဆားစိမ်၊ သနပ်ထည့်ရန် ပြုလုပ်သော ပုလင်းများကို သနပ်ထည့်၍ရအောင် သေချာစိစစ်ထားသော အခြေခံကုန်ကြမ်းများဖြင့် ပြုလုပ်ထားပါတယ်။ သနပ်ပုလင်းပြုလုပ်ရာမှာ အဓိက အရေးပါသော ကုန်ကြမ်းပစ္စည်းကတော့ ဖန်ဖြစ်ပါတယ်။ သနပ် ဖန်ပုလင်းအဝက ကျယ်ပြန့်ပြီး သနပ်ထည့်ရာမှာ လွယ်ကူကာ ဖိသိပ်ထည့်လို့ အဆင်ပြေပါတယ်။ ဖန်ပုလင်း ဖြစ်တဲ့အတွက် သနပ်ချဉ်၊ မချဉ်နဲ့ အရောင်ပြောင်းခြင်း စသည်တို့ကို  ကောင်းစွာ အဖုံး မဖွင့်ဘဲ သေချာမြင်နိုင်ပါတယ်။ ဖန်ပုလင်းအဖုံးများကို ပလတ်စတစ် (သို့) သတ္တုများဖြင့် ပြုလုပ်ပါတယ်။ ဒါပေမဲ့ ဆားစိမ်ရန်၊ သနပ်ထည့်ရန် ဆိုလျှင်တော့ သတ္တုအဖုံးကို မသုံးတာကောင်းပါတယ်။ အလွယ်တကူ ဆားပေါက်ပြီး သနပ်ပျက်တတ်ပါတယ်။ ဖန်ပုလင်းအဖုံးကို ပလတ်စတစ် (သို့) သတ္တုကိုသာ အသုံးပြုဖို့ ထုတ်လုပ်ကြပါတယ်။ အဘယ်ကြောင့်ဆိုသော် သန့်ရှင်းရေးလုပ်ရတာလွယ်ကူပြီး အဆိပ်အတောက်နှင့် ရောဂါပိုးမွှား စသည်တို့ကို မဖြစ်စေနိုင်လို့ပါ။

          သနပ်ထည့်ရာမှာ ပလတ်စတစ်အထူ ပုလင်းများကိုလည်း အသုံးပြုလို့ရပါတယ်။ ဒါပေမဲ့ ဖန်ပုလင်းလောက် ခေတ်စားမှုမရှိပါ။ ပလတ်စတစ်ပုလင်းကတော့ သနပ်ကို ပလတ်စတစ်အနံ့ ရရှိစေပါတယ်။ တစ်ခါတလေ အချဉ်ဓာတ်များပြီး ပလတ်စတစ် ပုလင်းများ အရည်ပျော်ပြီး ပုလင်းပုံပျက်ခြင်း၊ ကွဲအက်ခြင်း၊ အရည်စိမ့်ခြင်းများ ဖြစ်တတ်ပါတယ်။ အဲဒါကြောင့် ပလတ်စတစ်ပုလင်းများနှင့် ဆားစိမ်၊ သနပ်ထည့်ခြင်းများ မပြုလုပ်သင့်ပါ။

          သတ္တု (သို့) သံပုလင်းများဖြင့် မည်သည့်အခါမျှ ဆားစိမ်ခြင်း၊ သနပ်ထည့်ခြင်းများ မလုပ်သင့်ပါ။ အချဉ်နှင့် သတ္တုသံရဲ့ ပြန်ကန်သောဓာတ်က အဆိပ်အတောက်ဖြစ်စေပြီး သံချေးတက်လွယ်စေပါတယ်။ အချဉ်စိမ်ခြင်း၊ အချဉ်ဖောက်ခြင်း လုပ်မည်ဆိုလျှင် မြေအိုးနှင့် ဖန်ပုလင်းများကိုသာ အသုံးပြုသင့်ပါတယ်။ ကြွေရည်သုတ် ပစ္စည်းများလည်း အန္တရာယ်များပါတယ်။ ဆားစိမ်ရန်၊ သနပ်ထည့်ရန် ဖန်ပုလင်းများကို သေချာရွေးချယ်သင့်ပါတယ်။ သနပ်ထည့်ရန် ဖန်ပုလင်းကို ပလတ်စတစ်အဖုံးဖြင့် ပုလင်းကို ဦးစားပေး ရွေးချယ်သင့်ပါတယ်။

          ဆားစိမ်နှင့် သနပ်တို့က နေ့စဉ်ထမင်းဝိုင်းမှာ ထမင်းမြိန်စေတဲ့ အရန်ဟင်းပွဲနေရာမှာ မရှိမဖြစ် ရှိသင့်တဲ့ အရန်ဟင်းတစ်ခွက်ပါ။ ထမင်းမြိန်စေသော အရန်ဟင်းတစ်ခွက်ကို အနံ့၊ အရသာပြည့်ဝအောင် ပြုလုပ်မည်ဆိုလျှင် ကျန်းမာရေးရှုထောင့်က ကြည့်မည်ဆိုလျှင်လည်း သင့်တော်သော ဖန်ပုလင်းများကိုသာ အသုံးပြုသင့်ကြောင်း အကြံပြုရင်း နောက်လတွေမှာ မည်သည့်မီးဖိုချောင်သုံးပစ္စည်းများ (သို့) မီးဖိုချောင်အတွင်းမှ အစားအစာများရဲ့ အကြောင်းအရာများကို တင်ဆက်ပေးသွားမလဲဆိုတာ စောင့်မျှော်ဖတ်ရှုကြပါဦးရှင့်။ စည် ကျောင်းတုန်းက သင်ခဲ့ရသော Utensil and Jars ဘာသာရပ်မှ စိတ်ဝင်စားစရာ အကြောင်းလေးများနဲ့အတူ http://www.streetdirectory.com/food_editorials/ health_food/vegetables/carefully_select_the_pickle_jars.html မှ ရရှိသော အကြောင်းအရာလေးများနှင့်အတူ ပူးတွဲဖော်ပြလိုက်ပါတယ်။ Happy day to you all

မှတ်ချက်- ဖော်ပြထားသည့် Information သည်  နိုင်ငံတစ်နိုင်ငံနှင့် တစ်နိုင်ငံ အနည်းငယ် ကွာခြားမှုလေးများ ရှိလျှင် ရှိတတ်ပါသည်။

Facebook Comments