အစားအသောက်လုပ်ငန်းခွင်နှင့် သန့်ရှင်းမှုကို စံနှုန်းသတ်မှတ်၍ လုပ်ကိုင်သည့် လုပ်ငန်းစဉ် (Sanitation Standard Operating Procedures: SSOP)

by စီစီဝင်း (Food) for Food Magazine

          အစားအစာလုပ်ငန်းအများစုသည် အရည်အသွေးကို ထိန်းချုပ် (Control) သည့် စနစ်မှ တစ်ဆင့်တိုး၍ အရည်အသွေးအာမခံ (Assurance) စနစ်သို့ ပြောင်းလဲလာပြီဖြစ်ရာ အရည်အသွေးစီမံခန့်ခွဲမှုအပိုင်း (Management) သည် အရေးပါသောကဏ္ဍတစ်ရပ်ဖြစ်လာပါသည်။ သို့ဖြစ်ပါ၍ တစ်ဆင့်မြင့်သော GMP ဟု ခေါ်တွင်နေသည့် ကောင်းမွန်သောထုတ်လုပ်မှု အလေ့အကျင့် (Good Manufacturing Practices) သို့ ကူးပြောင်းလုပ်ဆောင်လာကြပြီ ဖြစ်ပါသည်။

          အဆိုပါအလေ့အကျင့်များ မပြုလုပ်မီ အခြေခံအဆင့်ဖြစ်သော SSOP ဟု ခေါ်တွင်သည့် သန့်ရှင်းမှုကို စံနှုန်းသတ်မှတ်၍ လုပ်ကိုင်သည့်လုပ်ငန်းစဉ် (Sanitation Standard Operating Procedures) ကို ဦးစွာပထမ နားလည်ဆောင်ရွက်ရမည်ဖြစ်ပါသည်။

          SSOP သည် တစ်နည်းအားဖြင့် GHP (Good Hygiene Practice) ပင် ဖြစ်ပါသည်။ GMP သို့ မကူးပြောင်းမီ ပထမခြေလှမ်းဖြစ်ပါသည်။ ထပ်မံ၍ဆိုရသော် HACCP/ISO သို့ အဆင့်တက်ဆောင်ရွက်ရန် ကြိုတင်လိုအပ်သောအစီအစဉ် (PRP: Prerequisite Programme) လည်း ဖြစ်ပါသည်။

          SSOP ကို ဆောင်ရွက်ရသည့် အဓိကရည်မှန်းချက်မှာ အစားအစာဘေးကင်းရေး (Food Safety) ပန်းတိုင်သို့ အရောက်လှမ်းရန်သာ ဖြစ်ပါသည်။ SSOP ကို ဆောင်ရွက်ခြင်းအားဖြင့်-

(၁)     စက်ရုံတွင်း GMP အကောင်အထည်ဖော်ရန် အထောက်အပံ့ပေးခြင်း။

(၂)     ဆက်လက်ဆောင်ရွက်ရမည့် HACCP အစီအစဉ်တွင် စိစစ်ကွပ်ကဲရမည့်နေရာ (Critical Control Point: CCP) ကို လျှော့ချပေးစေခြင်း။

(၃)     အဆိုပါဆောင်ရွက်မှုကို ထိရောက်စွာ မြှင့်တင်ပေးနိုင်ခြင်း။

          အစရှိသည့် အကျိုးများရရှိစေပါသည်။ အစားအစာလုပ်ငန်းခွင်တိုင်းသည် HACCP အစီအစဉ်ကို မဆောင်ရွက်နိုင်သေးသော်ငြားလည်ှးဥဏ ကို စီစဉ်ဆောင်ရွက်ရန် အထူးလိုအပ်ပါသည်။ SSOP ကို မဆောင်ရွက်မီ သန့်ရှင်းမှုစံ (Sanitation/Hygiene Standards) ကို ရေးဆွဲရမည်ဖြစ်ပါသည်။

သန့်ရှင်းမှုစံတွင်

(၁)     သန့်ရှင်းစင်ကြယ်မှုနှင့် ပတ်သက်သော အကြောင်းအရာအားလုံး ပါဝင်ခြင်း (Sanitary or Hygienic Processes)

(၂)     သန့်ရှင်းမှုလုပ်ဆောင်ရမည့် နည်းစဉ်များပါဝင်ခြင်း (Sanitary Monitoring Procedures) တို့ကို ရေးဆွဲရမည် ဖြစ်ပါသည်။

          Sanitation ၏ အဓိပ္ပာယ်ဖော်ဆောင်မှုသည် Cleaning စကားရပ်နှင့် ကွဲပြားပါသည်။ သန့်ရှင်းစင်ကြယ်ခြင်း ပြုလုပ်သည်ဟုဆိုသော်ငြားလည်း Sanitation တွင် အန္တရာယ်ရှိသောပိုးများကို  Sanitizers (Detergents) အသုံးပြု၍ ဖယ်ရှားခြင်း ပါဝင်ပါသည်။

          SSOP သည် စက်ရုံ/လုပ်ငန်းတစ်ခုချင်းအတွက် သီးသန့်ရှိပါသည်။ SSOP သည် GMP ၏ ဆောင်ရွက်မှုလုပ်ငန်းများနှင့် ဆင်တူနေသည့် အဓိကအကြောင်းရင်းမှာ ညစ်ညမ်းခြင်း ကပ်တင်နေမှု (Contamination) နှင့် တစ်ဆင့်ခံမသန့်ရှင်းမှု (Cross-Contamination) ကို ဦးတည်၍ သန့်ရှင်းမှု ကိစ္စရပ်များကို ဆောင်ရွက်နေကြခြင်း ဖြစ်ပါသည်။ သန့်ရှင်းမှုကို ဖြစ်စေရန် ပြုလုပ်ဆောင်ရွက်ရာတွင် မသန့်ရှင်းမှု၏ အကြောင်းအရာကိုလေ့လာသိရှိရပြီး အဆိုပါ မသန့်ရှင်းမှုကို ကင်းရှင်းစေရန် ဆောင်ရွက် ရမည့်နည်းလမ်း/အလေ့အကျင့်များကို ဖော်ထုတ်ထားခြင်းဖြစ်ပါသည်။

          နမူနာတစ်ခုအဖြစ် ပြဆိုရသော် ငါးလုပ်ငန်းနှင့်ပတ်သက်သော SSOP တွင် ဆောင်ရွက်ရမည့် သန့်ရှင်းစင်ကြယ်မှု အခြေအနေနှင့် အလေ့အကျင့် (GIZ/TDP မှ) ၏  အဓိက (၈) ချက်မှာ-

၁။       ရေနှင့် ရေခဲ၏  ဘေးဥပဒ်ကင်းရှင်းမှု

၂။       အစားအစာထိတွေ့သည့်မျက်နှာပြင် သန့်စင်မှု

၃။       ပြင်ပမှတစ်ဆင့် မသန့်ရှင်းမှု ကူးစက်ပျံ့နှံ့ခြင်းကို အကာအကွယ်ပြုရန်

၎။       လုပ်သားများ၏  သန့်ရှင်းစင်ကြယ်နေမှု

၅။       အရောအနှောပါဝင်မှု ထိန်းချုပ်ရန်

၆။       တံဆိပ်ကပ်ခြင်း၊ သိုလှောင်ခြင်း၊ အဆိပ်ပစ္စည်းသုံးစွဲမှု

၇။       လုပ်သားများ၏ ကျန်းမာရေးအခြေအနေထိန်းချုပ်ရန်

၈။       စက်ရုံအတွင်း ပိုးမွှားကင်းစင်စေမှု ထိန်းချုပ်ရန်တို့ ဖြစ်ပါသည်။

          SSOP သည် စက်ရုံအမျိုးအစားချင်းတူညီပါက ဆောင်ရွက်ရမည့် စံနည်းစဉ်များ တူညီပါသည်။  SSOP  သည် လုံခြုံစိတ်ချရသော စီမံကိန်း၏ သော့ချက်တစ်ခုဖြစ်ပါသည်။ လုပ်ဆောင်ချက်မှန်ကန်ကြောင်းကို သင့်လျော်သောနည်းဖြင့် မှတ်တမ်းတင်ထားရှိပြီး မှန်ကန်ကြောင်းလည်း သက်သေပြပါသည်။ ကုန်ချောမထုတ်လုပ်မီနှင့် ထုတ်လုပ်စဉ် ကုန်ချောများ မညစ်ညမ်းစေရန် နေ့စဉ်ပုံမှန် ပြုလုပ်ရမည့် သန့်ရှင်းရေးနည်းစဉ်လည်း ဖြစ်ပါသည်။ နည်းစဉ်တွင် လုပ်ဆောင်ချက်တိုင်း၏ အမည်၊ ပြုလုပ်ရမည့်နေရာ၊ ကိရိယာ၊ ပြုလုပ်ရမည့် ပစ္စည်းစာရင်းများ၊ ပြုလုပ်ရမည့် ကြိမ်နှုန်း၊ ပြုလုပ်စဉ်ကြာသောအချိန်၊ တစ်ဦးချင်းတာဝန်ယူဆောင်ရွက်မှုနှင့် မဖြစ်မနေလုပ်ဆောင်ရသည့် အဆင့်တိုင်း၏ အကြောင်းအရာများ ပါဝင်ပါသည်။ သန့်ရှင်းစင်ကြယ်သော ပတ်ဝန်းကျင်တွင် လုပ်ငန်းများဆောင်ရွက်ရသည့်အတွက် ထုတ်ကုန်ပစ္စည်းများသည် သန့်စင် (Pure) ပြီး ဖြစ်နေ သဖြင့် ဘေးကင်းမှုကို ဖြစ်စေပါသည်။ SSOP ကို အကောင်အထည်ဖော် ဆောင်ရွက်မည်ဆိုပါလျှင်-

၁။       လိုအပ်ချက်များ (ရည်မှန်းချက်)

၂။       Scope (Where, Who, What, Apply)

၃။       အဓိပ္ပာယ်ဖွင့်ဆိုမှုများ

၎။       လက်ရှိအခြေအနေ

၅။       အကြောင်းအရာပါဝင်မှု (လုပ်ဆောင်ရန် နည်းစဉ်၊ လုပ်ငန်းသတ်မှတ်ချက်နှင့် လုပ်ကိုင်ဆောင်ရွက်ခြင်း)

၆။       မှတ်တမ်းတင်ခြင်းတို့ ဖြစ်ပါသည်။

Facebook Comments