အစားအစာနှင့် ယမကာ တွဲဖက်သုံးဆောင်မှုပညာ

          မျက်မှောက်ခေတ် စီးပွားရေးလောကတွင် လုပ်ငန်းအကြောင်းဆွေးနွေးမှု အတော်များများကို Dinner စကားဝိုင်းများတွင် စားသောက်ရင်း ပြောလေ့ရှိကြသည်။ စားသုံးသည့် ဟင်းလျာများနှင့် တွဲဖက်ပြီး ယမကာများကို မှာယူသုံးဆောင်ကြပါသည်။ သို့ဖြစ်ပါသောကြောင့် စားသောက်ခြင်းအတတ်ပညာကို အခြေခံအားဖြင့် နားလည်ရန် လိုအပ်လာပါသည်။

          အနောက်တိုင်းနိုင်ငံသားများ ညစာစားသုံးရာတွင် ခံတွင်းဖွင့်စာ၊ အသုပ်၊ ဟင်းချို၊ အဓိကဟင်းလျာဖြစ်သော အသားတစ်မျိုး သို့မဟုတ် အသားများပြီးနောက် အချိုပွဲဟူ၍ အဆင့်ဆင့်စားသုံးလေ့ရှိကြပါသည်။ ထိုအစားအစာများနှင့် လိုက်ဖက်ညီမည့် ယမကာ များကို ရွေးချယ်သောက်သုံးရပါသည်။

          ဦးစွာပထမ Aperitif ဟု ခေါ်သော အစာစားလိုစိတ် ဖော်ဆောင်ပေးသော အရသာခါးသည့် ယမကာတစ်မျိုးကို သုံးဆောင်လေ့ရှိပါသည်။ Fortified Wine တစ်မျိုးဖြစ်သော Sherry သို့မဟုတ် Vermouth ဟုခေါ်သော Martini နှင့် အလားတူ ယမကာမျိုးကို အနည်းငယ်သောက်သုံးခြင်းဖြင့် ခံတွင်းခြောက်သွေ့မှုကို ဖြစ်ပေါ်စေပြီး အစားမြိန်စေပါသည်။ အောင်မြင်မှုအတွက် Champagne သို့မဟုတ် Sparkling Wine နှင့် ညစာကို စတင်လေ့ရှိပါသည်။

          ဟင်းလျာများ စတင်သုံးဆောင်သည်နှင့်တစ်ပြိုင်တည်း တွဲဖက်ညီသည့် ဝိုင်များကို စတင်မှာယူ သောက်သုံးကြပါသည်။ အခြေခံအားဖြင့် ဟင်းလျာ၏ အရသာလေးပင်မှုအပေါ် မူတည်ပြီး တွဲဖက်ညီနိုင်မည့် ဝိုင်ကို စဉ်းစားရပါသည်။ ပုံမှန်အားဖြင့် ပထမပိုင်းတွင် ငါး၊ ကြက်သားစသော ပေါ့ပါးသည့် အသားများကို စတင်သုံးဆောင်လေ့ ရှိကြပါသည်။ ထို အဖြူရောင်အသားများသည် ပေါ့ပါးသော Light Bodied အဖြူရောင်ဝိုင် သို့မဟုတ် အနီရောင်ဝိုင်ပေါ့များနှင့် တွဲဖက်စားသောက်နိုင်ပါသည်။

          လေးပင်သည့် အရသာရှိသော အနီရောင်အသားများ၊ တောကောင်သားများ၊ စတူးများသည် လေးပင်ပျစ်နှစ်သော Full Bodied ဝိုင်နီများနှင့် အလိုက်ဖက်ဆုံး ဖြစ်ပါသည်။ ရံဖန်ရံခါ ပျစ်နှစ်သော  Full Bodied အဖြူရောင်ဝိုင်နှင့်လည်း တွဲဖက်သုံးဆောင်နိုင်ပါသည်။

          ဝိုင်တို့၏ အရသာကို Dry (ခါးသော)၊ Acidity (ချဉ်သော)၊ Tannin (ဖန်သော)၊ Sweetness (ချိုသော)၊ Fruit Character (သစ်သီးအရသာ) စသည်ဖြင့် ခွဲခန့် သတ်မှတ် ထားပါသည်။

          ယေဘုယျအားဖြင့် အရသာချိုသော အစားအစာများကို အချိုဓာတ်ကဲသော ဝိုင်ဖြင့် တွဲဖက်သုံးဆောင်မှ အဆင်ပြေပါမည်။ အငန်အရသာကို ချိုသောဝိုင်ဖြင့်လည်း ထိန်းကျောင်းနိုင်ပါသည်။ ဆီများပြီး အီဆိမ့်သော အစာများကို Acidity အချဉ်ဓာတ်ကဲသော ဝိုင်များဖြင့် ဖြေလျှော့တွဲဖက်သောက်သုံးရပါမည်။ အသားဓာတ်များသော ဟင်းလျာကို Tannin ဖန်ခါးသော ဝိုင်များဖြင့် တွဲဖက်သုံးဆောင်ခြင်းသည် ပိုမိုအစားမြိန်စေကြောင်း မှတ်ထားရပါသည်။

          ငါးပေါင်းကဲ့သို ပေါ့ပါးနူးညံ့သည့် အသားဟင်းလျာအတွက် Light Dry White Wine ဖြစ်သော  Riesling, ခရင်မ်ဆော့စ်နှင့် အီဆိမ့်သောအရသာရှိသည့် ငါးဟင်းများအတွက် Full Bodied Chardonnay, ခရုနှင့် ပင်လယ်စာများအတွက် Muscadet, Chablis, Sauvignon Blanc စသော အဖြူရောင်ဝိုင်များ၊ ခရင်မ်ဆော့စ်နှင့်ချက်ထားသော ကြက်သားအတွက် Austrlian Reisling နှင့် Chardonnay စသော ဝိုင်အဖြူ၊ California Merlot ကဲ့သို့သော ဝိုင်အနီတို့နှင့်  တွဲဖက်သုံးဆောင်ခြင်းဖြင့် ဟင်းလျာ၏အရသာကို ပိုမိုမြိန်စေကြောင်း ခံစားရပါမည်။ ဝက်သားကဲ့သို့သော အသားကိုမူ စပျစ်အရသာပိုပြီး ဖန်ခါးဓာတ်ပိုသော သက်နု Piedmont rS Barbera, California မှ Zinfandel ဝိုင်နီများနှင့် လိုက်ဖက်ညီစွာ သုံးဆောင်နိုင်ပါသည်။

          အမဲသားနှင့် Protein ဓာတ်ကြွယ်သော အသားများကိုမူ Cabernet Sauvignon နှင့် Shiraz ကဲ့သို့သော ဖန်ခါးဓာတ်ပိုသော ဝိုင်များနှင့် စားသောက်ပါက လိုက်ဖက်အညီဆုံး ဖြစ်ပါသည်။ အဖြူရောင်အသားများနှင့် ပိုမိုပေါ့ပါးသော အစားအစာများကိုမူ ပေါ့ပါးပြီး သစ်သီးအရသာပိုသော ဖန်ခါးဓာတ်နည်းသည့် Beaujolais နှင့် Bardolino ဝိုင်နီများက အကောင်းဆုံး ပံ့ပိုးနိုင်ပါသည်။

          ခရမ်းချဉ်သီးပါဝင်သော အီတလီအစားအစာများကိုမူ Acidity အချဉ်အရသာကဲသော အီတလီ Red Wine များနှင့် တွဲဖက်သုံးဆောင်ရန် အသင့်ဆုံးဖြစ်သည်။ ဟင်းခတ်အမွှေးအကြိုင်နှင့် အစပ်အရသာကဲသော အာရှဟင်းလျာများအတွက်မူ Australian Shiraz အနီရောင်ဝိုင်နှင့် Germany Riesling အဖြူရောင်ဝိုင်များနှင့် အသင့်တော်ဆုံး တွဲဖက်သုံးဆောင်နိုင်ပါသည်။

          အချိုပွဲများသုံးဆောင်သည့်အခါ ချိုသောအရသာရှိသည့် Port Wine အပြင် အစာခြေဖျက်မှုကို ကူညီပေးနိုင်သော Brandy, အချိုအရသာများဖြင့် ဖော်စပ်ထားသော Liqueur ယမကာအချိုများ သုံးဆောင်ခြင်းဖြင့် သင်၏ ညစာကို လှပစွာ အဆုံးသတ်စေနိုင်သကဲ့သို့ ကျန်းမာပျော်ရွှင်ပြီး အောင်မြင်သော စီးပွားရေးလုပ်ငန်းရှင်တစ်ဦးအဖြစ် ယုံကြည်မှုအပြည့် လျှောက်လှမ်းနိုင်စေကြောင်း ရေးသားတင်ပြအပ်ပါသည်။

References:

Wine and Food (Exploring Wines & Spirits – WSET 2003, London)

The World of Encyclopedia of Wine – Stuar Walton (2002- London)

Wine form Grapes to Glass – Jens Priewe (1998-New York)

Facebook Comments