မတော်တဆ အပူလောင်ခြင်းမှ ကာကွယ်ခြင်းနှင့် မတော်တဆ မီးလောင်ခြင်းအန္တရာယ်မှ ကာကွယ်ခြင်း အကြောင်းအရာများ

by Chef Sunny for Food Magazine

          မြန်မာစားဖိုမှူးများအတွက် လုပ်ငန်းခွင် လက်တွေ့အသုံးချပညာရပ်များကို “Myanmar Chefs Development Center’’ ရဲ့ “Chefs Education Page’’ မှာ လစဉ်ဖော်ပြပေးနေပါတယ်။ ပြီးခဲ့တဲ့လမှာ လုပ်ငန်းခွင်အတွင်း (၁) စနစ်ကျပြီး ဘေးကင်းလုံခြုံမှုရှိသော လုပ်ငန်းခွင်ဖြစ်ခြင်း။ (၂) မတော်တဆ ထိခိုက်ရှနာဖြစ်ခြင်းမှ ကာကွယ်ခြင်းတို့ကို ဖော်ပြပေးခဲ့ပြီးဖြစ်ပါတယ်။ ဒီလမှာတော့ နိုင်ငံတကာအဆင့်မီ ဟိုတယ်နှင့် စားသောက်ဆိုင်လုပ်ငန်းတွေမှာ အလုပ်လုပ်ကိုင်နေကြတဲ့ အလွှာစုံမှစားဖိုမှူးများအတွက် လုပ်ငန်းခွင်အတွင်း အထူးသတိပြုကြရမယ့် လုပ်ငန်းခွင် ဘေးကင်းလုံခြုံရေးနဲ့ ပတ်သက်တဲ့ အခြေခံ အချက်အလက်များထဲမှ အချက် (၃) မတော်တဆ အပူလောင်ခြင်းမှ ကာကွယ်ခြင်းနဲ့ အချက် (၄) မတော်တဆ မီးလောင်ခြင်းအန္တရာယ်မှ ကာကွယ်ခြင်းတို့နဲ့ပတ်သက်ပြီး အောက်မှာ ဆက်လက်ဖော်ပြပေးသွားမှာဖြစ်ပါတယ်။

၃။     မတော်တဆ အပူလောင်ခြင်းမှ ကာကွယ်ခြင်း။ (PREVENTING BURNS)

(က)    အစားအစာများပြင်ဆင်ချက်ပြုတ်သည့် မီးဖိုအတွင်းရှိ အိုးများ၊ ဒယ်အိုးများ၏ လက်ကိုင်ကွင်း၊ လက်ကိုင်ရိုးများအား အစဉ်အမြဲ ပူလောင်နေသည်ဟု သတိပြုထားရပါမည်။ သေချာစွာ စမ်းသပ် ကိုင်တွယ်ခြင်းမပြုဘဲ လက်ဗလာဖြင့် သတိလက်လွတ်အိုးလက်ကိုင်ကွင်းများ၊ လက်ကိုင်ရိုးများကို လက်နှီး (သို့) လက်ခုမပါဘဲ မဆုပ်ကိုင်မိစေရန် သတိထားရပါမည်။

(ခ)     ပူနေသောအိုးများ၊ ဒယ်များ၏ လက်ကိုင်များကို ခြောက်သွေ့သော လက်နှီး ၊ လက်ခုများဖြင့်သာ ကိုင်တွယ် မယူ ရွှေ့သယ်ခြင်းများပြုသင့်ပါသည်။ စိုထိုင်းနေသော (သို့) ရေစိုနေသော လက်နှီး၊ လက်ခု၊ လက်အိတ်များဖြင့် မကိုင်တွယ်သင့်ပါ။စိုထိုင်းနေသော လက်နှီး ၊ လက်ခုများသည် အပူနှင့် ထိတွေ့သောအခါ ရေနွေးငွေ့အဖြစ် ကူးပြောင်းခြင်း အလွန်မြန်ဆန်သောကြောင့် မိမိ၏ လက်များကို အလွယ်တကူ အပူလောင်နိုင်ပါသည်။

( ဂ )   အပူကူးဆက်နေသော အိုးများ၊ ဒယ်များ၏ လက်ကိုင်များကို မီးဖိုဆောင်အတွင်းရှိ လူ လျှောက်လမ်းများနှင့် လွတ်ကင်းအောင် ဖယ်ရှောင်ထားရပါမည်။ အိုးများ၊ ဒယ်များ၏ လက်ကိုင် များကို မီးဖိုများ၊ ဓာတ်ငွေ့သုံးမီးဖိုများ၏ မီးညွန့်များကြောင့် မတော်တဆ ထိတွေ့မိပါက အပူလောင်ခြင်းများဖြစ်နိုင်သည့်အတွက် မစမ်းသပ်ကြည့်ဘဲ ဆုပ်ကိုင်မိပါက အပူလောင်နိုင် ပါသည်။

(ဃ)    အစားအစာများကို ကြော်ချက်သည့်အချိန်တွင် ဒယ်အိုးများ၊ အိုးများ လိုသည်ထက် ပိုမိုပြည့်လျှံအောင်ထည့်၍ ကြော်ချက်ခြင်းမပြုသင့်ပါ။ ဖိတ်စင်ခြင်း၊ မှောက်ကျ ခြင်းများဖြစ်ပြီး အပူလောင်ခြင်း ဖြစ်နိုင်ပါသည်။

(င)     ချက်ပြုတ်နေစဉ်ဖြစ်စေ၊ ချက်ပြုတ်ပြီးသော အစားအစာများကိုဖြစ်စေ မိမိတစ်ယောက်တည်း၏ အင်အားဖြင့် မနိုင်ဝန်ဖြစ်နေပါက အခြားသူတစ်ဦး တစ်ယောက်၏ အကူအညီကို မဖြစ်မနေရယူပြီး ဆောင်ရွက်သင့်ပါသည်။ မနိုင်သည့်ဝန်အား တစ်ဦးတည်းဆောင်ရွက်ခြင်းကြောင့် ဖိတ်စဉ် မှောက်ကျပြီး အပူလောင်ခြင်းအန္တရာယ်များဖြစ်နိုင်ပါသည်။

(စ)     အစားအစာများချက်ပြုတ်နေစဉ်အတွင်း အိုးအဖုံးများ၊ ဒယ်အဖုံးများအား ဖွင့်ဟခြင်းပြုမည်ဆိုပါက အဖုံးအား မိမိနှင့်ဆန်ကျင်ဘက် ဝေးရာဘက်သို့ ဦးတည်ပြီး မိမိရရ ဖွင့်ဟပေးသင့်ပါသည်။ အကယ်၍ မိမိဘက်သို့ ဖွင့်ဟမိပါက ရေနွေးငွေ့လောင်ခြင်း အန္တရာယ်များဖြစ်နိုင်ပါသည်။

(ဆ)    အစားအစာများအား ရေနွေးငွေ့သုံးပြီး ချက်ပြုတ်သည့် ကိရိယာများအသုံးပြုပါက ရေနွေးငွေ့သုံး ကိရိယာ၏ တံခါးအား ဖွင့်သည့်အချိန်များတွင် သေချာစွာဂရုစိုက်ပြီး အတွင်းမှထွက်လာမည့် ရေနွေးငွေ့အား ဦးစွာတံခါးကို အနည်းငယ်သာဖွင့်ဟ၍ ရေနွေးငွေ့များထုတ်စေပြီးမှ တံခါးကို လိုအပ်သလောက်ဖွင့်ဟရပါမည်။ ရေနွေးငွေ့သုံးကိရိယာ (Compartment Steamers) ၏ တံခါး ကို တစ်ချိန်တည်းဆွဲဖွင့်ပါက ရေနွေးငွေ့များ အရှိန်ဖြင့်ကန်ထွက်လာပြီး ပြင်းထန်သော ရေနွေးငွေ့ အပူလောင်ခြင်း အန္တရာယ်များ ဖြစ်နိုင်ပါသည်။

( ဇ )   ဓာတ်ငွေ့သုံး (ဂက်စ်) မီးဖိုများ၊ ပေါင်းဖိုများအား မီးစတင်ညှိသည့် အချိန်များတွင် ဓါတ်ငွေ့ ယိုစိမ့်မှုရှိမရှိ သေချာစွာ လေဝင်လေထွတ်ကောင်းစွာပြုပြီးမှ မီးစတင်ညှိသင့်ပါသည်။ လေဝင် လေထွတ်ကောင်းစွာမပြုမိဘဲ မီးညှိမိပါက ဓာတ်ငွေ့ယိုစိမ့်မှုကြောင့် မီးလောင်ခြင်းနှင့် မီးဟပ်ခြင်း များကြောင့် အပူလောင်ခြင်းများ ဖြစ်နိုင်ပါသည်။

(ဈ)     ဓာတ်ငွေ့သုံးမီးဖိုများ၊ ပေါင်းဖိုများအား မီးညှိသည့်အချိန်များတွင် မီးခြစ်၊ ဂန်းမီးခြစ်များကို ဦးစွာမီးခြစ်ပြီးမှ မီးဖို၊ ပေါင်းဖို၏ ဓာတ်ငွေ့ခလုတ်များကို ဖွင့်ရပါမည်။ ဓာတ်ငွေ့သုံးမီးဖို၊ ပေါင်းဖိုများ၏ ခလုတ်များကို ဦးစွာဖွင့်ပြီးမှ မီးခြစ်ကို ခြစ်မိပါက မီးဟပ်လောင်ခြင်းအန္တရာယ်များ ဖြစ်စေ နိုင်ပါသည်။

(ည)    မီးဖိုဆောင်အတွင်း တာဝန်ထမ်းဆောင်ကြသော စားဖိုမှူးများအားလုံးသည် ရင်နှစ်ထပ်ပုံစံ စားဖိုမှူးဝတ်စုံ (Double Breasted Chef Jacket) များကိုသာ ဝတ်ဆင်သင့်ပါသည်။ ရင်နှစ်ထပ်ပုံစံ စားဖိုမှူးဝတ်စုံများသည် အစားအစာနှင့် ဆီပူများ၊ ရေနွေးငွေ့အပူများ၊ ရေနွေးပူများ စဉ်ထွက် ဖိတ်စဉ်ခြင်းများကြောင့် ဖြစ်ပေါ်နိုင်သည့် အပူလောင်ခြင်းအန္တရာယ်များကို ကာကွယ်ပေးနိုင်ပါသည်။

(ဋ)     မီးဖိုဆောင်အတွင်း တာဝန်ထမ်းဆောင်ကြသောစားဖိုမှူးများအားလုံးသည် မိမိ၏ ခြေချောင်းများ နှင့် ခြေဖဝါးများ၊ ခြေခုံများအား ဆီပူ၊ ရေနွေးပူ၊ ရေနွေးငွေ့အပူများ အပူလောင်ခြင်းအန္တရာယ်မှ ကာကွယ်နိုင်စေရန် လုပ်ငန်းခွင်သုံး လုံခြုံစိတ်ချရသည့် သားရေဖိနပ် ရှေ့ဦးအပိတ်ပုံရှိပြီး ချော်ခြင်း၊ စလစ်ဖြစ်ခြင်းလုံးဝမရှိသော ရှူးဖိနပ် (Safety Shoes) များကိုသာ အသုံးပြုဝတ်ဆင်သင့်ပါသည်။

(ဌ)     အစားအစာများကို ဆီအပူတွင်ကြော်ချက်မည်ဆိုပါက မကြော်ချက်မီ ရေစင်အောင် သုတ်ပြီးမှ ကြော်ချက်သင့်ပါသည်။ အကယ်၍ ရေစင်အောင်မပြုလုပ်ဘဲ ဆီပူထဲသို့ ထည့်ကြော်ချက်မိပါက ဆီပူလောင်ခြင်းအန္တရာယ်များ ဖြစ်နိုင်ပါသည်။

(ဍ)     အစားအစာများကို ဆီပူအတွင်းကြော်ချက်ရာတွင် မိမိ၏ဆန့်ကျင်ဘက်လားရာဘက်သို့ အစားအစာများကို ဦးတည်ထည့် ကြော်ပေးသင့်ပါသည်။ အကယ်၍ မိမိ၏ခန္ဓာကိုယ်ဘက်သို့ဦးတည်ပြီး ထည့်ကြော်မိပါက ဆီပူများ လွင့်စင်ပြီး ဆီပူလောင်ခြင်း အန္တရာယ်များဖြစ်နိုင်ပါသည်။

(ဎ)     ဆီကြော်ကန်များ၊ ဆီပူဖြင့် ကြော်ချက်သော အိုးများ၊ ဒယ်များ၏ အနီးတွင် ရေနှင့် အရည်မျိုးစုံတို့အား မထားသိုသင့်ပါ။ ဆီပူကန်များ၊ ဆီပူအိုးနှင့် ဒယ်များအတွင်းသို့ ရေနှင့် အရည်တစ်မျိုးမျိုး ဖိတ်စဉ်သွားခဲ့ပါ အလွန်လျင်မြန်ပြီး အရှိန်အဟုန်ပြင်းထန်သော ဆီပူနှင့် ဆီငွေ့အပူလောင်ခြင်း အန္တရာယ်များ ဖြစ်နိုင်ပါသည်။

(ဏ)    စားဖိုဆောင်အတွင်း တာဝန်ထမ်းဆောင်ကြသည် စားဖိုမှူးများအားလုံးသည် ပူလောင်နေသော အိုးများ၊ ဒယ်များ၊ အစားအစာအပူများ၊ ပြုတ်ရည်ပူများ၊ ဆီပူများအား သယ်ဆောင်လာပါက မိမ်ိရှေ့ရှိအခြားသူများအား ကျယ်လောင်စွာ အသံပြုအသိပေးပြီး သယ်ဆောင်သင့်ပါသည်။ အလားတူစွာပင် ပူလောင်သော အရာများကို သယ်ဆောင်နေသော သူတစ်ဦး၏ နောက်တွင် မိမိရှိနေခဲ့လျှင်သော်လည်းကောင်း၊ ကျော်တက်လိုလျှင်သော်လည်းကောင်း ကျယ်လောင်စွာ အသံပြုအသိပေးပြီးမှ ကျော်တက်ခြင်း၊ ကပ်လိုက်ခြင်းများ ပြုသင့်ပါသည်။ အကယ်၍ မဆောင်ရွက်မိပါက အပူလောင်ခြင်း အန္တရာယ်များ ဖြစ်စေနိုင်ပါသည်။

(တ)    ပူသောပန်းကန်များ၊ အစားအစာများ အထူးသဖြင့် အလွန်ပူသော ပန်းကန်များအား ဧည့်ခန်းဆောင်ဝန်ထမ်းများ (Waiters & Waitress/Service Stuffs) များအား သေချာစွာ အသိပေး ရပါမည်။ အကယ်၍ အသိမပေးမိပါက ဧည့်ခန်းဆောင်ဝန်ထမ်းနှင့် စားသုံးသူဧည့်သည်များအား အပူလောင်ခြင်းအန္တရာယ်များ ဖြစ်စေနိုင်ပါသည်။

(၄)    မတော်တဆ မီးလောင်ခြင်း အန္တရာယ်မှ ကာကွယ်ခြင်း (PREVENTING FIRE/FIRE SAFETY)

(က)    မီးလောင်ခြင်းအန္တရာယ်မှ ကာကွယ်ခြင်းနှင့် ငြှိမ်းသတ်ခြင်းများ ပြုလုပ်နိုင်စေရန် မီးသတ်ဆေးဘူးများ၊ မီးသတ်ဆောင်များ၊ မီးသတ်ကိရိယာများထားရှိသည့် နေရာများအား သေချာစွာ သိရှိထားရပါမည်။

(ခ)     မီးသတ်ဆေးဘူးများအား မည်သည့်မီးအမျိုးအစားအား ငြှိမ်းသတ်သည့် ဆေးဘူးဖြစ်ကြောင်း သေချာစွာသိရှိထားရန်လည်း အထူးလိုအပ်ပါသည်။ မှန်ကန်သော မီးသတ်ဆေးဘူးနှင့် ငြှိမ်းသတ် ရမည့် မီးအမျိုးအစား မှန်ကန်ရန် အလွန်အရေးကြီးပါသည်။ မှားယွင်းစွာ အသုံးပြုမိပါက မီးကို ပိုမိုအားကောင်းစေခြင်း၊ မီးများကို ပျံ့နှံ့စေခြင်းအန္တရာယ်များဖြစ်စေပါသည်။

(ဂ)     မီးသတ်ဆေးဘူးများတွင် မည်သည့်မီးအမျိုးအစားအား ငြှိမ်းသတ်နိုင်သည်ဖြစ်ကြောင်းကို မြင်သာ ထင်ရှားစွာ ရေးသားဖော်ပြထားရပါမည်၊ မီးအမျိုးအစားအလိုက် အခြေခံအားဖြင့် (၃) မျိုး ခွဲခြားထားပါသည်။

          (၁)     ပထမ မီးအမျိုးအစား (Class – A Fire) သစ်သားများ၊ စာရွက်စားတမ်းများ၊ အဝတ်အထည်များနှင့် အခြားသော သာမန်အားဖြင့် မီးဆွဲလောင်နိုင်သော အရာဝတ္ထုများကြောင့် လောင်ကျွမ်းသော ပထမ မီးအမျိုးအစားဖြစ်ပါသည်။

          (၂)     ဒုတိယ မီးအမျိုးအစား (Class – B Fire) အရည်မျိုးစုံ၊ အဆီမျိုးစုံ၊ လောင်စာဆီမျိုးစုံ၊ အဆီခဲမျိုးစုံ၊ အရည်ပျော်နိုင်သော အစိုင်အခဲမျိုးစုံကြောင့် လောင်ကျွမ်းသော ဒုတိယမီး အမျိုးအစားဖြစ်ပါသည်။

          (၃)     တတိယမီးအမျိုးအစား (Class – C Fire) လျှပ်စစ်သုံး ကိရိယာများ၊ မီးခလုပ်များ၊ မီးကြိုးများနှင့် လျှပ်စစ်ဓာတ်အားကြောင့် လောင်ကျွမ်းသော တတိယမီးအမျိုးအစားများ ဖြစ်ပါသည်။

(ဃ)    ဆီနှင့် လျှပ်စစ်ကြောင့် လောင်ကျွမ်းသော ဒုတိယမီးအမျိုးအစားနှင့် တတိယမီးအမျိုးအစားများဖြင့် လောင်ကျွမ်းပါက ရေနှင့် ပထမ မီးအမျိုးအစား (Class – A Fires) မီးသတ်ဆေးဘူးဖြင့် လုံးဝ (လုံးဝ) မငြှိမ်းသတ်ရပါ။ အကယ်၍ ရေဖြင့်ငြှိမ်းသတ်မိပါက မီးများကို ပျံ့နှံ့စေပြီး မီးလောင်ကျွမ်းမှုကို ပိုမိုအားကောင်းစေနိုင်ပါသည်။

(င)     မီးဖိုပေါ်တွင် ရုတ်တရက်လောင်ကျွမ်းသောမီးများကို ဆား (သို့ ) ဟင်းချက်ဆိုဒါ / စားဆိုဒါ (Salt & Baking Soda) များများဖြင့် ပတ်ဖုံးပြီး မီးငြှိမ်းသတ်နိုင်ပါသည်။

(စ)     စားဖိုဆောင်အတွင်းရှိ မီးခိုးခေါင်တိုင်များ၊ ပေါင်းမိုးများနှင့် အခြားသော မီးဖိုဆောင်သုံး ကိရိယာများအား ဆီနှင့် အဆီမျိုးစုံ ကပ်ညိခြင်း မရှိစေရန် အထူးဂရုပြု သန့်ရှင်းထားရပါမည်။ အကယ်၍ မီးခိုးခေါင်းတိုင်များနှင့် မီးဖိုအတွင်းရှိ ကိရိယာများတွင် ဆီနှင့် အဆီမျိုးစုံ ကပ်ညိနေပါက အလွယ်တကူ မီးလောင်ခြင်း အန္တရာယ်များ ဖြစ်ပေါ်စေနိုင်ပါသည်။

(ဆ)    မီးဖိုပေါ်တွင် ဆီပူများအား သတိလက်လွတ် မီးဖွင့်အပူပေးထားခြင်းများ လုံးဝမပြုလုပ်သင့်ပါ။ ဆီနှင့် အဆီမျိုးစုံတို့သည် လိုအပ်သည်ထက် အပူပေးခြင်းပြုပါက မီးလောင်ခြင်းကို ပြင်းထန်စွာ ဖြစ်ပေါ်စေနိုင်ပါသည်။

(ဇ)     မီးဖိုဆောင်အတွင်း လုံးဝ (လုံးဝ) ဆေးလိပ်မသောက်ရပါ။ သတ်မှတ်ထားသည့် မီးဖိုဆောင်၏ အပြင်ဘက် မီးအန္တရာယ်ကင်းရှင်းသော နေရာများတွင်သာ ဆေးလိပ်သောက်ခြင်းပြုရပါမည်။ မီးစွဲလောင်နေသော ဆေးလိပ် (သို့) ဆေးလိပ်တိုများကို သတိမဲ့စွာ မစွန့်ပစ်၊ မချန်ထားရပါ။ ဆေးလိပ်မီးသည် မီးလောင်ခြင်းကို မကြာခဏ ပေါ့ဆမီးအဖြစ် လောင်ကျွမ်းခြင်းများ ဖြစ်စေပါ သည်။

(ဈ)     မီးလောင်ခြင်း အချက်ပြခေါင်းလောင်းသံကြားရပါက အချိန်ရခဲ့မည်ဆိုလျှင် မီးဖိုဆောင်အတွင်းရှိ ဓာတ်ငွေ့သုံးကိရိယာများ၊ လျှပ်စစ်သုံးကိရိယာများအား မီးပိတ်ခြင်း၊ ဓာတ်ငွေ့အိုးပိတ်ခြင်းများ လုပ်ဆောင်ပြီးမှ မီးဖိုဆောင်မှ ထွတ်ခွာသင့်ပါသည်။

(ည)    မီးလောင်ခြင်းဖြစ်ပေါ်သည့်အချိန်ဖြစ်စေ၊ မီးလောင်ခြင်းကို ကာကွယ်ရန်အတွက်ဖြစ်စေ မီးခံတံခါး များကို အမြဲသတိပြု ပိတ်ထားရပါမည်။ အရေးပေါ်ထွက်ပေါက်များနှင့် လှေကားများအား မည်သည့်အရာဝတ္ထုများက ပိတ်ဆို့နေခြင်း၊ သွားလာရန် ခက်ခဲကြန့်ကြာနေခြင်းများမရှိစေရန် အထူးသတိပြုဆောင်ရွက် ထားသင့်ပါသည်။

                   အထက်တွင်ဖော်ပြခဲ့သော လုပ်ငန်းခွင်လက်တွေ့အသုံးချပညာရပ်များဖြစ်သည့် အချက် (၃) မတော်တဆ အပူလောင်ခြင်းမှ ကာကွယ်ခြင်းနဲ့ အချက် (၄) မတော်တဆ မီးလောင်ခြင်းအန္တရာယ်မှ ကာကွယ်ခြင်းများနှင့်ပတ်သက်သော အချက်အလက်များကို တင်ပြခဲ့ခြင်းဖြစ်ပါတယ်။ လာမယ့်လတွေမှာ လည်း “Myanmar Chefs Developments Centre’’ မှ လုပ်ငန်းခွင်သုံး အသိပညာ၊ အတတ် ပညာများနှင့် ပတ်သက်၍ တင်ပြနေကြဖြစ်သော ‘‘Chef Education Page’’ မှာ ဝင်ရောက် ဖတ်ရှု လေ့လာနိုင်ပါတယ်။ ‘‘Be a Chef by yourself’’ Welcome to MCDC, Yangon ‘‘See you next month’’.

Chef Sunny

Secretary General

Myanmar Chefs Development Centre, Yangon.

Facebook Comments