ဆရာဦးချစ်လွင်နှင့် အင်တာဗျူး

          Maritime And Hospitality Academy (MAHA) သင်တန်းကျောင်းသို့ ကျွန်မ အလည်တခေါက်ရောက်ခဲ့ပါတယ်။ MAHA သင်တန်းကျောင်းရဲ့ Principal ဆရာဦးချစ်လွင်နှင့် တွေ့ဆုံပြီး အင်တာဗျူးလုပ်ခဲ့ပါတယ်။ ဆရာဦးချစ်လွင်ရဲ့ ဖြေကြားချက်တွေကို သိရှိဖို့ Food Magazine မှ ဝေငှလိုက်ပါသည်။

မေး။    MAHA သင်တန်းကျောင်းကို ဘယ်အချိန်လောက်ကစပြီး ဖွင့်ခဲ့တာလဲဆရာ။

ဖြေ။     ၂၀ဝ၆ ခုနှစ်လောက်ကစပြီး ဖွင့်ခဲ့တာပါ။

မေး။    သင်တန်းကျောင်းမှာ ဘယ်သင်တန်းတွေကို ဖွင့်နေပါလဲဆရာ။

ဖြေ။     လက်တလောဖွင့်နေတဲ့ သင်တန်းတွေကတော့ အာရှအစားအစာချက်ပြုတ်နည်း သင်တန်းရယ်၊ တရုတ်နှင့် ထိုင်းအစားအစာချက်ပြုတ်နည်း အထူးသင်တန်းရယ်၊ မုန့်မျိုးစုံပြုလုပ်နည်းသင်တန်းရယ်၊ ကိတ်မုန့်အထူးသင်တန်းရယ်၊ ကော်ဖီနှင့် ဖျော်ရည်စုံ သင်တန်းရယ် စုစုပေါင်းသင်တန်း (၅) မျိုး ဖွင့်ထားပါတယ်။

မေး။    ဒီသင်တန်းအပြင်နောက်ဖွင့်မည့် သင်တန်းတွေကော ရှိသေးလား ဆရာ။

ဖြေ။     ရှိပါတယ်။ Maritime And Hospitality လုပ်ငန်းနဲ့ ပတ်သက်တဲ့ အသက်မွေးဝမ်းကျောင်း ပညာရပ်ဆိုင်ရာသင်တန်းတွေ ဆက်ဖွင့်ဖို့ရှိပါတယ်။

မေး။    ဘယ်လိုသင်တန်းမျိုးတွေလဲ ဆရာ သိပါရစေ။

ဖြေ။     သင်တန်းတွေအနေနဲ့ကတော့ ရေယာဉ်စားဖိုမှူး (Ship’s Cook) သင်တန်းရယ်၊ ရေယာဉ်အစားအသောက်နှင့် အိပ်ခန်းဆောင် ဝန်ဆောင်မှု (General Steward) သင်တန်းရယ်၊ Crowd Management Course လို့ ခေါ်တဲ့ လူစုလူဝေးအန္တရယ် ဘေးကင်းလုံခြုံရေး စီမံခန့်ခွဲမှု သင်တန်းရယ်၊ မြန်မာအစားအစာချက်ပြုတ်နည်း အထူးသင်တန်းရယ်၊ ဥရောပအစားအစာ ချက်ပြုတ်နည်းသင်တန်းရယ်၊ ရေခဲမုန့်နှင့် ဖျော်ရည်စုံသင်တန်းရယ်၊ အဖျော်ယမကာဖျော်စပ်နည်း အထူးသင်တန်းရယ် စုစုပေါင်းသင်တန်း (၇) မျိုး ထပ်ဖွင့်ဖို့ စီစဉ်ထားပါတယ်။

မေး။    MAHA သင်တန်းကျောင်းကသင်တန်းတွေ တက်ပြီးရင် ဘယ်လိုအလုပ်အကိုင် အခွင့်အလမ်းတွေရဖို့ ရှိပါလဲ ဆရာ။

ဖြေ။     သင်တန်းအမျိုးအစားတွေပေါ် မူတည်ပြီး သူနေရာနှင့်သူ အလုပ်အကိုင်အခွင့်အလမ်း တွေက ရှိပါတယ်။ ဥပမာပြောရရင် ရေယာဉ်စားဖိုမှူး (Ship’s Cook) သင်တန်းတွေ၊ ရေယာဉ်အစားအသောက်နှင့် အိပ်ခန်းဆောင်ဝန်ဆောင်မှု (General Steward) သင်တန်းတွေ တက်ရောက်ပြီးရင် နိုင်ငံတကာသွား ကုန်တင်သင်္ဘောတွေမှာဖြစ်ဖြစ်၊ အပျော်စီးခရီးသွား ကမ္ဘာလှည့်ရေယာဉ်တွေပေါ်တွေမှာဖြစ်စေ၊ ကမ်းလွန် ပင်လယ် ရေနံတူးဖော်ရေး လုပ်ငန်းရေနံစင်များပေါ်တွင်ဖြစ်စေ အလုပ်အကိုင် အခွင့်လမ်းများ ရရှိနိုင်ပါတယ်။ ထိုနည်းတူ အာရှအစားအစာချက်ပြုတ်နည်း သင်တန်းတွေ၊ တရုတ်နှင့် ထိုင်းအစားအစာအချက်ပြုတ်နည်း သင်တန်းတွေ၊ ဥရောပအစားအစာ အထူးချက်ပြုတ်နည်းသင်တန်းတွေ၊ ကိတ်မုန့်အထူးသင်တန်းတွေ၊ ကော်ဖီနှင့် ဖျော်ရည်စုံသင်တန်းတွေ တက်ရောက်ပြီးတဲ့ သင်တန်းသားတွေဟာ ပြည်တွင်းပြည်ပဟိုတယ်တွေမှာ၊ စားသောက်ဆိုင်တွေမှာ၊ အစားအစာဝန်ဆောင်မှု လုပ်ငန်းတွေမှာ အလုပ်ကိုင်အခွင့်လမ်းများ ရရှိနိုင်ပါတယ်။ ပြည်တွင်း၊ ပြည်ပ ဟိုတယ်နဲ့ အစားအသောက်လုပ်ငန်း ရင်းနှီးမြှပ်နှံမှုများလည်း ပိုမိုရှိလာတဲ့အတွက် မိမိအနေနဲ့ ဝါသနာပါရာ အသက်မွေးဝမ်းကျောင်းပညာတစ်ခုခုကို ပိုင်ပိုင်နိုင်နိုင် ကျွမ်းကျင်မှုရှိအောင် လေ့လာသင်ယူဖို့ လိုတာပေါ့။ ဘာသာစကားကျွမ်းကျင်မှုနဲ့ လုပ်ငန်းကျွမ်းကျင်မှုရှိအောင် ကြိုးစားရပါမယ်။

မေး။    ဆရာတို့် သင်တန်းကျောင်းကဖွင့်နေတဲ့  သင်တန်းတွေပေါ့လေ။ ဥပမာချုံပြောရလျှင် Ship’s Catering Course တွေ၊ Culinary Arts Course တွေ၊ Bakery and Pastry Arts Course တွေ၊ Beverage Course တွေ တက်ရောက်ပြီး သူအမျိုးသမီးသင်တန်းသားများအနေနဲ့ကော ဟိုတယ်ပုံစံတည်ဆောက်ထားသော ကမ္ဘာလှည့် အပျော်စီး ခရီးသွားရေယာဉ်တွေပေါ်မှာ အလုပ်ကိုင်ရဖို့ အခွင့်အလမ်းရှိပါသလားဆရာ။

ဖြေ။     မကြာခင်မှာရှိလာနိုင်ပါတယ်။ မြန်မာနိုင်ငံသားအမျိုးသမီးတွေ ကမ္ဘာလှည့် အပျော်စီး ခရီးသွားရေယာဉ်တွေပေါ်မှာ တရားဝင်လုပ်ကိုင်နိုင်ဖို့၊ အလုပ်အကိုင် အခွင့်လမ်းများ ရရှိနိုင်ဖို့ အစိုးရကိုယ်စားပြုဌာနအဖွဲ့အစည်းတွေ အလုပ်ရှင်ကိုယ်စားပြု အဖွဲ့အစည်းတွေ သင်္ဘောသားအလုပ်သမား ကိုယ်စားပြုအဖွဲ့အစည်းတွေ သုံးပွင့်ဆိုင် ညှိနှိုင်းနေပြီ ဖြစ်ပါတယ်။

မေး။    သင်တန်းပြီးဆုံးသူများကို Certificate ထုတ်ပေးပါလား ဆရာ။

ဖြေ။     သင်တန်းပြီးဆုံးအောင်တက်ရောက်ပြီး နှုတ်ဖြေ၊ ရေးဖြေ၊ လက်တွေ့စာမေးပွဲများ ပြုလုပ်ပြီးသူများကို သက်ဆိုင်ရာဘာသာရပ်အလိုက် သင်တန်းဆင်းလက်မှတ်များ ထုတ်ပေးပါတယ်။

မေး။    ဆရာတို့ MAHA သင်တန်းကျောင်းအနေနဲ့ ဆောင်ရွက်ပေးတဲ့ အခြားဝန်ဆောင်မှု လုပ်ငန်းတွေရှိရင်လည်း ပြောပြပေးပါဦး ဆရာ။

ဖြေ။     Hospitality Industry လုပ်ငန်းနဲ့ ပတ်သက်တဲ့ အကြံပေးဝန်ဆောင်မှု လုပ်ငန်းတွေကိုလည်း ဆောင်ရွက်ပေးပါတယ်။ လက်တလော လုပ်ငန်းအမျိုးအစားတွေအနေနှင့် ပြောရရင်တော့ စားဖိုဆောင်ဖွဲ့စည်းမှု၊ စားသောက်ခန်းဖွဲ့စည်းမှုနဲ့ လိုအပ်သော အထောက်အကူ ပစ္စည်းများဝယ်ယူဖြည့်တင်းမှုများ အပါအဝင် ဟိုတယ်ဝန်ထမ်းရေးရာ လူ့စွမ်းအားအရင်းအမြစ်ဆိုင်ရာ ကိစ္စရပ်များနှင့် ပတ်သတ်ပြီး အကြံပေးလုပ်ငန်းများကို ဆောင်ရွက်ပေးပါသည်။

မေး။    နောက်ဆုံးအနေနှင့် မေးပါရစေဆရာ။ သင်တန်းဆင်း ကျောင်းသူကျောင်းသားတွေကို သက်ဆိုင်ရာအလုပ်ကိုင်ရရှိရေးအတွက် ဆောင်ရွက်ပေးပါသလား။

ဖြေ။     ဆောင်ရွက်ပေးပါတယ်။ သင်တန်းသူသင်တန်းသားတွေကို အလုပ်အကိုင် ရရှိရေးအတွက် ဟိုတယ်၊ စားသောက်ဆိုင်များနှင့် ချိတ်ဆက်ပြီး အလုပ်ကိုင်ရရှိရေးအတွက် ဝန်ဆောင်စရိတ်လုံးဝမယူဘဲ အခမဲ့ ကူညီဆောင်ရွက်ပေးနေပါတယ်။ကိုယ်ပိုင် လုပ်ငန်းတည်ထောင်ဆောင်ရွက်လိုသူများအတွက်လည်း လိုအပ်တဲ့ အကြံဥာဏ်နဲ့ အကူညီများပေးပါတယ်။

အခုလိုမေးသမျှကို စိတ်ရှည်လက်ရှည် ဖြေကြားပေးတဲ့အတွက် ကျေးဇူးတင်ပါတယ် ဆရာ။

ကျွန်တော်ကလည်း Food Magazine မိသားစုကို ကျေးဇူးတင်ပါတယ်။

Facebook Comments