စားသောက်ဖွယ်စာရင်းများ ပြင်ဆင်ရာမှာ စားဖိုမှူးများ သတိပြုဆောင်ရွက်ရမယ့် အချက်အလက်များ

by Chef Sunny for Food Magazine

          မြန်မာစားဖိုမှူးများအတွက် လုပ်ငန်းခွင် လက်တွေ့အသုံးချပညာရပ်များကို “Myanmar Chefs Development Centre” ရဲ့  “Chef Education Page” မှာ လစဉ်ဖော်ပြပေးနေပါတယ်။ ပြီးခဲ့တဲ့လမှာ စားဖိုမှူးများရဲ့ အထူးအရေးပါပြီး အလွန်အသုံးဝင်တဲ့ မိတ်ဆွေလည်းဖြစ်သလို ပေါ့ဆစွာ ကိုင်တွယ်အသုံးပြုမိပါက အန္တရာယ် အလွန်ကြီးသော  ရန်သူတစ်ပါးဖြစ်တဲ့ မီးနှင့်ပတ်သက်သည်များကို  စားဖိုဆောင်နှင့် ဟိုတယ်၊ စားသောက်ဆိုင်များအတွက် အခြေခံလိုအပ်သည်များကို ကြိုးစားဖော်ပြပေးခဲ့ပြီး မီးဘေးလုံခြုံရေးနှင့် မီးငြှိမ်းသတ်ခြင်းဆိုင်ရာများကိုလည်း စားဖိုဆောင်ဝန်ထမ်းများဖြစ်ကြတဲ့ စားဖိုမှူးများအနေဖြင့် ကြိုတင်လေ့လာသိရှိထားနိုင်ဖို့ ဖော်ပြပေးခဲ့ပါတယ်။ ဒီလ မှာတော့ စားဖိုမှူးများအတွက် အထူးအရေးကြီးပြီး သေချာစွာ သိရှိထားရမယ့် “စားသောက်ဖွယ်စာရင်း ပြင်ဆင်ခြင်း” (Menu Planning) နှင့် သက်ဆိုင်သော အသိပညာများကို ဖော်ပြပေးသွားမှာ ဖြစ်ပါတယ်။ ဟိုတယ်နှင့် စားသောက်ဆိုင်များမှာ “စားသောက်ဖွယ်စာရင်း” (Menu) ဟာ  မရှိမဖြစ် လိုအပ်ပါတယ်။ စားသောက်ဖွယ်မျိုးစုံကို စနစ်တကျ အစီအစဉ် ကျနစွာ ဖော်ပြပေးဖို့ လိုအပ်သလို အစားအစာများရဲ့ ပါဝင်ပစ္စည်းများနှင့် ကျသင့်ငွေ ဈေးနှုန်းများကိုပါ ဖော်ပြပေးဖို့လည်း လိုအပ်ပါတယ်။ စားသောက်ဖွယ်စာရင်း (Menu) များကို ပြင်ဆင်ရာမှာ စားဖိုမှူးများ အထူးသတိပြု ဆောင်ရွက်ရမယ့် အချက်အလက်များကို အောက်မှာ ဖော်ပြပေးလိုက်ပါတယ်။

          စားသောက်ဖွယ်စာရင်း (Menu) ကို ပြင်ဆင်ရာမှာ အခြေခံအားဖြင့် အချက်(၃)ချက်ကို ကွဲပြားစွာ ထည့်သွင်းစဉ်းစားဖို့ လိုအပ်ပါတယ်။ အဲဒီအချက်တွေကတော့-

(၁)     စားသောက်ဖွယ်စာရင်း အမျိုးအစား ခွဲခြားရန်။ (Describe the Different Types of Menu)

(၂)     စားသောက်ဖွယ်စာရင်းကို ဖော်ပြပုံ အစီအစဉ်။ (Menu Sequence)

(၃)     ပြီးပြည့်စုံသော စားသောက်ဖွယ်စာရင်းအခြေခံအချက်များ (Compile a Basic Menu) တို့ဖြစ်ပြီး အောက်မှာ အသေးစိတ် ဆက်လက်ဖော်ပြပေးလိုက်ပါတယ်။

(၁)    စားသောက်ဖွယ်စာရင်း အမျိုးအစားခွဲခြားရန် (Describe the Different Types of Menu) 

          စားသောက်ဖွယ်စာရင်းဆိုသည်မှာ ရရှိနိုင်သော အစားအစာများ၏ ပါဝင်ပစ္စည်း များနှင့် ရောင်းချသည့်ဈေးနှုန်းများကိုပါ တစ်ပါတည်း ဖော်ပြပေးထားသော စာရင်းကို ဆိုလိုခြင်းဖြစ်ပြီး ဖော်ပြပုံမှာလည်း အစီအစဉ်ကျနသေသပ်ရမည်ဖြစ်ကာ စားသုံးသူများ (ဃကျအသာနမျ) ကို ရှင်းလင်းစွာဖော်ပြပေးရန်နှင့် စားချင်စဖွယ် စိတ်ဝင်စားဖွယ်ဖြစ်အောင် ဖန်တီးဖော်ပြထားသော စာရင်းဖြစ်ရပါမည်။ မတူကွဲပြားသော စားသောက်ဖွယ်စာရင်း ပုံစံများမှာ အခြေခံအားဖြင့် အောက်ပါအတိုင်း ခွဲခြားပြင်ဆင်ထားရပါမည်။

(က)    ဧည့်ခံပွဲများ၊ အထူးပွဲများနှင့် ပါတီပွဲမျိုးစုံသုံး စားသောက်ဖွယ်စာရင်း။ (Banquets, Special Occasion & All Kinds of Parties Menu)

(ခ)     တစ်ဦးချင်း (သို့) တစ်ဝိုင်းချင်းအတွက် စားသောက်ဖွယ်စာရင်းအတွဲ။ (Table d’ hote Menu/Set Menu)

(ဂ)     ဟင်းလျာတစ်ပွဲချင်းအား စားသုံးသူအကြိုက် ရွေးချယ်မှာယူနိုင်သော စားသောက် ဖွယ်စာရင်း။ (A – La’ – Carte’ Menu)

(ဃ)    အဝစားပုံစံ စားသောက်ဖွယ်စာရင်း။ (Buffet Menu) တို့ ဖြစ်ပါတယ်။ ဒါ့အပြင် အခြား ထည့်သွင်းစဉ်းစားရမည့် အချက်များလည်း ရှိပါတယ်။ အဲဒါတွေကတော့-

– “တစ်နှစ်ပတ်လုံးရှိ ရာသီဥတုနှင့် ရာသီအလိုက် ရရှိနိုင်သော ဟင်းသီးဟင်းရွက်နှင့် သစ်သီးဝလံများ” ကို စားသောက်ဖွယ်စာရင်း ပြင်ဆင်ချိန်တွင် ထည့်သွင်းစဉ်းစားရပါမည်။

– အချို့သောအစားအစာများသည်  ပူသည့်ရာသီဥတု၌ မလိုက်ဖက်သကဲ့သို့ အချို့သော အစားအစာများသည် အေးသောရာသီဥတု၊ မျှတသော  ရာသီဥတုတို့နှင့် လိုက်ဖက်မှုမရှိသည်များ ရှိတတ်ပါသည်။

– များသောအားဖြင့် တစ်နှစ်ပတ်လုံး ရရှိနိုင်သည်များ ရှိတတ်ပါသည်။ ဥပမာအားဖြင့် စတော်ဘယ်ရီသီးသည် တစ်နှစ် ပတ်လုံးနီးပါး ရရှိနိုင်ပြီး အရည်အသွေးနှင့် ဈေးနှုန်းသည်လည်း များသောအားဖြင့် သင့်တင့်မျှတသော ဈေးနှုန်းဖြစ်ခြင်းကြောင့် စားသောက်ဖွယ်စာရင်းတွင် ထည့်သွင်းထားနိုင်ပါသည်။

– အချို့သောအစားအစာများသည် သတ်မှတ်ချက်ရှိသောနေ့များနှင့် ရာသီစာများအဖြစ် ရှိနေတတ်ပါသည်။ ဥပမာ – ခရစ္စမတ်ပွဲရာသီ (Christmas Season)  တွင်  ကြက်ဆင်သား  (Turkey)  နှင့် ပတ်သက်သော ဟင်းလျာများအား စားသောက်ဖွယ်စာရင်းတွင်လည်းကောင်း၊ ချစ်သူများနေ့ (Valentine Day) တွင် ချောကလက် (Chocolate) နှင့် ပတ်သက်သော အစားအစာများအား စားသောက်ဖွယ်စာရင်းတွင်လည်းကောင်း ထည့်သွင်းပေးထားရန် လိုအပ်ပါသည်။

– စားဖိုဆောင်ဝန်ထမ်းများ၊ စားဖိုမှူးများ၏စွမ်းရည်နှင့် စွမ်းအားကိုလည်း စားသောက်ဖွယ်စာရင်း ပြင်ဆင်ရာတွင် ထည့်သွင်းစဉ်းစားရပါမည်။

– စားဖိုဆောင်သုံးပစ္စည်းကိရိယာများ ပြည့်စုံကောင်းမွန်ခြင်းနှင့် အရည်အသွေးကောင်းမွန်ခြင်းသည်လည်း စားသောက်ဖွယ်စာရင်း ပြင်ဆင်ရာတွင် ထည့်သွင်းစဉ်းစားရပါမည်။

– တည်ခင်းဧည့်ခံမှုအပိုင်း၊ ဝန်ဆောင်မှုပေးသော ဧည့်ခန်းမဆောင်၊ ဝန်ထမ်း များ၏ လိုအပ်သော အသုံးအဆောင်ပစ္စည်းများ ကောင်းမွန်ပြည့်စုံခြင်းနှင့် ဝန်ထမ်းများ၏ စွမ်းရည်၊ စွမ်းအားများကိုလည်း စားသောက်ဖွယ်စာရင်း ပြင်ဆင်ရာတွင် ထည့်သွင်းစဉ်းစားရပါမည်။

– စားသောက်ဖွယ်စာရင်းတွင် ဖော်ပြထားသော ဈေးနှုန်းများနှင့် မိမိရည်ရွယ် ပြင်ဆင်ပေးထားသော ဧည့်သည်အမျိုးအစား၊ အဆင့်သတ်မှတ်ခြင်း၊ စားသောက်မှုပုံစံများနှင့် ကုန်ပစ္စည်းများ ဝယ်ယူရရှိနိုင်မှု အခြေအနေများကိုလည်း စားသောက်ဖွယ်စာရင်း ပြင်ဆင်ရာတွင် ထည့်သွင်းစဉ်းစားရပါမည်။

– ဟန်ချက်ညီသော စားသောက်ဖွယ်စာရင်း ပြင်ဆင်နိုင်ရန်အတွက် မျှတသော အချက်များစွာ လိုအပ်ပါသည်။ ဥပမာ – ပါဝင်ပစ္စည်းများ ထပ်ခါတလဲလဲ ထပ်မံအသုံးပြုပြင်ဆင်ခြင်း၊ စားသောက်ဖွယ်ဟင်းလျာများ၏ အရောင်များအား ထပ်ခါတလဲလဲ အသုံးပြုပြင်ဆင်ခြင်း၊ စားသောက်ဖွယ်များ၏ အမည်များနှင့် စကားလုံးများအား ထပ်ခါတလဲလဲ ထည့်သွင်း အသုံးပြုပြင်ဆင်ခြင်းများကို ရှောင်ကြဉ်သင့်ပါသည်။

– စားသောက်ဖွယ်စာရင်းပုံစံသည် တစ်ဦးချင်းအတွက်သော်လည်းကောင်း၊ တစ်ဝိုင်းချင်းအတွက်သော်လည်းကောင်း  အတွဲလိုက် ပြင်ဆင်တည်ခင်းပေးသော “Table d’ hote Menu/Set Menu Course by Course Service’’ ပုံစံဖြစ်ပါက အနံ့၊ အရသာများကို ပေါ့ပါးပြီး အစာကြေလွယ်စေနိုင်မည့် ဟင်းလျာအတွဲများဖြစ်စေရန် အထူးဂရုပြု စီမံပေးရန် လိုအပ်ပါသည်။ အနံ့၊ အရသာ ပြင်းထန်စူးရှပြီး လေးပင်သော အစားအစာများကို အနည်းဆုံးနှင့် အတတ်နိုင်ဆုံး ဖယ်ရှားပြင်ဆင်ရန်လည်း လိုအပ်သကဲ့သို့ စားသောက် ရာတွင်လည်း အနည်းငယ်ဝါးစားရန်၊ြွကပ်ြွကပ်ဝါးနိုင်ရန်၊ ကိုက်ဖဲ့စားနိုင်ရန်နှင့် အရည်အနှစ်များအား ဝါးမျိုသောက်သုံးနိုင်စေပြီး စိတ်ကျေနပ် နှစ်သက်မှု ရစေရန်လည်း ထည့်သွင်းစဉ်းစားပေးရပါမည်။

– “Set Menu”ဟင်းလျာအတွဲလိုက် တည်ခင်းခြင်းပုံစံဖြင့် တည်ခင်းလျှင် အနံ့၊ အရသာပြင်းသော ပင်စိမ်း၊ နံနံပင်၊ ရို့မယ်ရီ၊ အော်ရီဂါနို၊ ဇီယာ၊ ချင်း၊ ကြက်သွန်ဖြူ စသောဟင်းခတ်အမွှေးအကြိုင်များကိုလည်း ဟင်းလျာ တစ်မျိုးထက် ပို၍မသုံးမိစေရန် အထူးသတိပြုသင့်ပါသည်။

– စားသောက်ဖွယ်စာရင်းရှိ အစားအစာများတွင် ရိုးရာအစားအစာနှင့် အမည်များပါရှိပါက အလှဆင်တည်ခင်းရာတွင် (Garnishing) ထပ်ခါတလဲလဲ အသုံးမပြုရန်နှင့် မှန်ကန်စွာ အလှဆင်နိုင်ရန်လည်း အထူးသတိပြုရပါမည်။

– စားသောက်ဖွယ်စာရင်း၏  သိက္ခာနှင့် တန်ဖိုးရှိစေရန်အတွက် မှန်ကန်သော အရောင်အသွေးနှင့် အသုံးအနှုန်းများ ရှိစေရန်လည်း ထည့်သွင်းစဉ်းစားရပါမည်။

          စားသောက်ဖွယ်စာရင်း ပြင်ဆင်ရာမှာ ထည့်သွင်းစဉ်းစားရမယ့် အချက်များထဲမှ (၂) စားသောက်ဖွယ်စာရင်းကို ဖော်ပြပုံ အစီအစဉ်။ (Menu Sequence) နှင့် (၃) ပြီးပြည့်စုံသော စားသောက်ဖွယ်စာရင်း အခြေခံအချက်များ။  (Compile a Basic Menu) ကို လာမယ့်လမှာ ဖော်ပြပေးမယ့်  ‘‘Myanmar Chefs Development Centre’’ MCDC, Yangon ရဲ့ “Chef Education Page’’ မှာ ဆက်လက်ဖော်ပြပေးသွားမှာမို့ ဆက်လက် အားပေးလေ့လာနိုင်ပါတယ်။ ‘‘Welcome to MCDC, Yangon”, “Be a Chef by Yourself’’ See you next month.

 

Secretary General

Myanmar Chefs Development Centre, Yangon. (M.C.D.C, Ygn:)

Facebook Comments