Chicken Boxing (ကြက်လက်ဝှေ့အိတ်)

by Win Zaw @ Mario Win Zaw for Food Magazine

ဒီ Chicken Boxing ကိုတော့ ကလေးတွေ ပိုပြီးစားကြပါတယ်။ ပုံစံလေးက လက်ဝှေ့အိတ်ပုံစံလေးဖြစ်ပြီး စားလို့လည်း အလွန်ကောင်းပါတယ်။ လူကြီးပိုင်းတွေကတော့ ဘီယာနှင့်တွဲပြီး သုံးဆောင်တတ်ကြပါတယ်။

ပါဝင်ပစ္စည်းများ

ကြက်တောင်ပံ –  ၄ ချောင်း

ဆား၊ ငရုတ်ကောင်း –  အနည်းငယ်

ပေါင်မုန့်ခြောက်မှုန့် –  ၅၀ ဂရမ်

ကြက်ဥ –  ၁ လုံး

ဂျုံ –  ၃၀ ဂရမ်

ဝိုင်အဖြူ   –  ၂၀ ဂရမ်

ပြုလုပ်နည်း

၁။        ဦးစွာ ကြက်တောင်ပံများကို အလယ်ကဖြတ်ပါ။ ပြီးလျှင် အသားများကို လက်သီး ပုံစံလေးဖြစ်အောင် လှီးပြီး ဆွဲချပုံဖော်ပါ။ ပြီးလျှင် အရသာများ ထည့်နယ်၍ ပေါင်မုန့်ခြောက်မှုန့်ကပ်ပြီး ဆီပူထဲနှစ်၍ ကြော်ပါ။

၂။         ရွှေအိုရောင် အရောင်အဆင်းလေးရလာလျှင် ကျက်ပါပြီ။ ပြီးလျှင် ဆယ်ယူပြီး မိမိနှစ်သက်ရာ ဆော့စ်နှင့် တွဲစား၍ ရပါပြီ။

Facebook Comments

Menu