Vanila Crumb Cake Donut (ဗနီလာ ခရန့်ကိတ်ဒိုးနပ်)

by Dexter’s Bistro for Food Magazine

လိုအပ်သောပစ္စည်းများ

ဂျုံမှုန့်  –  ၁ ခွက်

သကြားဖြူရိုးရိုး  –  ၁/၂ ခွက်

ဘေကင်ပေါင်ဒါပွဆေး  –  လက်ဖက်ရည်ဇွန်း ၁ ဇွန်း

ထောပတ် (အခန်းအပူချိန်)  –  စားပွဲဇွန်း ၂ ဇွန်း

(မိုက်ခရိုဝေ့မှာ စက္ကန့်အနည်းငယ်အပူပေးပြီး အရည်ပျော်ပါစေ)

ကြက်ဥ (အလုံးကြီး)  –  ၁ လုံး (အခန်းအပူချိန်)

နွားနို့  –  ၁/၄ ခွက်

ဗနီလာအနံ့ရည်  –  လက်ဖက်ရည်ဇွန်း ၂ ဇွန်း

Crumb (ခရန့်)

လိုအပ်သောပစ္စည်းများ

ဂျုံမှုန့်  –  ၁/၄ ခွက်

သကြားဖြူရိုးရိုး  –  ၁/၄ ခွက်

ထောပတ်  –  စားပွဲဇွန်း ၂ ဇွန်း

(လုပ်ခါနီးမှ ရေခဲသေတ္တာမှထုတ်ပြီး အတုံးသေးသေးလှီးပါ)

ပြုလုပ်နည်း

၁။       အိုးကြီးတစ်အိုးမှာ ဂျုံမှုန့်၊ သကြားဖြူနှင့် ဘေကင်ပေါင်ဒါပွဆေးတို့ကို ရောနှောပြီး သမအောင် မွှေပါ။

၂။       နောက်အိုးသေးတစ်အိုးမှာ ကြက်ဥကို ခေါက်ထည့်ပြီး နည်းနည်းရိုက်ပါ။

၃။       နွားနို့နှင့် ထောပတ်ရည်ကို ရောထည့်ပြီး သမအောင် မွှေပါ။

၎။       ဗနီလာအနံ့ရည်ကို ရောထည့်ပြီး သမအောင် မွှေပါ။

၅။       ကြက်ဥနွားနို့ အရောအနှောကို ဂျုံမှုန့်အရောအနှောထဲ လောင်းထည့်ပြီး ဇွန်းကြီးတစ်ချောင်းနဲ့ သမအောင် မွှေပါ။

၆။       မုန့်နှစ်ရည်ကို အလုံပိတ်နိုင်တဲ့ Zip ပါတဲ့ ပလတ်စတစ်အိတ်ထဲ လောင်းထည့်ပါ။

၇။       ပလတ်စတစ်အိတ်ရဲ့ ထောင့်တစ်နေရာကို ကတ်ကြေးနဲ့ ညှပ်ထုတ်ပြီး မုန့်နှစ်ရည်ကို ထောပတ် (သို့) Cooking Spray သုတ်လိမ်းထားတဲ့ Donut Pan မှာ အညီအမျှ ညှစ်ထုတ်ပါ။

၈။       Crumb (ခရန့်) ပြုလုပ်ဖို့အတွက် အိုးတစ်အိုးမှာ ဂျုံမှုန့်နှင့် သကြားဖြူကို ရောထည့်ပြီး သမအောင် မွှေပါ။

၉။       ထောပတ်ကို ရေခဲသေတ္တာက ထုတ်ယူပြီး အတုံးသေးသေးလှီးဖြတ်ကာ ဂျုံ သကြား အရောအနှောထဲ ထည့်ပါ။

၁၀။     ဇွန်းတစ်ချောင်းနဲ့ ထောပတ်၊ ဂျုံသကြား သမရောနှောသွားအောင် ထောပတ်တုံးသေးသေးတွေကို ခြေပြီး ဂျုံသကြားနဲ့ ရောနှောပေးပါ။

၁၁။     Crumb လို မုန့်လုံးသေးသေးတွေရလာလျှင် မုန့်နှစ်ရည်တိုင်းရဲ့ အပေါ်မျက်နှာပြင်မှာ အညီအမျှ ဖြူးထည့်ပေးပါ။

၁၂။     အာဗင်ကို 350ံF (180ံC) ချိန်ပြီး ၁၀ မိနစ်ကြိုအပူပေးပြီးလျှင် မုန့်ဗန်းကို  ၁၂ မိနစ် ဖုတ်ပါ။

၁၃။     Donut Pan ကို အာဗင်က ထုတ်ယူပြီး ခဏအေးခံပြီးလျှင် အဆင်သင့်စားသုံးနိုင်ပါပြီ။

          (မှတ်ချက် – Donut ၆ ခု ရပါမယ်။)

www.facebook.com/Dexter Ng

Facebook Comments