Savory Wild

Savory Wild

            မော့တေးလ်အနေနဲ့ နောက်ဆုံးတစ်ခုကျန်တာကတော့ Savory Wild ပဲဖြစ်ပါတယ်။ လတ်ဆတ်တဲ့ သစ်သီးတွေနဲ့သာ ဖျော်စပ်ထားတာမို့ သစ်သီးကြိုက်နှစ်သက်တဲ့သူတွေအတွက်ကတော့ အကြိုက်တွေ့စေမှာပါ။ ပူလောင်ပြင်းရှတဲ့ နေ့လယ်နေ့ခင်း ရာသီဥတုအတွက်လည်း အထူးကောင်းမွန်ပြီး လုပ်ရတာလည်း လွယ်ကူတာမို့ အိမ်မှာနေရင်း အလွယ်တကူ ဖျော်သောက်လို့ရပါတယ်။

►   ပါဝင်ပစ္စည်းများ

♦   Apple ပန်းသီး   –   Half Portion

   (အစိတ်သေးသေးလေးတွေစိတ်ထားပြီး)

♦   Mint Leaves   –   2-3 Branches

♦   Peach juice   –   120 ml

♦   Lychee Juice   –   120 ml

♦   Peach syrup   –   10 ml

♦   Lime   –   3 wedges

♦   Soda   –   top up

►   ပြုလုပ်နည်း

            ပထမဦးစွာ မိမိနှစ်သက်ရာ ပန်းသီးတစ်လုံးကို ရေစင်စင်ဆေးပြီး တစ်ဝက်ခန့်ကို အစိတ်သေးသေးလေးတွေ စိတ်လိုက်ပါ ။ ပြီးလျှင် ဖော်ပြပါ ဖန်ခွက်ထဲသို့ထည့်ကာ Mint leaves, lime wedges တို့နှင့်ရောကာ ခြေမွတံနှင့် ကြေညက်အောင် ခြေမွပေးလိုက်ပါ။ အားလုံးအနည်းငယ် သမသွားပြီဆိုပါက ဖန်ခွက်ပြည့်ရုံ ရေခဲဖြည့်ကာ Lychee juice , Peach juice နှင့် Peach syrup အနည်းငယ်တို့ကို ဖော်ပြပါအချိုးအတိုင်း ရောစပ်ကာ ဇွန်းနှင့် အထက်အောက်မွှေပေးလိုက်ပါ။ အားလုံးသမသွားပြီဆိုပါက Soda ရေလေးအနည်းငယ်ကို အပေါ်ကလောင်းထည့်ပြီးလျှင် ပြီးပြည့်စုံသွားပါပြီနော်။ သူ့အရသာကတော့ အချိုလည်းအရမ်းမများဘဲနှင့် Lychee နှင့် Peach တို့ ရောထားလို့ မွှေးလည်းမွှေး၊ Mint leaves ပူစီနံပါဝင်တာကြောင့် အနည်းငယ်ပူရှိန်းသော အရသာနှင့်အတူ Mocktail သောက်ရင်း အသီးလေးတွေကိုပါ ခပ်စားလို့ အဆင်ပြေတာကြောင့် မော့တေးလ်နှစ်သက်သူတွေ ကြိုက်လိမ့်မယ်လို့ထင်ပါတယ်။ Lychee juice နှင့် Peach juice တို့အတွက်လည်း အထူးတလည် ခေါင်းစားနေစရာ မလိုပါဘူးနော်။ ဆိုင်တွေမှာ အလွယ်တကူဝယ်ယူလို့ရတဲ့ Juice ဘူး အသေးစားလေးတွေကိုသာ သုံးထားတာပါ။ လုပ်ရတာလွယ်ကူတဲ့အပြင် အများစာဆိုရင်လည်း လက်မဝင်တာမို့ အိမ်မှာ ဘာဘီကျူးလုပ်စားရင်ပဲဖြစ်ဖြစ် Hot Pot လုပ်စားရင်ပဲဖြစ်ဖြစ် လိုက်ဖက်တဲ့ Drinks လေးအနေနဲ့ တင်ဆက်လိုက်ပါတယ်နော်။ ကျေးဇူးတင်ပါတယ်။

♦   Pyone   ♦

Facebook Comments