Latte Art (သို့မဟုတ်) ကော်ဖီပန်းချီ (အပိုင်း_၁)

Coffee_1

———————————————————————————————————————

♥   (1)    Espresso ကော်ဖီကို စက်မှချခြင်း

♥   (2)    နွားနို့အေးကို အမြှုပ်ရိုက်ခြင်း (သို့) Milk Frothing

♥   (3)    နွားနို့အရည်ကို ဦးစွာ Espresso ထည့်ထားသော ခွက်ထဲသို့  အမြှုပ်မပါအောင် ဇွန်းဖြင့်ထိန်း၍ သွန်ချပါ။

♥   (4)    ထည့်ပြီးသားနွားနို့နှင့် Espresso ၏ အပေါ်ယံ Crema ဟုခေါ်သော ရွှေအိုရောင်အလွှာတို့ကို အရောင်ညီမျှအောင် ဇွန်းလေးဖြင့် အပေါ်ယံတွင် မွှေလိုက်ပါ။

♥   (5)    နွားနို့အမြှုပ်လေးများကို ဇွန်းဖြင့်ခပ်၍ တင်ပါ။

♥   (6)    Chocolate Sauce Dressing ကို လိုသလိုအသာချ၍ တင်လိုက်ပါ။

♥   (7)    Etching Stick စတီးချောင်းအချွန်လေးဖြင့် ပုံတွင်ပြသည့်အတိုင်း အဆင့်ဆင့်ဆွဲ၍ ပုံဖော်လိုက်ပါ။

———————————————————————————————————————

          ဒီလမှာတော့ စာဖတ်ပရိသတ်ကြီးကို ယနေ့ခေတ်စားနေတဲ့ Latte Art အကြောင်းနဲ့ မိတ်ဆက်ပေးပါမယ်။ Latte Art ဆိုတာကတော့ တစ်နည်းအားဖြင့် ကော်ဖီကို သောက်သုံးချင်စဖွယ် လှပအောင် ဖန်တီးခြင်း၊ ကော်ဖီပန်းချီ ရေဆွဲခြင်းပါပဲ။ Latte Art ကို ဖန်တီးတဲ့နေရာမှာ နည်းလမ်း (၂) မျိုးရှိပါတယ်။

(၁)     Etching လို့ခေါ်တဲ့ ပစ္စည်းကိရိယာအထောက်အကူ (Latte Art Etching Stick ထိပ်အချွန်ပါတဲ့ စတီးချောင်းကလေး) အသုံးပြုပြီး အလှဆင်ခြင်း။

(၂)     Free Pour လို့ခေါ်တဲ့ အခြားသော ပစ္စည်းကိရိယာ အကူဘာမှမသုံးဘဲ ကော်ဖီကို အမြှုပ်ရိုက်ထားပြီးသော Pitcher စတီးခွက်ထဲမှ လောင်းချပြီး အလွတ်တန်းပုံဖော်အလှဆင်ခြင်းတို့ဖြစ်ပါတယ်။

          ဒီလမှာတော့ စာဖတ်ပရိသတ်ကြီးကို နံပါတ် (၁) နည်းလမ်းဖြစ်တဲ့ Latte Art Etching ဘယ်လိုဖန်တီးတယ်ဆိုတာ လုပ်ပုံလုပ်နည်းပုံလေးများ နဲ့ ရှင်းပြသွားပါမယ်။ Latte Art ကောင်းတစ်ခွက် ဖန်တီးမယ်ဆိုရင် မဖြစ်မနေ လိုအပ်တာတွေက ရွှေအိုရောင်သမ်းတဲ့ Crema အလွှာပါရှိတဲ့ Espresso ကော်ဖီနဲ့ အရည်အသွေးကောင်း ညက်ညောအောင် ရိုက်ထားတဲ့ နွားနို့နဲ့ အမြှုပ် သေးသေးလေးများ Milk Froth တို့ဖြစ်ပါတယ်။ စာရေးသူအနေနဲ့ ဒီလမှာတော့ ထိုလိုအပ်တဲ့ ပါဝင်ပစ္စည်းနှစ်မျိုးအပြင် Chocolate Sauce Dressing ကိုပါ Etching Latte Art ကို ဖန်တီးသွားပါမယ်။

          ဒီ Latte Art ကို ဖန်တီးသွားမယ့်နေရာကတော့ Element Coffee Academy (ECA) & Training Center ကော်ဖီသင်တန်းကျောင်းမှာဖြစ် ပြီး အသုံးပြုမယ့် Chocolate Sauce ကတော့ U.S.A ထုတ် DaVinci Gourmet Chocolate Sauce ဖြစ်ပါတယ်။ ကော်ဖီစေ့ကတော့ လတ်ဆတ်စွာ လှော်ထားတဲ့ Fresh Roasted 100% Arabica ကော်ဖီဖြစ်ပြီး Element Coffee အမှတ်တံဆိပ်ဖြစ်ပါတယ်။

          Latte Art Etching သည် အနုပညာဆန်ဆန်ဖြင့် စိတ်ကူးရှိလျှင် ရှိသလို ပန်းချီဆွဲနိုင်ပြီး ကာတွန်းပုံ၊ လူမျက်နှာ၊ ပန်းပုံများ၊ ဒီဇိုင်း အမျိုးမျိုး၊ အဆောက်အအုံပုံများ အစရှိသဖြင့် Sauce များ အသုံးပြု၍ ဆွဲခြင်းအားဖြင့် အရသာပိုရှိစေသလို သောက်သုံးသူအား အမြင်အာရုံကို ဖမ်းစားနိုင်သောကြောင့် ပန်းချီပညာရပ်တစ်ခုလိုပဲ နက်နဲသော နည်းပညာတစ်ခုလည်း ဖြစ်ပါကြောင်း ပြောကြားရင်နဲ့ ဒီလဆောင်းပါးလေးကို အဆုံးသတ်လိုက်ပါတယ်။ နောက်လမှာတော့ ဒီလရဲ့ နောက်ဆက်တွဲအပိုင်း (၂) ဖြစ်တဲ့ Latte Art Free Pour အကြောင်း တင်ဆက်မှာဖြစ်ပြီး ပညာသားပါပါနဲ့ ဖန်တီးရမှာဖြစ်ပြီး စိတ်ဝင်စားစရာကောင်းတာမို့ စောင့်မျှော်ကြည့်ရှုအားပေးကြပါအုံး။ “Have a Great Coffee Day!” ပါ ပရိသတ်ကြီးရေ။

စာရေး/ဖန်တီးသူ   –   ကိုဇော်ဘုန်း

Barista Trainer, International Barista Competitions Judge, Latte Artist

ကော်ဖီသင်တန်းကျောင်းနေရာ   –     Element Coffee Academy (ECA) & Training Center, facebook.com/elementMyanmar

၁ဝ၇ (က) ဓမ္မစေတီလမ်း၊ ကမာရွတ်မြို့နယ်၊ ရန်ကုန်။ Ph : ဝ၁-၅၂၄၉၃၅ ။ ၅၁၁၁၁၈

Facebook Comments