GUMBO (AMERICAN SUOP)

FD-49

       ပြီးခဲ့တဲ့လထုတ်တဲ့ OKRA ဆိုတဲ့ Title က ဟင်းပွဲလေးမှာ မတင်ပြနိုင်ခဲ့ပေမယ့် ခုဒီ ‘The American’ ဟင်းခေါင်းစဉ်အောက်မှာ အမေရိကန်ဟင်းပွဲတစ်ပွဲအဖြစ် တင်ပြပေးလိုက်ပါတယ်။ ကျွန်တော်ရဲ့ ပထမ၊ ပထမဦးဆုံး အကြိုက်ဆုံးဖြစ်ခဲ့တဲ့ ဘယ်တော့မှ မမေ့နိုင်တဲ့ ဟင်းပွဲလေးတစ်ပွဲပါပဲ။ America ရောက်တုန်းက Bank Of Americ အမေရိကန်ဘဏ်မှာ အလုပ်လုပ်ခဲ့တုန်းက မြန်မာပြည်ကြီးက ထွက်ခွာခဲ့တာ ၂ နှစ်အကြာပေါ့။ မြန်မာပြည်ကိုလည်း လွမ်း၊ မြန်မာဟင်းတွေလည်း တမ်းတနဲ့ မထင်မှတ်ဘဲ အဲဒီလိုဟင်းမျိုးနဲ့ ဆင်တူရိုးမှား ဟင်းကို ကျွန်တော်လုပ်တူကိုင်ဖက် တောင်အာဖရိက လူမျိုးက ယူလာပြီး ကျွန်တော်ကို သူတို့နိုင်ငံရဲ့ ဟင်းလေးမို့ မြည်းခိုင်းပါတယ်။ အဲဒီနေ့ပဲ ဒီအချိန်ကစ အဲဒီဟင်းလေးကို အရမ်းကြိုက်ခဲ့တယ်။ ကျွန်တော့်လို မြန်မာခံတွင်းနဲ့တွေ့အောင် ချက်နိုင်တဲ့ဟင်းမို့ ဘယ်လို ချက်သလဲ မေးစမ်းကြည့်တဲ့အခါ အမေရိကားမှာ ဒီလိုဟင်းကို အမေရိကန်ဟင်းတစ်ပွဲလို ချက်ပြုတ်စားသုံးနေပြီဆိုတာ သိလာရတယ်။ အဲဒီဟင်းကို ‘GUMBO’ (ဂန်းဘို)လို့ခေါ်တဲ့ပြင် ကျွန်တော်တို့ မြန်မာပုံစံ ထမင်းဖြူနဲ့ တွဲဖက်စားသုံးကြတယ်လို့လဲ ဆည်းပူးရပါတယ်။ ဂုဏ်ယူဝင့်ကြွားစွာနဲ့ ချက်ပြပါရစေ။

►    လိုအပ်သောပစ္စည်းများ
♦    ရုံးပတီသီး   –     ၁ ပေါင် (၁/၄ ဓ အရွယ် လှီးထားပါ)
♦    ပုစွန် (အကောင်ကြီး)    –     ၁၄ ကောင်  (အခွံချွတ်၊ ရေဆေး၊ ကျောဘက်အမဲထုတ်၊ သန့်စင်ထားပါ။)
♦    ဘေကင် (BACON)    –     ၂ ချောင်း (၁/၂ ‘ အရွယ် ဖြတ်ထားပါ)
♦    ကြက်သား (ကြက်အူချောင်း)    –     ၁  ထုတ် (၁ပေါင်)  (၁/၂’ အရွယ်အတုံးလှီးထားပါ)
♦    ပြောင်းဖူး     –     ၁ ဖူး  (အခွံချွတ်ပြီး ဓားနဲ့ပြောင်းဖူးသားကို လှီးထုတ်ထားပါ)
♦    ငရုတ်သီးခေါင်းပွ (Bell Pepper)    –     ၁ ပွင့် (အတုံးသေးသေးလှီးထားပါ)
♦    ဘလောက်စာစပရောက် (BRUSSELS SPROUTS)    –     ၁ ခွက်
♦    ချယ်ရီ ခရမ်းချဉ်သီး    –     ၁ ဘူး
♦    အာလူး    –     ၃ ခွက်  (အာလူးကို ရေဆေးသန့်စင်ပြီး အခွံချွတ်၊ လေးထောင်တုံးလှီးထား ပါ)
(ဒီ Recipe မှာတော့ အာလူးမီနီလေးသုံးထားပါတယ်)
♦    ကြက်သွန် (အလုံးကြီး)    –     ၁ လုံး  (၁/၂ အရွယ်လေးထောင့်ပုံစံ လှီးထားပါ)
♦    ကြက်သွန်ဖြူ            –     ၇ မြွှာ (အခွံချွတ်ပြီး ဓားပြားရိုက်ထားပါ)
♦    နံနံပင်            –     ၁ ခွက် (နုပ်နုပ်စဉ်းထားပါ)
♦    ကြက်စွပ်ပြုတ်ရည် (သံဘူး)    –     ၂ ဘူး
♦    ဆားနဲ့ငရုတ်ကောင်းမှုန့်    –    စိတ်ကြိုက်
♦    အရောင်တင်မှုန့် (CAVENNE PEPPER)    –     လက်ဖက်ရည်ဇွန်း ၂ ဇွန်း
♦    ကြက်သွန်ဖြူမှုန့် (GARLIC POWDER)    –    လက်ဖက်ရည်ဇွန်း ၁ ဇွန်း
♦    သိုင်းအမှုန့် (Thyme Powder)    –    လက်ဖက်ရည်ဇွန်း ၁ ဇွန်း
♦    ဆီ            –    စားပွဲဇွန်း ၁ ဇွန်း
♦    ကော်မှုန့်            –     လက်ဖက်ရည်ဇွန်း ၂ ဇွန်း
♦    ရေ            –     ၁/၄ ခွက်
♦    ချက်ပြီးသားထမင်းဖြူ    –     စိတ်ကြိုက်

►    ချက်ပြုတ်နည်း
၁။    အိုးကြီးတစ်အိုးမှာ ဘေကင်တွေကို ဆီတစ်ဇွန်းနဲ့ ကြော်ပါ။
၂။    ထွက်လာတဲ့ဆီကို ကိုယ်ကြိုက်နှစ်သက်သလောက်ယူပြီး ဆီပိုကို ဖယ်ပစ်ပါ။ ဘေကင်ကို ချက်တဲ့အခါ ပြန်သုံးနိုင်ပါတယ်။ ကြက်သွန်ကိုထည့်ကြော်ပြီး ပျော့ပြောင်းလာရင် ကြက်သွန်ဖြူကိုထည့်ပါ။
၃။    အနံ့သင်းလာရင် အရောင်တင်မှုန့်၊ ကြက်သွန်ဖြူမှုန့်၊ သိုင်းမှုန့်ကို ထည့်မွှေပြီး ပြောင်းဖူးကို ထည့်ကြော်ပါ။
၎။    ကြက်စွပ်ပြုတ်ရည်ကို ထည့်ပြီးဆူလာအောင် တည်ပါ။
၅။    အာလူးကိုထည့်မွှေပြီး ငရုတ်သီးခေါင်းပွ၊ ဘလောက်စာ စပရောက်နဲ့ ပဲသီးစိမ်းကို ထည့်ပါ။
၆။    ၁ဝ မိနစ်လောက်အကြာ အာလူးစပြီးပျော့ပြောင်းလာရင် ရုံးပတီသီးကိုထည့်ပါ။ အိုးကို လက် ၂ ဖက်နဲ့ ကိုင်ပြီး ရှေ့နောက်လှည့်ပေးပါ။
၇။    ချယ်ရီခရမ်းချဉ်သီးကို ထည့်ပါ။
၈။    ကြက်သားကြက်အူချောင်းကိုထည့်ပြီး အိုးကို ထပ်ခါလှည့်ပေးပါ။ ဆားနဲ့ ငရုတ်ကောင်းမှုန့် စိတ်ကြိုက်ထည့်ပါ။
၉။    ပုစွန်ကိုထည့်ပြီး အဖုံးအုပ်ပါ။ ပုစွန်အရောင် ပန်းရောင်သန်းလာရင် ကော်မှုန့် နဲ့ ရေရောပြီး ကော်မှုန့်အရောအနှောရည်ကိုထည့် ပါ။ မီးအားကောင်းကောင်းနဲ့ သမအောင် မွှေပေးပါ။
၁ဝ။    နံနံပင်ကို အညီအမျှ ဖြန့်ဖြူးပေးပြီး မီးမှ ချပါ။
၁၁။    အဖုံးအုပ်ခဏနှပ်ထားပြီး အဆင်သင့်ချက်ပြီးသား ထမင်းဖြူနဲ့ သုံးဆောင်နိုင်ပါပြီ။

Facebook Comments