Cream Cheese Mille Crepes

evy_7

evy_8

Cream Cheese Mille Crepes

            Crepes ကိတ်ကို Cheese အရသာခပ်များများနဲ့ ပြုလုပ်ထားပါတယ်။ အအီအဆိမ့် နှစ်သက်သူများ သဘောကျနှစ်သက်နိုင်ပါလိမ့်မယ်။

►   ပါဝင်ပစ္စည်းများ (၇ လက်မဗန်းဆိုဒ်)

♦   နွားနို့   –   ၂၅ဝ ဂရမ်

♦   ကြက်ဥ   –   ၂ လုံး

♦   ဆား   –   လက်ဖက်ရည်ဇွန်း လေးပုံတစ်ပုံ

♦   ဂျုံ   –   ၆ဝ ဂရမ်

♦   ပေါင်ဒါသကြား   –   ၃ဝ ဂရမ်

♦   ထောပတ်   –    ၃ဝ ဂရမ် (အရည်ပျော်အောင်လုပ်ထားပါ)

►   မုန့်သားပြုလုပ်နည်း

၁။        ထောပတ်မှလွဲပြီး ကျန်ပစ္စည်းများအားလုံးကို ရောမွှေပါ။ သမသွားလျှင် ဆန်ခါ စစ်ပြီး မိနစ် ၃ဝ ခန့် ဒီတိုင်းထားပေးပါ။ ထောပတ်အရည်ကို မုန့်လုပ်ကာနီးမှ ထည့်မွှေပါ။

၂။        ၇ လက်မဒယ်အိုးကို အပူပေးကာ မုန့်နှစ်ကို ယောက်ချိုဇွန်း တစ်ဝက်ခန့်ခပ်ကာ လောင်းပေးပါ။

၃။        လောင်းရင်းမှ ပြန့်သွားအောင် တစ်ခါတည်းလုပ်သွားပါ။ ခပ်မြန်မြန်လုပ်ရပါမယ်။

၎။        တစ်မိနစ်ခန့်နေလျှင် မုန့်သားရပါပြီ။ ကျန်မုန့်နှစ်များကို ထိုနည်းအတိုင်း ဆက် လုပ်သွားပါ။ မုန့်သားပါးနိုင်သမျှ ပါးပါးရလေကောင်းလေပါ။

►   ခရင်မ်အတွက်

♦   Non Dairy Whipping Cream   –   ၂ဝဝ ဂရမ်

   (Soft peak ရောက်အောင် မွှေထားပါ)

♦   Cream Cheese   –   ၂၅ဝ ဂရမ် (သမအောင်မွှေထားပေးပါ)

     ပါဝင်ပစ္စည်းများအားလုံးကို ရောမွှေကာရေခဲသေတ္တာထဲတွင် မသုံးမချင်း သိမ်းထားပါ။

►   ကိတ်ပြင်ဆင်ခြင်း

၁။        မုန့်သားပထမအလွှာကို ကိတ်လုပ်သည့်ဗန်း (သို့) ပန်းကန်ပေါ်တွင် တင်ပါ။

၂။        ထို့နောက် အသင့်ပြင်ထားသော ခရင်မ်ပါးပါးသုတ်လိမ်းပါ။

၃။        ဒုတိယမုန့်သားကိုတင်ပါ။ ခရင်မ်လည်း ဆက်တင်ပေးပါ။

၎။        ခြစ်ထားသော Chaddar Cheese အနည်းငယ်ဖြူးပေးပါ။

၅။        ခရင်မ်ဖြည့်ကာ မုန့်သားအလွှာခင်းပါ။ နောက်ထပ်ခရင်မ်သုတ်လိမ်းကာ မုန့်သားခင်းပါ။

၆။        မုန့်သားအလွှာ ၄ ခုခန့်ရလျှင် ခြစ်ထားသော Cheddar Cheese အနည်းငယ်ထပ်ဖြူးပေးပါ။

၇။        ကျန်မုန့်သားနှင့် ခရင်မ်များကို ထိုနည်းအတိုင်း ကုန်အောင်ပြုလုပ်သွားပါ။

၈။        ရေခဲသေတ္တာထဲတွင် ၄ နာရီခန့်အနည်းဆုံးထားပြီးမှ သုံးဆောင်ပါ။

http://www.evyfoodlover.com/ and www.facebook.com/Evy’s Kitchen

Facebook Comments