ကြက်ဥကြော်သုပ်

ကြက်ဥကြော်သုပ်

          ဒီနည်းလေးကို စားမြိန်ဟင်းစုံ Group မှာ ထိုင်းချက်နည်းလေးတွေ ဗီဒီယိုနဲ့ သင်ပြပေးနေတဲ့ ညီမလေး Pla Dook ဆီက တတ်တာပါ။ မမီးလည်း ကြက်ဥပြုတ်သုပ်တွေတင်ဖူး ပါတယ်။ ပါဝင်ပစ္စည်းတွေက သိပ်မကွာလှ၊ ဗီဒီယိုလေးကို ကြည့်မိတဲ့အခါ ထူးထူးခြားခြားကြီး စိတ်ဝင်တစားဖြစ်သွားခဲ့တဲ့ အပိုင်းလေး ကတော့ ဘဲဥကြော်ကို ကတ်ကြေးနဲ့ ညှပ်လိုက်တဲ့အချိန်ပဲဖြစ်ပါတယ်။ ဘူးသီးကြော်ကို ညှပ်လိုက်သလို ကျိုးကျိုးကြွပ်ကြွပ် ထွက်လာတဲ့ အသံလေးက အသိပညာတစ်ခုကို လှစ်ခနဲပေးလိုက်တာပါ၊ ကြက်ဥ/ဘဲဥကို ကြွပ်ရွနေအောင်ကြော်လို့ရတယ်ဆိုတာ မသိခဲ့ဘူး။ မမီးက အိမ်အပြောင်းအရွှေ့မှာ အသားမကျသေးတော့ ဘဲဥရှိရာ တစ်နယ်ကျေးကို ခြေမဆန့်နိုင်သေး ။ အိုးခွက်ဆိုလည်း ဒယ်တစ်ပြားနဲ့ ဆော့ပန်တစ်အိုးပဲရှိ။ သို့သော်လည်း ကြက်ဥကိုလည်း ကြွပ်ကြွပ်ကြော်လို့ ရမရသိချင်စိတ်က ပြင်းပြနေတာကြောင့် ထလုပ်ကြည့်လိုက်မိတယ်။ အသိပညာတစ်ခုတိုးတဲ့အတွက် ဘဲဥကြော်သုပ်တင်ပေးသူအား အထူးကျေးဇူးတင်လျက်။

   ပါဝင်ပစ္စည်းများ

♦   ဘဲဥ/ကြက်ဥ    –   ၂ လုံး

♦   ဆီ    –   ၂ လက်မအနက်

♦   ကြက်သား/ဝက်သား   –   ၃ လက်မပတ်လည် ၁ တုံး

♦   ကြက်သွန်နီ   –    ၁ခြမ်း

♦    ခရမ်းချဉ်သီး   –  တစ်ခြမ်း

♦   တရုတ်နံနံ    –   ၃-၄ ပင်

♦   ငရုတ်သီးစ်ိမ်းစပ်စပ်   –   ၄-၅ တောင့်

♦   ငံပြာရည်    –   လက်ဖက်ရည်ဇွန်း ၁ ဇွန်း

♦   သကြား    –   လက်ဖက်ရည်ဇွန်း ၁ ဇွန်း

♦   သံပရာသီး   –   ၁ ခြမ်း

   ပြုလုပ်နည်းအဆင့်ဆင့်

၁။      ဒယ်အိုးတွင် ဆီ ၂ လက်မအနက်ထည့်ပါ။ ဆီပူလာအောင် တည်ထားပါ။ ဆီအလွန်ပူလာတဲ့အခါ ကြက်ဥတစ်လုံး ကို လက်ဖက်ရည်ပန်းကန်လုံးတွင် ဖောက်ထည့်ပါ။ ဆီပူထဲ အသာယာလျှောချပါ။ အောက်ဘက်ရွှေအိုရောင်သန်းလျှင် နောက်တစ်ဖက်ကိုလှန်ပါ။  ကြက်ဥအနှစ်ကျက်အောင် ကြော်ရပါတယ်။  (ကြက်ဥ /ဘဲဥကို ရေခဲသေတ္တာ ထဲက ထုတ်ထုတ်ချင်းမှာ မကြော်ရပါ။ အခန်းအပူချိန်မှာ နာရီဝက်ထုတ်ထားပြီးမှကြော်ပါ။) ကြက်ဥ ထည့်တဲ့ ပန်းကန်လုံးလည်း ခြောက်သွေ့နေရပါတယ်။ ရေစက်ပါလျှင် ဆီပူထဲထည့်ချိန်မှာ ပေါက်ထွက်နိုင်ပါတယ်။ ကြက်ဥတွေကို ကျက်အောင်ကြော်ပြီး ဆယ်ထားပါ။

၂။      ကြက်သား/ဝက်သား ၃လက်မပတ်လည်တစ်တုံးကို နုပ်နုပ်စဉ်းပြီး ရေအနည်းငယ် နဲ့ပြုတ်ပါ။ ဆားအနည်းငယ်ထည့်ပါ။ အသားကျက်ချိန်မှာ ရေစပ်စပ်လေးကျန် နေရပါမယ်။

၃။      ကြက်သွန်နီကို ကြမ်းကြမ်းလှီး ရေဆေးရေစစ်ထားပါ။

၎။      ခရမ်းချဉ်သီးကို ကြမ်းကြမ်းလှီးထားပါ။

၅။      တရုတ်နံနံကို ကြမ်းကြမ်းလှီးထားပါ။

၆။      ငရုတ်သီးစိမ်းကိုသေးလျှင် ထက်ခြမ်းခွဲ၊ အတောင့်ကြီးလျှင် ကြမ်းကြမ်းလှီးထားပါ။

၇။      ခဏအအေးခံပြီး သကြား၊ ငံပြာရည်၊ သံပရာရည်တို့ထည့်နယ်ပါ။ အသင့်လှီးထားတဲ့ အသီးရွက်တွေ ထည့်နယ်ပါ။ ကြက်ဥကြော် ညှပ်ပြီးထည့်နယ်ပါ။

၈။      လွယ်ကူပြီး စားကောင်းလှတဲ့ ချဉ်စပ်မွှေး ကြက်ဥကြော်သုပ်လေး သုံးဆောင်ရန် အသင့်ဖြစ်ပါပြီ။

♦   Meemeetofu   ♦

Facebook Comments