ကြက်ဥမုန့်သိုင်းခြုံ

FD-61

      ကြက်ဥမုန့်သိုင်းခြုံဆိုတာလေးကလေ မြင်ရင်လည်း စားချင်စဖွယ် ချစ်ဖို့အလွန်ကောင်းပါတယ်။ ပါဆယ်ထုပ်လေး ထုပ်ထားသလိုပဲ နောက်တစ်ခုက မြန်မာ့ရိုးရာစစ်စစ် မုန့်ကလေးပေါ့။ ဟိုတလောက ဘုရားပွဲဈေးတန်းမှာ သွားတုန်းကလည်း တွေ့လိုက်တယ်။ လုပ်ထားတာလည်း စားချစ်စရာ သန့်သန့်ပြန်ပြန့်လည်းရှိတယ်။ ကိုထက်လည်း ကြိုက်တယ်ဆိုပြီး ဝယ်စားကြတယ်။ ၉ မိုင် ရှမ်းပွဲတော် မှာ တွေ့တာပါ။ လန်ဒန်မှာတုန်းကလည်း ခဏခဏ လုပ်စားဖြစ်တာလေပေါ့။ ကျွန်မရဲ့ င်္ခေနဘသသု မှာတော့ လုပ်နည်းတင်ပေးဖူးပါတယ်။ င်္သသိြေါဖေငညန မှာတော့ ခုမှ တင်ပေးလိုက်တာပါ။ ဗဟုသုတအနေနဲ့ ကြက်ဥမုန့်သိုင်းခြုံသည်က ပြောလိုက်တာလေ။ သူ့မုန့်ဆိုင်ထဲမှာ ကြက်ဥပြုတ်လေး မနှဲလေးတင်ထား တာတွေ့လို့ မေးကြည့်တော့ ‘မမနှဲလေးက ကြက်ဥပြုတ်တင်ပေးရတယ် ဆိုင်ရောင်းကောင်းအောင် သူက ကြက်ဥပြုတ်၊ ဘဲဥပြုတ်ကြိုက်တယ်’ဆိုတော့  မဒီဒီက ‘ဒီဒီလည်း ကြက်ဥပြုတ်ကြိုက် တယ် မမနှဲလေးနဲ့ တူတယ်’ဆိုလို့ မုန့်သည်ကြီးလည်း တအားရယ်ရောလေ အဲဒီလို အရှုပ်လေးလေ။ နေရာတကာပါတာ။ ကဲမုန့်သိုင်းခြုံလုပ်ရအောင် .  .  . ။

►     ပါဝင်ပစ္စည်းများ (တစ်နည်း) (၁)
♦    ကြက်ဥ (သို့) ဘဲဥ     –    ၃ လုံး
♦    ဆား                            –    နည်းနည်း
♦    ဂျုံမှုန့်                            –    ၁၃ဝ ဂရမ်
♦    ရေ                               –    ၆ဝ ဂရမ်
♦    ဆိုဒါ                            –    နည်းနည်း
♦    အုန်းသီးခြစ်ပြီးသား
♦    သကြား

►    နောက်တစ်နည်း (၂)
♦    ကောက်ညှင်းမှုန့်     –    ၁၂ဝ ဂရမ်
♦    ဆန်မှုန့်    –    ၃ဝ ဂရမ်
♦    ဘဲဥ    –    ၃ လုံး
♦    ရေ      –    ၆ဝ ဂရမ်
♦    ဆား    –    နည်းနည်း
♦    ဆိုဒါ    –    နည်းနည်း
♦    အုန်းသီးခြစ်ပြီးသား
♦    သကြား

►    ပြုလုပ်နည်း
၁။    ပထမ (၁)နည်းက အသုံးပြုမယ်ဆိုရင် ကြက်ဥ၊ ဆား၊ ဂျုံမှုန့်၊ ရေ၊ ဆိုဒါ တို့ကို ရောမွှေပေးပါ။ အရမ်းပျစ်နေရင် ရေနည်းနည်းထပ်ထည့်ထားပြီး မိနစ်အနည်းငယ်ကြာရင် ဒယ်အပြားကို ဆီသုတ်ခါ မုန့်ပါးပါးထည့်ပြီး အလယ်မှာ အိုးယိုထည့်ပြီး ခေါက်ပြီးရင် ရပါပြီ။
၂။    ဒုတိယ (၂)နည်းက ကောက်ညှင်းမှုန့်၊ ဆန်မှုန့်၊ ဆား၊ ဘဲဥ၊ ရေ၊ ဆိုဒါထည့် ရေကိုလည်း မပျစ်မကြဲ လိုသလို ထပ်ချိန်ထည့်ပေးပါ။ ဒယ်ပေါ်ဆီသုတ်ကြော်က အုန်းယိုထည့်ပြီး ခေါက်က စားလို့ရပါပြီ။
မှတ်ချက်  မုန့်သိုင်းခြုံဟာ ဆဋ္ဌဂံလိုပုံမျိုး ခေါက်မှ လှပါတယ်။ အိမ်မှာလုပ်စားရင်တော့ ကြိုက်နှစ်သက်သလို ခေါက်ပါ။ အုန်းယိုလုပ်တာကတော့ .  .  .
၃။    အုန်းသီးအဖတ်လေးတွေကို သကြားအချိုကို လိုသလောက်ထည့်ပြီး အပူပေးပြီး သကြားပွင့်ပျောက်သည်အထိ လှော်ထားတာကို ပြောတာပါ။

http://htetfamily.com/ and www.facebook.com/Danuphyu Daw Saw Yee – Ei Thet

Facebook Comments