ကြက်သားနှင့် ဂေါ်ရခါးသီး ငါးပိချက်ဟင်းလျာ

by အံ့ဝင့်ထွဋ် for Food Magazine

ပါဝင်ပစ္စည်းများ

ကြက်သား  –  ၃၀ဝ ဂရမ်

ဂေါ်ရခါးသီး  –  ၁ လုံး (အလုံးကြီး)

ခရမ်းချဉ်သီး  –  ၂ လုံး

ငရုတ်သီးစိမ်း  –  ၆ တောင့်ခန့်

စိမ်းစားငါးပိ  –  ၁၅ ဂရမ်

ကြက်သွန်နီ  –  ၂ လုံး

ကြက်သွန်ဖြူ  –  ၆ မြွှာ

နနွင်းမှုန့်  –  အနည်းငယ်

ကြက်သားမှုန့်  –  လက်ဖက်ရည်ဇွန်း ၁ ဇွန်း/

လက်ဖက်ရည်ဇွန်း ၁ ဇွန်း

ငံပြာရည်  –  စားပွဲဇွန်း ၁ ဇွန်း

သကြား  –  လက်ဖက်ရည်ဇွန်း ၁ ဇွန်း

ငရုတ်ကောင်းမှုန့်  –  လက်ဖက်ရည်ဇွန်း ၁/၃ ဇွန်း

ဆီ  –  စားပွဲဇွန်း ၄ ဇွန်း

ရှမ်းနံနံ  –  အနည်းငယ်

ပြုလုပ်နည်း

၁။       အနေတော်အတုံးများ တုံးထားတဲ့ ကြက်သားကို နနွင်းမှုန့်၊ ကြက်သားမှုန့်၊ ငံပြာရည်၊ ငရုတ်ကောင်းမှုန့်တို့ဖြင့် နယ်ပြီး နှပ်ထားပါ။

၂။       ကြက်သွန်ဖြူနှင့် ကြက်သွန်နီကို ထောင်းပြီး နနွင်းမှုန့်ဖြင့် ဆီသတ်ပါ။ အနံ့မွှေးလာပြီဆိုလျှင် အနေတော်လှီးဖြတ်ထားတဲ့ ခရမ်းချဉ်သီးကို ထည့်ပြီး ဆီသတ်ပါ။

၃။       ခရမ်းချဉ်သီးအနှစ်ရလာပြီဆိုလျှင် စိမ်းစားငါးပိထည့်ပါ။ လိုအပ်တဲ့အရသာများ ထည့်ပါ။

၎။       အနှစ်ရပြီဆိုလျှင် ကြက်သားထည့်ပါ။ ကြက်သား ကျက်ခါနီးပြီဆိုလျှင် အနေတော် အတုံးလှီးထားတဲ့ ဂေါ်ရခါးသီးများ ထည့်ပါ။

၅။       ကြက်သားကျက်ပြီ၊ ဂေါ်ရခါးသီးနူးပြီး အရသာလည်း အနေတော်ဖြစ်ပြီဆိုလျှင် ပန်းကန်မှာပြင်ပြီး ရှမ်းနံနံထည့်ကာ သုံးဆောင်နိုင်ပါပြီ။

Facebook Comments