ကြက်သားမုန့်ဟင်းခါး

by Meemeetofu for Food Magazine

          ကြက်သားနဲ့ချက်တဲ့ မြေလတ်မုန့်ဟင်းခါးကို ငယ်ငယ်တုန်းက စားခဲ့ဖူးတယ်။ ကြက်သားနဲ့ချက်တာလို့ မုန့်ဟင်းခါးသည်ကြီးက မပြောခဲ့ရင် သိမှာတောင် မဟုတ်ဘူး။ မမီးလည်း ငါးနဲ့ချက်စားရတာ ရိုးလာလို့ ကြက်သားနဲ့ ချက်ကြည့်ပါတယ်။ စားလို့ တကယ်ကောင်းပါတယ်။ အပြောင်းအလဲလေးအနေနဲ့ ချက်စားကြည့်ကြပါနော်။

ပါဝင်ပစ္စည်းများ

ကြက်သား  –  ၄၀ဝ ဂရမ် (၂၅ ကျပ်သားခန့်)

ကြက်သားမှုန့်  –  စားပွဲဇွန်း ၁ ဇွန်း

ချင်း  –  ၁ လက်မအရွယ်

စပါးလင်  –  ၃ ချောင်း

ကြက်သွန်နီ  –  ၂ လုံး

ကြက်သွန်ဖြူ  –  ၁၀ မြွှာ

ကြက်သွန်နီဥသေး  –  ၁၀ လုံး

နနွင်းမှုန့်  –  အနည်းငယ်

ဆား  –  သင့်ရုံ

ငံပြာရည်  –  သင့်ရုံ

ငါးပိ  –  စားပွဲဇွန်း ၁ ဇွန်း (မောက်မောက်)

မွှေးကုလားပဲ အစိမ်းမှုန့်  –  ၄၀ ဂရမ် ( ၂ ကျပ်ခွဲသား)

ဆီ  –  ၄၀ ဂရမ်ခန့်

ရေ  –  အနည်းငယ်

ငရုတ်သီးအရောင်တင်မှုန့်  –   အနည်းငယ်

တွဲဖက်စားရန်

ကြက်ဥပြုတ်၊ ဘဲဥပြုတ်  –  ၅ လုံး

နံနံပင်၊ ပဲသီး

ငရုတ်သီးလှော်ထောင်း

နှစ်သက်ရာ ဘူးသီးကြော်၊ ပဲကြော်

မုန့်ဖတ်  –  ၅၀ ကျပ်သား

ပြုလုပ်နည်း

၁။       ဟင်းရည်ချက်မည့်အိုးထဲ ကြက်သား၊ ကြက်သားမှုန့်၊ နနွင်းမှုန့်၊ ငါးပိ၊ ငံပြာရည်၊ ရေ အနည်းငယ် တို့ထည့်ပြီး ပြုတ်ပါ။ မီးအေးအေးနဲ့ ကြာကြာပြုတ်ပါ။ သို့မှသာ အသားနူးမြည့်ပြီး အချိုရည် ထွက်လာပါမယ်။

၂။       ကြက်သားနူးသွားသည့်အခါ  အိုးမှ ဆယ်ယူပြီး အအေးခံ၍ အသားနွှင်ပါ။

၃။       ကြက်သွန်နီ ၂ လုံးကို ပါးပါးလှီးထားပါ။

၎။       ချင်း၊ ကြက်သွန်ဖြူနှင့် စပါးလင်အရင်းပိုင်းတို့ကို သီးသန့်စီ ညက်အောင်ထောင်း။ ကြိတ်ထားပါ။

၅။       ကုလားပဲအစိမ်းမှုန့်ကို ရေအနည်းငယ်နဲ့ သမအောင် ဖျော်ထားပါ။ အဖုအခဲများ လုံးဝမကျန်စေရပါ။

၆။       ဆီသတ်မည့်အိုးထဲ ဆီထည့်ပါ။ ကြက်သွန်နီနှင့် နနွင်းမှုန့်ထည့်၍ ကြော်ပြီး ဆီသတ်ပါ။ တော်တော်ကြီး နွမ်းလာသည့်အခါ ထောင်းထားသည့် ကြက်သွန်ဖြူ၊ စပါးလင်နှင့် ချင်းတို့ကို ထည့်ပြီး ဆီသတ်ပါ။ ရွှေဝါရောင်ပြောင်းပြီး ဆီထွက်လာသည့်အခါ ငရုတ်သီးအရောင်တင်မှုန့်နှင့် ကြက်သားတို့ကို ထည့်မွှေပါ။ မီးအေးအေးနဲ့ မကြာခဏမွှေပေးနေပြီး ဆီပြန်လာသည့်အခါ ပဲရည်ထည့်မွှေပါ။ အိုးကပ်တတ်သည့်အတွက် မီးအေးအေးနဲ့သာ မွှေပေးနေပါ။ ဆီသတ်ပြီးလျှင် ကြက်သားပြုတ်ရည်အိုးကို မီးဖိုပေါ် ပြန်တည်ပါ။

၇။       ကြက်သားပြုတ်ရည်ကို ဆူပွက်အောင်တည်ပြီး ဆီသတ်ထားသည်များကို ထည့်မွှေပါ။ မီးမြှင့်ပြီး ဆူအောင် တည်ပါ။

၈။       ကြက်သွန်နီဥသေးများကို အခွံနွှာပြီး ထည့်ပါ။ ဟင်းရည်ဆူပွက်လာသည့်အခါ မီးလျှော့ပြီး မီးအေးအေးဖြင့် ဟင်းအရသာကောင်းလာသည်အထိ တည်ထားပါ။ အနည်းဆုံး ၃ နာရီခန့် တည်ထားသင့်ပြီး ရေခန်းသွားလျှင် ရေဆူဆူကို ထပ်၍ ရောနိုင်ပါတယ်။ ဟင်းရည်အရသာမြည်းပြီး လိုအပ်သလို ဆားအပေါ့အငန် ပြုပြင်ပါ။

၉။       တွဲဖက်စားသုံးရန် ကြက်ဥပြုတ်၊ ဘဲဥပြုတ်၊ အကြော်၊ နံနံပင်၊ ပဲသီးနှင့် ငရုတ်သီးမှုန့်တို့ကို ထည့်ပြီး သုံးဆောင်ပါ။

Facebook Comments