ဝက်စဉ်းကောချဉ်စပ်ခေါက်ဆွဲ

by အံ့ဝင့်ထွဋ် (MRTV-4) for Food Magazine

အနှစ်လုပ်ရန် ပါဝင်ပစ္စည်းများ

ဝက်သားစဉ်းကော  –  ၂၅၀ ဂရမ်

ကြက်သွန်နီ  –  ၁ လုံး

ကြက်သွန်ဖြူ  –  ၃ မြွှာ

ငရုတ်ချဉ်  –  စားပွဲဇွန်း ၂ ဇွန်း

ခရုဆီ  –  စားပွဲဇွန်း ၁ ဇွန်း

သကြား  –  အနည်းငယ်

ငရုတ်ကောင်းမှုန့်  –  အနည်းငယ်

နံနံပင်  –  အနည်းငယ်

ကြက်သွန်မြိတ်  –  အနည်းငယ်

ကော်မှုန့်  –  စားပွဲဇွန်း ၁ ဇွန်း

ဆီ  –  စားပွဲဇွန်း ၁ ဇွန်း

တွဲစားရန် ပါဝင်ပစ္စည်းများ

ဂျုံခေါက်ဆွဲ  –  ၅၀ ဂရမ်

မြေပဲဆံ (ထောင်းပြီး)  –  စားပွဲဇွန်း ၂ ဇွန်း

နှမ်း  –  စားပွဲဇွန်း ၁ ဇွန်း

ကြက်သွန်မြိတ် (ပါးပါးလှီး)  –  အနည်းငယ်

နံနံပင် (နုပ်နုပ်စဉ်း)  –  အနည်းငယ်

ဆား  –  အနည်းငယ်

ပြုလုပ်ပုံအဆင့်ဆင့်

၁။       ကြက်သွန်ဖြူ/နီ ကို နုပ်နုပ်စဉ်းပြီး ဆီသတ်ပါ။ ငရုတ်ချဉ်နှင့် ခရုဆီထည့်ပြီး ရေထည့်ပါ။

၂။       ရေဆူလာပြီဆိုလျှင် ဝက်သားစဉ်းကောများ ထည့်ပါ။ အရသာထည့်ပါ။

၃။       ကြက်သွန်မြိတ်နှင့် နံနံပင်ကို နုပ်နုပ်စဉ်းပြီး ထည့်ပါ။

၎။       ကော်မှုန့်ကို အရည်ဖျော်ပြီး ထည့်ပါ။

၅။       အရသာမှာ စပ်ပြီ၊ ဆိမ့်ပြီ၊ မွှေးနေပြီ၊ အနှစ်ပုံစံရပြီဆိုလျှင် ပန်းကန်ထဲ ဖယ်ထားပေးပါ။

၆။       ခေါက်ဆွဲကို ရေနွေးဆူဆူမှာ ဆားထည့်ပြီး ပြုတ်ပါ။ ပြီးလျှင် ရေစစ်ထားပါ။

၇။       ခေါက်ဆွဲလည်းရပြီဆိုလျှင် ပန်းကန်ထဲမှာ ခေါက်ဆွဲ၊ မြေပဲ၊ နှမ်း၊ ဝက်သားအနှစ်၊ ကြက်သွန်မြိတ်၊ နံနံပင်တို့ကို ထည့်ပြီး သုံးဆောင်နိုင်ပါပြီ။

Facebook Comments