အတွေးပွားရင်း ချက်စို့ဟင်း

adipadi_2

adipadi_3

adipadi_4

အတွေးပွားရင်း ချက်စို့ဟင်း

            ဒီဇင်ဘာလမှာတော့ ဆရာမနန်းစန်းစန်းအေးက ‘ငါးသလောက်ရေချို’ အပါအဝင် ဟင်းလျာအတွဲအစပ် (၇)မျိုးကို စီစဉ်ထားပါတယ်။ အဆိုပါ ဟင်းလျာအတွဲအစပ်များကတော့ –

၁။        ဝက်သားစဉ်းကောအစပ်ကြော်၊ ငွေနှင်းဖြူမှိုဟင်းချို၊ ဆလတ်ရွက်သုပ်၊ ငါးပိမီးကင်ငရုတ်သီးထောင်း၊

၂။        ကြက်သားဖရုံသီးနှပ်၊ မန်ကျည်းသီးကြော်၊ ပဲပင်ပေါက်သုပ်၊ ငရုတ်သီးကြက်သွန်ဖြူထောင်း၊

၃။        ကဏန်းမဆလာချက်၊ ပဲကြီးဟင်းရည်၊ ကျောက်ပွင့် ငါးဖယ်သုပ်၊ ငံပြာရည်ကြော်အတို့စုံ၊

၎။        ပုစွန်ပုံလုံသီးအဆာသွတ်၊ ဝဥသုပ်၊ ကြက်ရိုးမုန်ညင်းဟင်းချို၊ ခရမ်းသီးထောင်း၊

၅။        ချင်းရွက်ငါးစင်ရိုင်းအိုးကပ်၊ ခရမ်းသီးမီးဖုတ် ကြက်ဥကြော်၊ ငါးပိသုပ်၊ ကြာရိုးဟင်းချို၊

၆။        အမဲသားအာလူးအချိုနှပ်၊ ချဉ်ပေါင်းခါးမျှစ်အချဉ်ဟင်း၊ ပုစွန်ခြောက်ငါးပိကြော်၊ သခွားသီးဖိသုပ်၊

၇။        ငါးသလောက်ရေချို၊ ဂေါ်ရခါးသီးသုပ်၊ ဟင်းနုနယ်ရွက်ကြော်၊ ကိုင်းခရမ်းချဉ်သီးငါးပိချက်၊

            အဆိုပါ ဟင်းလျာအတွဲ အစပ် (၇)မျိုးထဲမှ ငါးသလောက်ရေချို၊ ဂေါ်ရခါးသီးသုပ်၊ ဟင်းနုနယ်ရွက် ကြော်၊ ကိုင်းခရမ်းချဉ် သီးငါးပိချက်တို့ကို တင်ဆက်ပေးလိုက်ပါတယ်။

            ‘မမရေ ဈေးသွားရင် ဘုရားပန်းဝယ်ဖို့ မမေ့နဲ့ဦးနော်…’

            ‘လွန်ခဲ့တဲ့ သုံးလေးရက်ကမှ ပန်းတိမ်ငိုတွေ လဲထားတာ၊ ညှိုးကုန်ပြီလား…’

            ‘ငါးရက်ရှိပါပြီမမရဲ့၊ တို့မမ ဘုရားခန်းထဲ ဘယ်လောက်မဝင်လည်း သိသာတယ်။ ပြီးတော့ ဒီပန်းမျိုး နောက်ထပ်မဝယ်လာနဲ့တော့’

            ‘အရင်က ဒီပန်းတွေ ဆယ်ရက်နှစ်ပတ်လောက် အနည်းဆုံးခံပါတယ်။ အခု ဘယ်လိုဖြစ်လို့ မလှမပနဲ့ ညှိုး နွမ်းနေကုန်ပါလိမ့်’

            ‘မမဝယ်လာတဲ့ အခက်နှစ်ဆယ်ထဲမှာ ထူးဆန်းစွာပဲ ဆယ့်ကိုးခက်ကညှိုးနေပြီး တစ်ခက်ကတော့ ပကတိ အတိုင်း လှပနေလေရဲ့’

            ‘သိပြီ ဈေးဝယ်တဲ့ အန်တီကြီးတစ်ယောက်ကတော့ ပြောနေသား၊ ဒီပန်းတွေ ဘုရားကပ်ထားရင် ကြာကြာခံလွန်းတော့ နောက်ထက်ပန်းမဝယ်မှာစိုးလို့ ရေပူတွေနဲ့ အရိုးတွေ စိမ်လွှတ်လိုက်တယ်လို့ ပြောသံကြားတယ်။

            ‘ဟုတ်မှာ ရေပူလွတ်တဲ့တစ်ခက်က ဒါကြောင့် လန်းနေတာနေမှာ…’

            ‘လူတွေများ ဘုရားကပ်မဲ့ပန်းတောင် ဒီလိုလုပ်ရက်ကြတယ်။ အန္တရာယ်မရှိလို့တော်သေးတယ်။ ဈေးသွားရတာလည်း အရင်ကထက်ကို ခက်ခဲတယ်။ ဘယ်ဟာက မပုပ်သိုးအောင် ဖော်ဖလင်စိမ်ထားပြီး အရောင်လှအောင် ဆိုးဆေးတွေ သုံးထားတဲ့ ပစ္စည်းတွေ၊ သဘာဝမဟုတ်ဘဲ ဝင်းမှည့်နေတဲ့ အရောင်လှ သစ်သီးတွေ၊ မြေသြဇာတွေ ရွက်ဖြန်းဆေးတွေ အသုံးပြုပြီး စိုက်ထားတဲ့ စိမ်းစိုလှပနေ တဲ့ အသီးအရွက် ဖားဖားဝေတွေ မနည်းရှောင်ပြီး စဉ်းစားဝယ်ရတယ်။’

            ‘ဒါတွေကြောင့် တစ်နေ့တစ်နေ့ ဒန့်သလွန်ရွက်ဟင်းချို၊ ကြောင်လျှာသီးသုပ်၊ မလွှပွင့်ကြော်၊ လက်ပံပွင့် အတို့၊ ညောင်ချဉ်ဖူးဟင်းတွေကြီး စားနေရတာကိုး’

            ‘အေး…အဲ့ဒါတွေက သြဂဲနစ်တွေလေ၊ ဘယ်သူမှ မြေသြဇာရွက်ဖြန်းဆေးမထည့်တဲ့ သဘာဝအသီးအရွက် တွေမို့လို့’

            ‘ဒါဆို ဒီနေ့ရော ဘာချက်စားကြမလဲ’

            ‘အရိုးကြောက်တဲ့ဖေဖေ ခရီးသွားနေလို့ ဒီနေ့ ငါးသလောက်ရေချိုနဲ့ အိမ်နောက်မှာ မေမေစိုက်ထားတဲ့ ဂေါ်ရခါးသီးသုပ်၊ ဟင်းနုနယ်ရွက်ကြော်၊ ကိုင်းခရမ်းချဉ် သီးငါးပိချက်လေးချက်မယ်’

            ‘ဒီဟင်းအတွဲဆိုရင်တော့ မမ ငါးသလောက်ပဲ ဝယ်ရတော့မှာပါ။ နောက်မှာ ခရမ်းချဉ်သီးပင်က လေး၊ ငါးလုံးလည်း မှည့်နေပြီ။ နံနံရွက်၊ ကြက်သွန်မြိတ်လေးတွေလည်း ထွက်နေပြီဆိုတော့ ဘာမှမလိုတော့ဘူး’

            ‘စိတ်ချစားလို့ရတဲ့ ဟင်းတွေ ချက်ရတော့မှာပေါ့။ ‘

            ငါးသလောက်တစ်ပိုင်း သုံးဆယ်သား။ ကြေးထိုးသန့်စင်ပြီး အနေတော်တုံးမယ်။ ဆား လက်ဖက်ရည်ဇွန်း တစ်ဝက်၊ ငံပြာရည် စတီးဇွန်းတစ်ဇွန်း၊ အရသာမှုန့် လက်ဖက်ရည်ဇွန်း သုံးပုံတစ်ပုံ၊ ရှောက်သီးအနေတော် တစ်စိတ်၊ နနွင်းနည်းနည်း အားလုံးပေါင်းပြီး နယ်နှပ်ထားမယ်။

            အဆာအတွက် ချင်းလက်တစ်ဆစ်၊ ကြက်သွန်နီ နှစ်ဥ၊ ကြက်သွန်ဖြူတစ်ဥ၊ စပါးလင် အရင်းပိုင်းတစ်ထွာ ပါးပါးလှီး၊ ငရုတ်သီးအပွတောင့် သုံးတောင့်၊ အစေ့ထုတ် ရေစိမ်ထားတာ အားလုံးပေါင်းပြီး ရောထောင်းထားမယ်။

            ချက်မည့်အိုးထဲ ဆီ စတီးဇွန်းသုံးဇွန်းနဲ့အတူ အဆာတွေကို ရောပြီးကြော်မယ်။ အနံ့မွှေးပြီး အစိမ်းနံ့ပျောက်ရင် ခရမ်းချဉ်သီးအရွယ်တော်နှစ်လုံး ခြေထည့်မယ်။ ခရမ်းချဉ်သီးဖတ်ကြေရင် ငါးတုံးတွေထည့်ပြီး အဖုံးအုပ်၊ မီးအရှိန်လျှော့ပြီး ဆယ်ငါးမိနစ်တည်မယ်။

            အရိုးနူးမဟုတ်တဲ့အတွက် ရေအနည်းငယ်ခန်းရင် ငါးသလောက်ရေချိုကျက်ပါပြီ။ စပါးလင်အတုံးလေး တစ်တုံး၊ ငရုတ်သီးစိမ်းသုံးတောင့်၊ နံနံပင်လေးနှစ်ပင်သုံးပင် အုပ်လိုက်ရင် ငါးသလောက်ရေချိုဟင်းရပါပြီ။

            ဂေါ်ရခါးသီးသုပ်အတွက် ဂေါ်ရခါးသီးတစ်လုံး အခွံ နွှာပြီး အမျှင်လေးတွေဖြစ်အောင် ဓားနဲ့လှီး၊ ရေတစ်ထပ် ဆေးပြီး ရေခဲရေစိမ်ထားမယ်။ စားခါနီးရင် ငံပြာရည်၊ ပုစွန်ခြောက်မှုန့်၊ သံပရာရည်၊ ဆား၊ သကြား၊ ငါးပိမီးကင်၊ ငရုတ်သီးစိမ်းမှည့်ပါးပါးလှီး အားလုံးရောနယ်လိုက်ရင် ဂေါ်ရခါးသီးသုပ်ရပါပြီ။ ပုစွန်ခြောက်အကောင်၊ မြေပဲဆံ၊ နှမ်းလှော်လေးတွေ ဖြူးလိုက်ရင် စားကောင်းတဲ့ အရံဟင်း တစ်မျိုးရပါပြီ။

            ဟင်းနုနယ်ရွက်ကြော်အတွက် ဟင်းနုနယ်ရွက်တွေကို ရေနှစ်ထပ် သုံးထပ်ဆေးပြီး စစ်ထားမယ်။ ကြော်မယ့် အိုးထဲ ဆီနှစ်ဇွန်းထည့်ပြီး ကြက်သွန်ဖြူငါးတက် ဓားပြားရိုက်ထည့်မယ်။ ကြက်သွန်ဖြူအနံ့ မွှေးလာရင် ပုစွန်ခြောက်မှုန့် လက်တစ်ဆုပ်စာနဲ့အတူ ဟင်းနုနယ်ရွက် ထည့်မွှေမယ်။ ဆား၊ အရသာသင့်ရုံ ထည့်ပြီးရင်တော့ အရွက်ကြော်ကျက်ပါပြီ။ ပူပူနွေးနွေးစားရင် အကောင်းဆုံးအရွက်ကြော်ပါပဲ။

            ကိုင်းခရမ်းချဉ်သီးငါးပိချက်အတွက်ကြော်ပြီးသား ကြက်သွန်ဖြူ၊ နီ၊ လက်တစ်ဆုပ်စာထဲကို ခရမ်းချဉ်သီး သုံးလုံး၊ ရေချိုငါးပိတစ်ခွက်စာ၊ ဆီနှစ်ဇွန်း၊ ငရုတ်သီး ခုနစ်တောင့်ရှစ်တောင့် ပါးပါးလှီးပြီးရောတည်လိုက်တာပါ။ ဟင်းခတ်အတွက် ငါး၊ ပုစွန် ရှိရာနဲ့ထည့်ခပ်လိုက်ရင် ဖြစ်ပါတယ်။ ညှော်နံ့မနံအောင် ချက်တဲ့ အလွယ်ချက် ငါးပိချက်လေးပါ။ ဘာအတို့နဲ့မဆို လိုက်ဖက်ပါတယ်။

            အာဟာရဖြစ်ဖို့အရင် စဉ်းစားရမလား၊ အန္တရာယ်ကင်းဖို့ အရင်တွေးရမလားဆိုတဲ့စိတ်နဲ့ ချက်ရတဲ့ဟင်းတွေပါ။ ချက်ကြည့်ပါဦး။

နန်းစန်းစန်းအေး

အဓိပတိ (ဖြူး)

►   ငါးသလောက်ရေချို

♦   ငါးသလောက်   –   ၃ဝ သား

♦   ဆား   –   လက်ဖက်ရည်ဇွန်း တစ်ဝက်

♦   ငံပြာရည်   –   စတီးဇွန်း ၁ ဇွန်း

♦   အရသာမှုန့်   –   လက်ဖက်ရည်ဇွန်း သုံးပုံတစ်ပုံ

♦   ရှောက်သီး   –   ၁ စိတ်

♦   ချင်း   –   လက်တစ်ဆစ်

♦   ကြက်သွန်နီ   –   ၂ ဥ

♦   ကြက်သွန်ဖြူ   –   ၁ ဥ

♦   ငရုတ်သီးပွ   –   ၃ တောင့်

♦   ဆီ   –   စတီးဇွန်း ၃ ဇွန်း

♦   ခရမ်းချဉ်သီး   –   ၂ လုံး

♦   စပါးလင်   –   ၁ တုံး

♦   ငရုတ်သီးစိမ်း   –   ၃ တောင့်

♦   နံနံပင်   –   ၂ ပင်

►   ကိုင်းခရမ်းချဉ်သီးငါးပိချက်

♦   ကိုင်းခရမ်းချဉ်သီး   –   ၃ လုံး

♦   ရေချိုငါးပိ –   တစ်ခွက်စာ

♦   ဆီ   –   ၂ ဇွန်း

♦   ငရုတ်သီးစိမ်း   –   ၈ တောင့်

♦   ကြက်သွန်ဖြူ/နီ   –   လက်တစ်ဆုပ်စာ (ကြော်ပြီးသား)

►   ဟင်းနုနယ်ရွက်ကြော်

♦   ဟင်းနုနယ်ရွက်

♦   ဆီ   –   ၂ ဇွန်း

♦   ကြက်သွန်ဖြူ   –   ၅ တက်

♦   ပုစွန်ခြောက်မှုန့်   –   လက်တစ်ဆုပ်စာ

♦   ဆား   –   အနည်းငယ်

Facebook Comments