အာလူးနှင့် ပင်လယ်စာဟင်းချို၊ ခရမ်းချဉ်သီးနှင့် ဟင်းနုနယ်ရွက်သုပ်နဲ့ သံပရိုငရုတ်ကောင်းဆာလ်မွန်ငါးအိုးကပ်ကင်

by Chef Ko Sunny for Food Magazine

ဒီလအတွက် ဖော်ပြပေးလိုက်တဲ့ ဟင်းလျာအတွဲလေးကတော့ ဥရောပအစားအစာ ပြင်ဆင်နည်းကို အခြေခံထားပြီး ပြင်ဆင်ရတာလည်း လွယ်ကူတဲ့ “အာလူးနှင့်  ပင်လယ် စာဟင်းချို၊ ခရမ်းချဉ်သီးနှင့် ဟင်းနုနယ်ရွက်သုပ်” နဲ့ “သံပရိုငရုတ်ကောင်း ဆာလ်မွန်ငါးအိုးကပ်ကင်” တို့ပါပဲ။ အာလူးကို နူးအောင်ပြုတ်၍ ကြေညက်အောင်ကြိတ်ပြီး ဆလရီရိုး၊ ပုစွန်၊ ပြည်ကြီး ငါး၊ ကင်းမွန်တို့နဲ့ တွဲဖက်ချက်ထားတာမို့ အရသာထူးခြားပြီး အာဟာရလည်းဖြစ်စေပါတယ်။ ခရမ်းချဉ်သီးနှင့် ဟင်းနုနယ်ရွက်သုပ်ကလည်း ရိုးရှင်းတဲ့အရသာတွေဖြစ်တဲ့ ပန်းသီးရှလကာရည်၊ ငါးငံပြာရည်၊ ဆား၊ ငရုတ်ကောင်းမှုန့်၊ သံပရာရည်အနည်းငယ်တို့ဖြင့် ပြင်ဆင်ထားပါတယ်။ ဆာလ်မွန်ငါးအသားလွှာကိုတော့ သံပရို၊ ငရုတ်ကောင်း၊ အရသာ မှုန့်၊ ပန်းငရုတ်အရသာမှုန့်နှင့် သံလွင်ဆီတို့ကို ရောပြီး အရသာသွင်းထားပါတယ်။ အိုးကပ်ကြော်ထားတဲ့ ဆာလ်မွန်ငါးရဲ့ အနံ့အရသာကလည်း အလွန်ပြီးပြည့်စုံပါတယ်။ ကဲ… အောက်မှာ ဖော်ပြထားတဲ့ ဟင်းချက်နည်းတွေနဲ့ ပြင်ဆင်ကြည့်ကြရအောင်… OK…

အာလူးနှင့် ပင်လယ်စာဟင်းချို

ပါဝင်ပစ္စည်းများ

အာလူး  –  ၃၂၀ ဂရမ်

ကြက်သွန်နီ  –  ၈၀ ဂရမ်

ကြက်သွန်ဖြူ  –  ၄၀ ဂရမ်

ဆလရီရိုး  –   ၈၀ ဂရမ်

ထောပတ်  –  ၈၀ ဂရမ်

ပြည်ကြီးငါး  –  ၅၀ ဂရမ်

ပုစွန်  –  ၅၀ ဂရမ်

ကင်းမွန်  –  ၅၀ ဂရမ်

ဆား  –  လက်ဖက်ရည်ဇွန်း ၁ ဇွန်း

ငရုတ်ကောင်းမှုန့်  –  အနည်းငယ်

အသားမှုန့်  –  ၁ ဇွန်း

ပါစလီရွက်ခြောက်  –  အနည်းငယ်

စပါကလင် ဝိုင်ဖြူ  –  ၈၀ မီလီလီတာ

ပြုလုပ်နည်း

၁။       အာလူးကို ကြက်သွန်နီ၊ ကြက်သွန်ဖြူ၊ ထောပတ်တို့နှင့် ဆီသတ်၍ နူးအောင် ပြုတ်ပြီး ကြိတ်စက်ဖြင့် ကြေညက်အောင် ကြိတ်ခြေထားပါ။

၂။       အာလူးကြေညက်လျှင် အရသာကို ဆား၊ ငရုတ်ကောင်း၊ အသားမှုန့်တို့နှင့် ထိန်းညှိပြီး အသင့်လှီးထားသော ဆလရီရိုး၊ ပုစွန်၊ ပြည်ကြီးငါးနှင့် ကင်းမွန်တို့ကို ထည့်ချက်ပါ။

၃။       ပုစွန်နှင့် ပင်လယ်စာများကျက်လျှင် စပါကလင်ဝိုင်ဖြူ ထည့်ချက်ပြီး ပါစလီရွက်ခြောက် အုပ်၍ တည်ခင်းပါ။

ခရမ်းချဉ်သီးနှင့် ဟင်းနုနယ်ရွက်သုပ်

ပါဝင်ပစ္စည်းများ

ခရမ်းချဉ်သီး  –  ၁၆၀  ဂရမ်

ဟင်းနုနယ်ရွက်  –  ၁၆၀ ဂရမ်

ကြက်သွန်နီ  –  ၈၀ ဂရမ်

သံပရာရည်  –  ၁၅ မီလီလီတာ

ပန်းသီးရှလကာရည်  –  ၁၅ မီလီလီတာ

ဆား  –  အနည်းငယ်

ငရုတ်ကောင်းမှုန့်  –  အနည်းငယ်

ငါးငံပြာရည်  –  ၁၅ မီလီလီတာ

အသားမှုန့်   –  ၅ ဂရမ်

သံလွင်ဆီ  –  ၃၀ မီလီလီတာ

ပြုလုပ်နည်း

၁။       ခရမ်းချဉ်သီးကို ၄ စိတ်လှီးထားပါ။ ဟင်းနုနယ်ရွက်ကို အရွက်ခြွေ၍ ရေနွေးဖြောပြီး ရေခဲရေထဲမှာ အအေးခံထားပါ။

၂။       ကြက်သွန်နီကို  ပါးပါးလှီးပြီး ဆား၊ ရှလကာရည်တို့ဖြင့် အခိုးသတ်အောင် စိမ်ထားပါ။

၃။       အသင့်ပြင်ဆင်ထားသော ခရမ်းချဉ်သီးနှင့် ဟင်းနုနယ်ကို ကြက်သွန်နီ၊ ဆား၊ ငရုတ်ကောင်း၊ ငါးငံပြာရည်၊ အသားမှုန့်၊ သံပရာရည်၊ ပန်းသီးရှလကာရည်တို့ဖြင့် အရသာထိန်းညှိ၍ သံလွင်ဆီ အနည်းငယ်နှင့် သမအောင်မွှေပြီး တည်ခင်းပါ။

သံပရို ငရုတ်ကောင်း ဆာလ်မွန်ငါးအိုးကပ်ကင်

ပါဝင်ပစ္စည်းများ

ဆာလ်မွန်ငါးအသားလွှာ  –  ၄၀ဝ ဂရမ်

သံပရို၊ ငရုတ်ကောင်း၊ အရသာမှုန့်  –  ၁၅ ဂရမ်

ပန်းငရုတ်အရသာမှုန့်  –  ၁၅ ဂရမ်

သံလွင်ဆီ  –  ၁၅ ဂရမ်

သံပရိုရည်  –  ၁၅ မီလီလီတာ

ထောပတ်  –  ၁၀ဝ ဂရမ်

ဟင်းချက်ခရင်မ်  –  ၃၀ မီလီလီတာ

ဝိုင်ဖြူ  –  ၃၀ မီလီလီတာ

ပန်းသီးရှလကာရည်  –  ၁၅ မီလီလီတာ

ကြက်သွန်နီ  –  အနည်းငယ်

ကရဝေးရွက်ခြောက်  –  ၂ ရွက်

ပြုလုပ်နည်း

၁။       ဆာလ်မွန်ငါးအသားလွှာကို သံပရို၊ ငရုတ်ကောင်း၊ အရသာမှုန့်၊ ပန်းငရုတ် အရသာမှုန့်၊ သံလွင်ဆီတို့နှင့် အရသာသွင်းပြီး အိုးကပ်ကင်ထားပါ။

၂။       ကြက်သွန်နီကို နုပ်နုပ်စဉ်း၍ ထောပတ်၊ ကရဝေးရွက်ခြောက်တို့နှင့် မွှေးလာသည်အထိ ဆီသတ်ပြီး ပန်းသီးရှလကာရည်နှင့် ဝိုင်ဖြူတို့ကို ထည့်ချက်ပါ။

၃။       ဝိုင်ဖြူ သုံးပုံနှစ်ပုံခန့် ခန်းလာလျှင် ဟင်းချက်ခရင်မ်ထည့်ချက်ပြီး ဟင်းချက်ခရင်မ် တစ်ဝက်ခန့် ခန်းလာလျှင် ဆားနှင့် ငရုတ်ကောင်းမှုန့် အနည်းငယ်ဖြင့် ထိန်းညှိ၍ အသင့်အိုးကပ်ကင်ထားသော ဆာလ်မွန်ငါးနှင့် တွဲဖက်တည်ခင်းပါ။

Facebook Comments