အာလူးအနှစ် မုန့်တီသုပ် (Potato Paste Rice Noodle Salad)

by Syi Lwin Foods Garden for Food Magazine

          အသုပ်ဆိုရင် လူတိုင်း ကြိုက်နှစ်သက်ကြပါတယ်။ မုန့်တီသုပ်က အာလူးအနှစ်နှင့် အချိုသုပ်လေးပါ။ မိသားစု၊ သူငယ်ချင်းမိတ်ဆွေတို့ကို သုပ်ပြီးကျွေးရင် မျက်နှာရစေတဲ့ အသုပ်ဖြစ်တာကြောင့် သုပ်စားကြည့်လိုက်နော်။

ပါဝင်ပစ္စည်းများ

မုန့်တီဖတ်  –  ၂၅ ကျပ်သား

အာလူး  –  ၃-၄ လုံး

ကြက်သွန်ဖြူဆီချက်  –  စားပွဲဇွန်း ၄-၅ ဇွန်း

ကြက်သွန်နီကြော်  –  စားပွဲဇွန်း ၁  ၁/၂ ဇွန်း

ပူဒီနာ  –  ၃ ပင် ( အရွက်များ ခြွေထားပါ)

သံပရာသီး  –  ၂ လုံး (အရည်ညှစ်ပြီး လိုသလောက်ထည့်ပါ)

ငံပြာရည်  –  လက်ဖက်ရည်ဇွန်း ၃ ဇွန်း

ဆား  –  လက်ဖက်ရည်ဇွန်း ၁ ဇွန်း

ကြက်ဥပြုတ်  –  ၃ လုံး (ပါးပါးစိတ်ထားပါ)

ပြုလုပ်နည်း

၁။       ဇောက်နက်အိုးထဲ ကြက်သွန်ဖြူ ဓားပြားရိုက်ပြီး ချင်း၊ ဆားနှင့် အာလူးများထည့် ပြုတ်ထားပါ။ နူးအောင်ပြုတ်၍ အအေးခံထားပြီး အခွံနွှာထားပါ။

၂။       ဖန်ဇလုံထဲ အာလူးအခွံနွှာထားသော အာလူး၊ ဆား၊ ကြက်သွန်ဖြူဆီချက်တို့ဖြင့် သေချာညက်အောင် နယ်ပါ။

၃။       ဖန်ဇလုံအကြီးထဲ ပူဒီနာ၊ ကြက်ဥပြုတ်မှလွဲ၍ ပါဝင်ပစ္စည်းများအားလုံးထည့်ပြီး အာလူးအနှစ်ကို လိုသလောက်ထည့်ကာ သေချာနှံ့အောင် နယ်သုပ်ပါ။ ကိုယ့်စိတ်တိုင်းကျ အချဉ်၊ အငန်ကို ကြိုက်သလိုထည့်ပါ။ ကြက်ဥပြုတ်အစိတ်များနှင့် ပူဒီနာရွက်များထည့်ပြီး ဆားမြည်း၍ လိုတာထပ်ဖြည့်ပြီး ချက်ချင်းသုံးဆောင်ပါ။

Facebook Comments