အသားလုံးဆီပြန်

Evy_2

          အိမ်မှာတော့ တစ်ခါတလေ ဒီလိုမျိုးအသားကို နုပ်နုပ်စဉ်းပြီး အသားလုံးဆီပြန် လုပ်စားလေ့ရှိပါတယ်။ ကြက်သား၊ အမဲသား ဒါမှမဟုတ် ဝက်သား စသဖြင့် နှစ်သက်ရာအသားတစ်မျိုးမျိုးကို အသုံးပြုနိုင်ပါတယ်။ ဒီမှာတော့ အမဲသားကို သုံးပြထားပါတယ်။ ချင်းနိုင်နိုင်သုံးထားတာကြောင့် အနံ့မွှေးကြိုင်ပြီး ထမင်းဖြူဖြူနဲ့ လိုက်ဖက်လှပါတယ်။

►    ပါဝင်ပစ္စည်းများ

♦     အမဲသား –         ၂၅ဝ ဂရမ်

♦     ချင်း   –   လက်တစ်ဆစ်စာ

♦     ပြောင်းကော်မှုန့် –   လက်ဖက်ရည် ၁ ဇွန်း

♦     ကြက်သားမှုန့်   –   လက်ဖက်ရည် ၁ ဇွန်း

♦     ကြက်သွန်ဖြူ   –   ၅ မြွှာ

♦     ကြက်သွန်နီဥကြီး ၂ ဥ + ချင်းလက်တစ်ဆစ်စာ+ ကြက်သွန်ဖြူ ၅ မြွှာ

♦   ဆား –   အနည်းငယ်

♦     ငရုတ်သီးအရောင်တင်မှုန့်   –   အနည်းငယ်

♦   ဆီ –  အနည်းငယ်

►    ချက်နည်း

၁။      နုပ်နုပ်စဉ်းထားသော အမဲသားကို ချင်း၊ ကြက်သွန်ဖြူနုပ်နုပ်စဉ်းနဲ့ ရောနယ်ပါ။

၂။      ပြောင်းကော်မှုန့်၊ ကြက်သားမှုန့်နဲ့ ဆားအနည်းငယ်ထည့်ကာ စေးလာအောင်နယ်ကာ အရွယ်တော် အလုံးလေးများလုံးထားပါ။

၃။      ဆီစားပွဲဇွန်း ၅ ဇွန်းကို အပူပေးကာ ကြိတ်ထားသော ကြက်သွန်နီ၊ ဖြူနှင့် ချင်းများထည့်ကာ ဆီသတ်ပါ။

၎။      ကြက်သွန်နွမ်းလျှင် ငရုတ်သီးအရောင်တင်မှုန့် အနည်းငယ်ထည့်ကာ အသားလုံးများထည့်ပေးပါ။

၅။      အိုးမကပ်စေရန် အသာလှုပ်ပေးပြီး အသားလုံးများ အရောင်ပြောင်းမှ ဇွန်းသုံးကာ အသာအယာမွှေပါ။

၆။      ဆီပြန်လျှင် သုံးဆောင်ရန်အသင့်ဖြစ်ပါပြီ။

http://www.evyfoodlover.com/ and www.facebook.com/Evy’s Kitchen

Facebook Comments