အမဲစဉ်းကောနှင့် ပန်းငရုတ်ပွဟင်းလျာ

by အံ့ဝင့်ထွဋ် for Food Magazine

ပါဝင်ပစ္စည်းများ

အမဲသား  –  ၂၅၀ ဂရမ် (ကြိတ်ပြီး)

ပန်းငရုတ်ပွ  –  ၂ လုံး

ကြက်သွန်နီ  –  ၂ လုံး

ကြက်သွန်ဖြူ  –  ၆ မြွှာ

ချင်း  –  အနည်းငယ်

ငရုတ်အနှစ်  –  လက်ဖက်ရည်ဇွန်း ၁ ဇွန်း

ကြက်သားမှုန့်  –  လက်ဖက်ရည်ဇွန်း ၁ ဇွန်း

နနွင်းမှုန့်  –  အနည်းငယ်

ငံပြာရည်  –  အနည်းငယ်

ငရုတ်ကောင်းမှုန့်  –  အနည်းငယ်

ဆီ  –  စားပွဲဇွန်း ၄ ဇွန်း

ပြုလုပ်နည်း

၁။       ပန်းငရုတ်ပွရဲ့အတွင်းမှ အစေ့များထုတ်ပြီး အနေတော်လှီးဖြတ်ထားပါ။

၂။       ကြက်သွန်ဖြူ/နီနှင့် ချင်းတို့ကို ထောင်းပြီး နနွင်းမှုန့်ဖြင့် ဆီသတ်ပါ။

၃။       အနံ့မွှေးလာပြီဆိုလျှင် ငရုတ်အနှစ်ထည့်ပါ။ ငရုတ်အနှစ် အနံ့မွှေးပြီး အရောင်လှလာပြီဆိုလျှင် အရသာများနှင့် ရေတို့ကို လိုအပ်သလို ထည့်ပါ။

၎။       ဟင်းအနှစ်ရလာပြီဆိုလျှင် အမဲစဉ်းကောများ ထည့်ပြီး အနံ့မွှေးလာသည်အထိ ဆီသတ်ပါ။

၅။       အမဲစဉ်းကောသားများကျက်ပြီး အနံ့မွှေးလာပြီဆိုလျှင် ပန်းငရုတ်ပွများ ထည့်ပါ။

၆။       အနံ့ အရသာ ပြည့်စုံပြီဆိုလျှင် ပန်းကန်မှာပြင်ပြီး သုံးဆောင်နိုင်ပါပြီ။

Facebook Comments