အင်ဒိုနီးရှားကြက်သားဟင်းချို

FD-81

       အင်ဒိုနီးရှား Chicken Soup (သို့) Soto Ayam ကတော့ အင်ဒိုနီးရှားအစားအစာတွေထဲမှာ နာမည်အကြီးဆုံးဖြစ်ပြီး နေရာတိုင်းမှာတွေ့ရနိုင်တဲ့ အစားအစာတစ်မျိုးပါ။Chicken Soup  လို့ဆိုပေမယ့် ကြာဆံပါ ပါဝင်တဲ့အတွက် အင်ဒိုနီးရှားကြက်သားကြာဆံဟင်းချိုလို့ခေါ်ရရင် ပိုပြီးကောင်းမယ်ထင်ပါတယ်။ မြန်မာကြာဆံဟင်းခါး ကြိုက်နှစ်သက်သူများလည်း ဒီဟင်းချိုကိုလည်း ကြိုက်နှစ်သက်မယ် ထင်ပါတယ်။ အရသာဘယ်လိုရှိသလဲ၊ ဘယ်လိုထူးခြားကွဲပြားသလဲဆိုတာကို သိချင်ရင် မြည်းစမ်းမယ်ဆိုရင်တော့ လက်တွေ့ချက်နိုင်ဖို့အတွက် ချက်နည်းလေးကို ပြောပြပါမယ်။

►    လိုအပ်သောပစ္စည်းများ
♦    ကြက်+ကြက်မြစ်ကြက်အသည်း   –    ၁ကောင်
♦    စပါးလင်    –    ၄ချောင်း (ဓားပြားရိုက်ထားပါ)
♦    ငရုတ်ကောင်းစေ့    –    လက်ဖက်ရည်ဇွန်း တစ်ဇွန်းခွဲ (မညက်တညက်ထောင်းပါ)
♦    ဆီ     –    ၁ စားပွဲစားဇွန်း
♦    ကြက်သားမှုန့်     –    ၁ စားပွဲစားဇွန်း
♦    ငရုတ်သီးစိမ်း      –    ၁ဝ တောင့်
♦    ပဲငံပြာရည်အနောက်(ABC Sauce )    –    စားပွဲဇွန်း ၄ ဇွန်း
♦    သကြား    –    လက်ဖက်ရည်ဇွန်း ၁ ဇွန်း
♦    ကြက်ဥ     –    ၄ လုံး (ပြုတ်ပြီးလေးခြမ်းခြမ်းပါ။
♦    အာလူး    –    ၂၅ဝ ဂရမ် (ပြုတ်ပြီးအတုံးတုံးထားပါ)
♦    ကြာဆံ   –    ၃ဝ ဂရမ် (ရေနွေးပူပူဖြင့် စိမ်ပြီးထားပါ)
♦    တရုတ်နံနံပင်    –    ၅ ပင် (ပါးပါးလှီးပါ)
♦    ကြက်သွန်မြိတ်    –    ၃ ပင် (ပါးပါးလှီးပါ)
♦    ကြက်သွန်နီကြော်    –    စားပွဲဇွန်း ၅ ဇွန်း
♦    သံပရာသီး    –    ၈ လုံး (လေးခြမ်းခြမ်းပါ)
♦    ကြက်သားပြုတ်ရန်ရေ    –    ၃ . ၅ လီတာ

►    ထောင်းရန်အတွက်လိုအပ်တဲ့ပစ္စည်းတွေက
♦    ကြက်သွန်နီဥအသေး    –    ၁ဝ လုံး
♦    ကြက်သွန်ဖြူ     –    ၃ မြှောင့်
♦    နနွင်းမှုန့်   –    လက်ဖက်ရည်ဇွန်း ၁ ဇွန်း
♦    Candelnuts (သို့)သီဟိုစေ့    –    ၆ စေ့
♦    ချင်း   –    ၁ တတ်

►     ပြုလုပ်နည်း
၁။    ထောင်းရန်အတွက် လိုအပ်တဲ့ပစ္စည်းတွေကို ငရုတ်ဆုံတွင် ထည့်ပြီးထောင်းပါ။
၂။    ပြီးလျှင် အိုးကြီးတစ်လုံးကို မီးဖိုပေါ်တင်ပြီး ဆီထည့်ပါ။ ဆီပူသည်နှင့် ထောင်းထားတဲ့ပစ္စည်းတွေကိုထည့်ပြီး ဆီသတ်ပါ။ပြီးလျှင် ရေထည့်ပါ။ ရေဆူသည်နှင့် ကြက်သား၊ ကြက်မြစ်ကြက်သည်း၊ စပါးလင်၊ ငရုတ်ကောင်းစေ့၊ ကြက်သားမှုန့်၊ ဆားတို့ထည့်ပြီး ကြက်သားနူးသည်အထိ ပြုတ်ပါ။ ကြက်သားနူးလျှင် ဆယ်ယူပြီး ကြက်တစ်ကောင်လုံးကို ရေအေးအေးတွင် ၁ဝ မိနစ်ခန့်စိမ်ပါ။ ပြီးလျှင် အသားထွင်ပြီး အရိုးများကို ကြက်ပြုတ်ရည်အိုးတွင်ပြန်ထည့်ပြီး ဆက်ပြီးပြုတ်ပါ။ မီးမပြင်းစေဘဲ ၁ နာရီခန့်ပြုပ်ပါ။ ပြီးလျှင် ထိုကြက်ရိုးများကို ဆန်ခါဖြင့်စစ်ထုတ်ပစ်ပါ။
၃။    ငရုတ်သီးစိမ်းကို ကြေညက်အောင်ထောင်းပြီး ပန်းကန်လုံးတစ်လုံးတွင် ကြာဆံအနည်းငယ်ထည့်ပါ။ ပြီးလျှင် ကြက်သား၊ ကြက်ဥ၊ အာလူးထည့်ပြီး ကြက်ပြုတ်ရည်လောင်းထည့်ပါ။ ပြီးလျှင် ငရုတ်သီးထောင်း၊ နံနံပင်၊ ကြက်သွန်နီကြော်ထည့်ပြီး အချဉ်ကြိုက်ပါက သံပရာရည်ညှစ်ပြီး သုံးဆောင်ပါ။

www.facebook.com/Myint Oo Tha


Facebook Comments

Menu