သက်သတ်လွတ် မုန်ညင်းစိမ်းနှင့် မှိုဟင်းလျာ

by အံ့ဝင့်ထွဋ် for Food Magazine

          ဒီဟင်းလျာက သက်သတ်လွတ်စားချင်ကြတဲ့ ပရိသတ်တွေ ကြိုက်နှစ်သက်မယ့် ဟင်းလျာလေးပါ။ လွယ်လည်းလွယ်၊ အရသာလည်းရှိ၊ အာဟာရလည်းရှိတဲ့ ဟင်းလျာ လေးပါ။

ပါဝင်ပစ္စည်းများ

မုန်ညင်းစိမ်း  –  ၂ စည်း

ငွေနှင်းမှို  –  ၃၀ ဂရမ်

ကြက်သွန်ဖြူ  –  ၄ မြွှာ

နှမ်း  –  အနည်းငယ်

ကြက်သွန်ဖြူကြော်  –  အနည်းငယ်

ကြက်သွန်မြိတ်  –  အနည်းငယ်

ပဲငံပြာရည် အကြည်  –  လက်ဖက်ရည်ဇွန်း ၁ ဇွန်း

သကြား  –  အနည်းငယ်

ဆား  –  အနည်းငယ်

ငရုတ်ကောင်းမှုန့်  –  အနည်းငယ်

ဆီ  –  စားပွဲဇွန်း ၁ ဇွန်း

ပြုလုပ်နည်း

၁။       ငွေနှင်းမှိုနှင့် မုန်ညင်းစိမ်းကို ရေဆေးပြီး အနေတော်လှီးဖြတ်ထားပါ။

၂။       ကြက်သွန်ဖြူကို နုပ်နုပ်စဉ်းပြီး ဆီသတ်ပါ။

၃။       အနံ့မွှေးလာပြီဆိုလျှင် မှိုထည့်ပါ။ မှိုကျက်ပြီဆိုလျှင် မုန်ညင်းစိမ်းထည့်ပါ။

၎။       အရသာများ ထည့်ပါ။

၅။       အနံ့အရသာပြည့်စုံပြီဆိုလျှင် နှမ်း၊ ကြက်သွန်ဖြူကြော်နှင့် ကြက်သွန်မြိတ်တို့ကို ထည့်ပြီး သုံးဆောင်နိုင်ပါပြီ။

Facebook Comments