ဝက်သားခရုကြော်နှင့် ကိုက်လန်ဝက်သားခရုကြော် (Stir Fried Pork Tenderloin with Clams & Saute Pork with Clams & Kai-Lan Leaves)

USN_2

USN_3

USN_4

USN_5

          ဒီလအတွက် ဟင်းလျာအသစ်လေးတွေနဲ့ မိတ်ဆက်ပေးဖို့ရွေးချယ်ထားတဲ့ နောက်ထပ်ဟင်းလျာအတွဲလေး

တစ်မျိုးကတော့ ကျွန်တော့်ရဲ့ အစီအစဉ်အသစ်ဖြစ်တဲ့ ‘အခု ချက်အခုစား ဟင်းလျာများ’ ထဲက ‘ဝက်သားခရုကြော်နှင့်

ကိုက်လန်ဝက်သားခရုကြော်’လေးပါ။ ဒီဟင်းလျာအတွဲလေးကတော့ လွယ်ကူပြီး ချက်ပြုတ်ပြင်ဆင်ရတာ မြန်ဆန်တဲ့

တရုတ်ဟင်းလျာပြင်ဆင်နည်းကို အခြေခံထားတာပါ။ ဝက်မိုးခိုသားကို ခုံးခရုအသားနဲ့တွဲပြီး ခရုဆီနဲ့ချက်ထားတာမို့

အရသာထူးပြီး အာဟာရလည်းဖြစ်စေမှာပါ။သာမန်အားဖြင့် ကိုက်လန်ကို ခရုဆီ၊ ဝက်သားတို့နဲ့ တွဲဖက်ပြီးကြော်စား

ကြတာထက် အခုလို ခုံးခရုအသားကိုပါ တွဲဖက်ပြီးကြော်လိုက်တော့ အရသာထူးခြားသွားတာပေါ့။

အဆီပါဝင်မှုနည်းပြီး ပရိုတင်းပါဝင်မှုများတဲ့ ဟင်းလျာလေးမို့ လူငယ်တွေအတွက် ပိုပြီးသင့်တော်မယ်လို့ထင်ပါတယ်။

ဒီလိုဟင်းလျာလေးတွေက စားခါနီးမှ မြန်မြန်ဆန်ဆန် ပြင်ဆင်ချက်ပြုတ်ပြီး ထမင်းဖြူလေးနဲ့  ပူပူလေး စားသုံးသင့်တာမို့

မိသားစုတွေအတွက် အားရကျေနပ်မှုရစေမှာပါ။ ကဲ . . .   စချက်ကြရအောင်…။

►    ဝက်သားခရုကြော်    >>   ပါဝင်ပစ္စည်းများ

♦    ဝက်မိုးခိုသား    –   ၂ဝ ကျပ်သား

♦    သံပရာသီး     –     ၁ လုံး

♦    ကြက်သွန်ဖြူ    –   ၃ တက်

♦    ချင်း    –   အနည်းငယ်

♦   ငရုတ်ကောင်းမှုန့်    –    အနည်းငယ်

♦    ကြက်သားမှုန့်    –    ၁ ဇွန်း

♦    ခရုဆီ    –     ၃ ဇွန်း

♦    ခုံးခရုအသား     –     အနည်းငယ်

♦    ကြက်သွန်နီ    –     ၂ လုံး

♦    ကုဆိုင်    –     အနည်းငယ်

♦    ပဲဆီသန့်    –    ၂ ဇွန်း

♦     ငရုတ်ကောင်းမှုန့်    –     အနည်းငယ်

♦     ဆန်အရက်     –      အနည်းငယ်

♦     ဆလတ်ရွက်   –     အနည်းငယ်

 

►    ဝက်သားခရုကြော်   >>    ချက်ပြုတ်ပုံအညွှန်း

၁။       ဝက်မိုးခိုသားကို အရွတ်ထုတ်ပြီး ပါးပါးလှီးပါ။

၂။       လှီးထားသော ဝက်မိုးခိုသားကို သံပရာရည်၊ ကြက်သွန်ဖြူ၊ ၊ ချင်း၊ ငရုတ်ကောင်းမှုန့်၊ အသားမှုန့်နှင့်

          ခရုဆီအနည်းငယ်တို့ဖြင့် အရသာသွင်းပါ။

၃။       သန့်စင်ထားသော ခုံးခရုအသားကို သံပရာရည်၊ ဆား၊ ငရုတ်ကောင်းမှုန့်၊ အနည်းငယ်တို့ဖြင့်

           အရသာသွင်းပါ။

၎။       အိုးထဲသို့ ပဲဆီထည့်ပြီး ကြက်သွန်နီ၊ အရသာသွင်းထားသော ခုံးခရုအသား၊ ဝက်မိုးခိုသားတို့

           ထည့်ချက်ပါ။

၅။       ခုံးခရုအသားနူးလျှင် ဆန်အရက်နှင့် မီးသင်းပြီး ခရုဆီ၊ ကုဆိုင်အုပ်၍ ဆလတ်ရွက်နှင့် တွဲ၍

           သုံးဆောင်နိုင်ပါသည်။

►    ကိုက်လန်ဝက်သားခရုကြော်   >>    ပါဝင်ပစ္စည်းများ

♦   ကိုက်လန်ရွက်   –    ၁ စည်း

♦   ရေနွေး    –    ၁ဝဝ မီလီလီတာ

♦   ဝက်မိုးခိုသား    –   ၂ဝ ကျပ်သား

♦   ခုံးခရုအသား    –    အနည်းငယ်

♦   သံပရာသီး   –     ၁ လုံး

♦   ကြက်သွန်ဖြူ   –    ၃ တက်

♦   ချင်း    –     အနည်းငယ်

♦   ငရုတ်ကောင်းမှုန့်   –   အနည်းငယ်

♦   ကြက်သားမှုန့်    –    ၁ ဇွန်း

♦   ခရုဆီ    –    ၃ ဇွန်း

♦   နှမ်းဆီမွှေး   –   အနည်းငယ်

 

►    ကိုက်လန်ဝက်သားခရုကြော်    >>    ချက်ပြုတ်ပုံအညွှန်း

၁။       သန့်စင်ထားသော ကိုက်လန်အရွက်များကို ရေနွေးတွင် (၁) မိနစ်ခန့်ပြုတ်ပါ။

၂။       အသင့်ကြော်ထားသော ဝက်သားခရုကြော်ထဲသို့ ပြုတ်ထားသော ကိုက်လန်ရွက်များကို ထည့်ပါ။

၃။       ထို့နောက် ရေနွေးအနည်းငယ်ထည့်၍ ကြော်ပါ။

၎။       နှမ်းဆီမွှေးအနည်းငယ်ထည့်ပြီး ကိုက်လန်ဝက်သားခရုကြော်ကို သုံးဆောင်နိုင်ပါသည်။

www.facebook.com/Sunny Angelo

Facebook Comments