မုန့်လုံးကြော်ကတော့ ကျွန်မအလွန်နှစ်သက်ပြီး ခဏခဏ လုပ်စားဖြစ်တဲ့ မုန့်လေးပါ။ ကျွန်မက အုန်းသီးနဲ့လုပ်တဲ့မုန့်မှန်သမျှ အကုန်ကြိုက်ပါတယ်။ အုန်းသီးဋ္ဌာပနာထားပြီဆိုရင် ပိုလို့တောင် ကြိုက်ပါတယ်။

►   ပါဝင်ပစ္စည်းများ

♦   ကောက်ညှင်းမှုန့်     –         ဟင်းချက်ဇွန်း ၅ ဇွန်း

♦   ဆန်မှုန့်                   –         ဟင်းချက်ဇွန်း ၂ ဇွန်း

♦   ဆား                       –         နည်းနည်း

♦   သကြား                  –         ဟင်းချက်ဇွန်း ၁ ဇွန်း

♦   အုန်းသီးဖတ်          –         ဆန်ချိန်ခွက် ၁ ခွက်

 

►   ပြုလုပ်နည်း

၁။   သကြားများများနဲ့ အုန်းသီးကို ဒယ်ပေါ်မှာ သကြားပွင့် ပျောက်သွားရုံ လှိမ့်ထားပေးပါ။

၂။    ကောက်ညှင်းနဲ့ ဆန်မှုန့်ကို ရေအေး (စားပွဲဇွန်း ၅ ဇွန်း)ဖြင့်နယ်ပြီး ၂ နာရီခန့် မုန့် သားပေါက်အောင် နှပ်ထားလိုက်ပါ။ ဆားနည်းနည်းနဲ့ ထည့်နယ်ရပါမယ်။

၃။   ၂ နာရီပြည့်လို့ မုန့်သားပေါက်ပြီဆိုရင် မုန့်သားအနည်းငယ်ကို လက်ပေါ်တင် ပြားလိုက်ပါ။ အုန်းယိုကို အလယ်မှာ ဌာပနာထည့်ပြီး လုံးလိုက်ပါ။ ဆီပူပူမှာ မြုပ်အောင် မီးအေးအေးနဲ့ ကြော်ပေးပါ။ မုန့်သားနီရောင်သမ်း ရင် ဆယ်ပြီးသုံးဆောင်လို့ရပါပြီ။

http://htetfamily.com/ and www.facebook.com/Danuphyu Daw Saw Yee – Ei Thet

---