မက်ကရယ်ငါးနှင့် ပန်းသီးစိမ်းအစပ်သုပ် (Mackerel and Apple Spicy Salad)

by Syi Lwin (Foodsgarden) for Food magazine

          ဒီအသုပ်ကတော့ တစ်နှစ်ပတ်လုံး လုပ်စားလို့ရပါတယ်။ ဆိုလိုတာက တစ်နှစ်ပတ်လုံး ကျန်းမာရေးအတွက် လိုက်စားနေကြသူတွေ၊ ဝိတ်တက်မှာ ကြည့်နေကြသူတွေအတွက် အကောင်းဆုံး အသုပ်ပါ။

ပါဝင်ပစ္စည်းများ

မက်ကရယ်ငါးဘူး  –  ၁ ဘူး (ရေစစ်ထားပါ)

ဆလတ်ရွက်  –  ၄ ရွက်

ဂေါ်ဖီ  –  ၁/၂ ခွက် (ခပ်ပါးပါး လှီးထားပါ)

သံပရာရည်  –  လိုသလောက်

ပန်းသီးစိမ်း   –  ၁ ခြမ်း (အချောင်းလိုက်လေးတွေ ခြစ်ထားပါ)

ကြက်သွန်နီ  –  ၁ လုံး (အကွင်းလိုက်လေး ပါးပါးလှီးထားပါ)

နံနံပင်  –  ၂ ပင် ( ခပ်ကြမ်းကြမ်းလှီးထားပါ)

ငံပြာရည်  –  လက်ဖက်ဇွန်း ၁/၂ ဇွန်း

ငရုတ်သီးစိမ်း  –  ၃ တောင့် (ပါးပါးလှီးထားပါ)

ဆား  –  အနည်းငယ်

ပြုလုပ်နည်း

          ဖန်ဇလုံအကြီးထဲ ဆလတ်ရွက်မှလွဲ၍ ပါဝင်ပစ္စည်းများ အားလုံးထည့်ပြီး နှံ့အောင် ခပ်ဖွဖွ နယ်ပြီးလျှင် စားမြည်းပြီး အချဉ်၊ အငန်၊ အစပ် လိုတာထပ်ဖြည့်ပါ။ စားသုံးရန်မှာ ပန်းကန်ထဲ ဆလတ်ရွက်ခင်းကာ အပေါ်မှ ငါးသုပ်များထည့်ပြီး သုံးဆောင်ပါ။ ချက်ချင်းသုံးဆောင်ပါ။

www.facebook.com/Syi Foodsgarden

Facebook Comments