ဘဲဥသီးစုံပဲကုလားဟင်း

ဘဲဥသီးစုံပဲကုလားဟင်း

   ပါဝင်ပစ္စည်းများ

♦   ဘဲဥ   –   ၆ လုံး

♦   ကုလားပဲ   –   ၁၅၀ ဂရမ်

♦   မုန်လာဥနီ   –   ၁ လုံး (၇၀ ဂရမ်)

♦   ရွှေဖရုံသီး   –   ၇၀ ဂရမ်

♦   ဘူးသီး   –   ၇၀ ဂရမ်

♦   ရုံးပတီသီး   –   ၇၀ ဂရမ်

♦   ပျဉ်းတော်သိမ်ရွက်   –   အနည်းငယ်

♦   ကြက်သွန်နီ   –   ၂ လုံး

♦   ကြက်သွန်ဖြူ   –   ၇ တက်ခန့်

♦   ချင်း   –   ၅၀ ဂရမ်

♦   ငရုတ်နှစ်   –   စားပွဲဇွန်း ၁ ဇွန်း

♦   ဟင်းခတ်မှုန့်   –   စားပွဲဇွန်း ၁ ဇွန်း

♦   သကြား   –    လက်ဖက်ရည်ဇွန်း ၁ ဇွန်း

♦   ဆား    –   လက်ဖက်ရည်ဇွန်း ၁ ဇွန်း

♦   ငံပြာရည်   –   စားပွဲဇွန်း ၁ ဇွန်း

♦   ဆီ   –   စားပွဲဇွန်း ၅ ဇွန်း

♦   ရေ   –   ၁ လီတာ

   ပြုလုပ်နည်းအဆင့်ဆင့်

၁။      ဘဲဥကိုပြုတ်ပြီး အခွံခွာပြီးလျှင် ဓားဖြင့်အရာလေးများ မွှန်းထားပါ။

၂။      ကုလားပဲကို မချက်ခင် ၁ နာရီခန့်လောက် ရေစိမ်ထားပေးပါ။

၃။      မုန်လာဥနီ၊ ဘူးသီး၊ ရွှေဖရုံသီးနှင့် ရုံးပတီသီးများကို အနေတော်အတုံးများ တုံးထားပေးပါ။

၎။      အဆင်သင့်ဖြစ်ပြီဆိုရင်တော့ ဒယ်အိုးထဲမှာ ကြက်သွန်နီ၊ ကြက်သွန်ဖြူနှင့် ချင်းတို့ကို ဆီသတ်ပေးပါ။ အနံ့ မွှေးလာပြီဆိုရင်တော့ ငရုတ်နှစ်ထည့်ပြီး ဆီသတ်ပေးပါ။ အရသာရှိစေရန်အတွက် အရသာအနည်း ငယ်ထည့်လိုပါတယ်။

၅။      အရောင်အနံ့ရပြီဆိုရင်တော့ ပျဉ်းတော်သိမ်ရွက် အနည်းငယ်ထည့်ပေးပါ။

၆။      ပြီးသွားပြီဆိုရင်တော့ ကုလားပဲကို ထည့်ပြီးဆီအနည်းငယ်သတ်ပေးပါ။ ပြီးရင်တော့ ပဲနူးစေဖို့အတွက် ရေထည့်ပြီး ပဲနူးလာတဲ့အထိ ချက်ပေးပါ။

၇။      ပဲနူးလာပြီဆိုရင်တော့ ဘဲဥထည့်ပေးပါ။ အရသာများထည့်ပေးပါ။ အသီးအနှံများ ထည့်ပေးပါ။

၈။      ပဲလည်းနူး၊ အသီးအနှံများလည်း နူးလာပြီဆိုရင်တော့ ပျဉ်းတော်သိမ်ရွက်ထည့်ပြီး သုံးဆောင်နိုင်ပါပြီ။

၉။      ဟင်းရဲ့အရသာကတော့ ပဲရဲ့ဆိမ့်တဲ့အရသာ ပျဉ်းတော်သိမ်ရွက်ရဲ့ မွှေးတဲ့အနံ့လေးလည်း ရှိနေမှာပဲဖြစ်ပါတယ်။

*        တွဲဖက်စားဖို့ကတော့ ဘာလချောင်ကြော်လေးပဲ ဖြစ်ပါတယ်ဗျာ။

*        မဆလာထည့်ပြီး ချက်ချင်တယ်ဆိုရင်လည်း ချက်လို့ရပါတယ်ခင်ဗျာ။

♦   အံ့ဝင့်ထွဋ် (MRTV-4)   ♦

Facebook Comments