ပိုတက်စီယမ် (Potassium) ကြွယ်ဝသော အစားအစာများနှင့် ကျန်းမာရေး

by ဒေါက်တာလှကြည် for Food Magazine

          ပိုတက်စီယမ် (Potassium) နှင့် ဆိုဒီယမ် (Sodium) ဟာ လူ့ခန္ဓာကိုယ်အတွက် အရေးပါတဲ့ သတ္တုအာဟာရ နှစ်မျိုးဖြစ်ပါတယ်။ ဆိုဒီယမ် (အငန်) စားသုံးမှုများခြင်းနှင့် သွေးတိုးရောဂါ၊ နှလုံးသွေးကြောရောဂါများ၊ လေဖြတ် လေငန်းရောဂါများ ဖြစ်ပွားခြင်းတို့ရဲ့ ဆက်နွှယ်ပုံ ဗဟုသုတတွေဟာ လူအတော်များများမှာ ရှိနေကြပါပြီ။ စာရှုသူအချို့ ဗဟုသုတနည်းနေသေးတာက ပိုတက်စီယမ်အကြောင်း ဖြစ်မယ်လို့ ထင်ပါတယ်။

          ပိုတက်စီယမ်က သွေးပေါင်ချိန်ကို ထိန်းပေးနိုင်တယ်။ သွေးထဲမှာ ပိုတက်စီယမ် နည်းလွန်းခြင်း၊ များလွန်းခြင်းတို့ကြောင့် နှလုံးခုန် မမှန်ခြင်းမှအစ နှလုံးခုန်ရပ်သွားပြီး ရုတ်တရက် အသက်သေဆုံးသည်အထိ ဖြစ်နိုင်တယ်ဆိုတာ သိရင်တော့ ပိုတက်စီယမ်အကြောင်းကို လူတွေ စိတ်ဝင်စားလာလိမ့်မယ်လို့ ထင်ပါတယ်။

          ပိုတက်စီယမ်ဟာ ခန္ဓာကိုယ်ထဲမှာ အော်ဂဲနစ် (organic) ဓာတ်ပေါင်းတွေ၊ အော်ဂဲနစ် မဟုတ်တဲ့ (inorganic) ဓာတ်ပေါင်းတွေ၊ အိုင်းယွန်း (Ion) တွေ စသည် ဖြင့် အသွင်အမျိုးမျိုးနဲ့ ရှိနေပါတယ်။ ဇီဝလုပ်ငန်းတွေမှာ ပါဝင်ပတ်သက်နေတဲ့ ဓာတ်ပေါင်းတွေကို အော်ဂဲနစ်လို့ ပြောပြီး ဇီဝလုပ်ငန်းများနှင့် မပတ်သက်လျှင် အော်ဂဲနစ် မဟုတ်ဘူးလို့ ပြောကြပါတယ်။ ဥပမာ-ကာဘိုနိတ် (carbonate) နှင့် ပေါင်းနေတဲ့ ပိုတက်စီယမ် ကာဘိုနိတ်ဟာ အော်ဂဲနစ်မဟုတ်တဲ့ ဓာတ်ပေါင်းတစ်မျိုးဖြစ်ပြီး ဆစ်ထရိတ် (citrate) နှင့် ပေါင်းနေတဲ့ ပိုတက်စီယမ် ဆစ်ထရိတ်ဟာ အော်ဂဲနစ်ဓာတ်ပေါင်းတစ်မျိုး ဖြစ်ပါတယ်။ ကာဘိုနိတ်၊ ဆစ်ထရိတ် စတာတွေနှင့် ပေါင်းမနေဘဲ ပိုတက်စီယမ်တစ်မျိုးတည်း အထီးတည်း ရေထဲမှာ ပျော်ဝင်နေတာကို ပိုတက်စီယမ်အိုင်းယွန်းလို့ ခေါ်ပါတယ်။K+ လို့ ရေးပါတယ်။ လျှပ်စစ်အဖိုဓာတ်စီးနေတဲ့ လျှပ်လိုက်ပစ္စည်း (eletrolyte – အီလက်ထရိုလိုက်)  လို့လည်း သိထားသင့်ပါတယ်။ ခန္ဓာကိုယ် ဆဲလ် (cell-ရုပ်ကလာပ်စည်း) တွေ၊ အထူးသဖြင့် ကြွက်သားနှင့် အာရုံကြောတွေရဲ့ လုပ်ငန်းတွေမှာ ပိုတက်စီယမ်အိုင်းယွန်းတွေရဲ့ ကဏ္ဍဟာ အလွန်အရေးကြီးပါတယ်။

          ဆဲလ်တွေဟာ ပုံမှန်အလုပ်လုပ်နိုင်ဖို့ ပိုတက်စီယမ်နှင့် ဆိုဒီယမ်တွေ အလုံအလောက် ရှိနေရပါတယ်။ ဆဲလ်တိုင်းမှာ ပတ်ပတ်လည် အမြှေး (cell membrane) ကလေးနှင့် ကာရံထားပါတယ်။ အမြှေးရဲ့ အတွင်းပိုင်းမှာရော အပြင်ပိုင်းမှာပါ ဆိုဒီယမ် (Na+) နှင့် ပိုတက်စီယမ် (K+) တို့ ရှိနေပါတယ်။ အတွင်းပိုင်းမှာ ပိုတက်စီယမ်က ပိုများပြီး အပြင်ပိုင်းမှာ ဆိုဒီယမ်က ပိုများပါတယ်။

          ကြွက်သားဆဲလ်တွေရဲ့ အမြှေးကို ဖြတ်သန်းပြီး ပိုတက်စီယမ်နှင့် ဆိုဒီယမ်အိုင်းယွန်းတွေ အဝင်အထွက် လုပ်ခြင်းက နှလုံးကြွက်သားတွေ ကျုံ့ခြင်း၊ ဆန့်ခြင်း (နှလုံးခုန်ခြင်း) ခြေတွေ၊ လက်တွေ ကွေးခြင်း၊ ဆန့်ခြင်း လုပ်ငန်းတွေကို စတင်ဖို့ လှုံ့ဆော်ပေးပါတယ်။ ရှင်းပြရခက်တဲ့ ဒီလုပ်ငန်းစဉ်မှာ မဖြစ်မနေ သိထားသင့်တာက ခန္ဓာကိုယ်ထဲမှာ ပိုတက်စီယမ်ပမာဏ ပုံမှန်ရှိသင့်တာထက် နည်းလွန်းနေခြင်း၊ များလွန်းနေခြင်းတို့က နှလုံးခုန်မမှန်ခြင်း၊ နှလုံးရပ်သွားခြင်း စသည်တို့ကို ဖြစ်စေပြီး အသက်အန္တရာယ်ပြုနိုင်တယ်ဆိုတဲ့ အချက်လည်း ဖြစ်ပါတယ်။

သွေးပေါင်ချိန်နှင့် ပိုတက်စီယမ်

          ဆိုဒီယမ်စားသုံးမှုများခြင်းဟာ သွေးပေါင်ချိန်တက်ခြင်းနှင့် ဆက်နွှယ်နေတယ်ဆိုတာ လူအများ သိနေကြပါပြီ။ ပိုတက်စီယမ်က သွေးကြောကလေးတွေရဲ့ထုကို ပြုပြင်ပေးခြင်းအားဖြင့် သွေးပေါင်ချိန်ကို မတက်အောင် ထိန်းပေးနိုင်တယ်ဆိုတာကိုတော့ သိသူနည်းပါတယ်။ ဆိုဒီယမ်များတဲ့ အိမ်သုံးဆားနှင့် အငန်အရသာရှိတဲ့ အစားအစာတွေကို လျှော့စားရမယ်ဆိုတာ လူတွေသိနေကြပေမယ့် ပိုတက်စီယမ်ြွကယ်ဝတဲ့ အစားအစာတွေ များများစားရ မယ်ဆိုတာကိုတော့ သိသူနည်းနေပါသေးတယ်။

ပိုတက်စီယမ်၏  အခြားလုပ်ငန်းများ

          နှလုံးခုန်တဲ့ လုပ်ငန်း၊ြွကက်သားတွေရဲ့လုပ်ငန်း၊ အာရုံကြောတွေရဲ့ လုပ်ငန်းတွေမှာ ပါဝင်ခြင်း၊ သွေးပေါင် ချိန်ထိန်းရာမှာ ပါဝင်ခြင်းတို့အပြင် ပိုတက်စီယမ်ဟာ အမိုင်နိုအက်ဆစ် (amino acid) တွေကနေ ပရိုတင်းတွေဖြစ်လာအောင် တည်ဆောက်တဲ့ လုပ်ငန်းစဉ်မှာလည်း ပါဝင်ရပါတယ်။ ဒါကြောင့် ကြွက်သားတွေတည်ဆောက်မှု၊ ခန္ဓာကိုယ်ကြီးထွားမှုတို့အတွက် ပိုတက်စီယမ်ဟာ အရေးကြီးပါတယ်။ ဂလူးကို့စ်သကြားကို ခန္ဓာကိုယ်က လတ်တလော အသုံးမပြုနိုင်သေးလို့ အသည်းနှင့် ကြွက်သားဆဲလ်တွေထဲမှာ ဂလူးကို့စ်ကို ဂလိုက်ကိုဂျင် (glycogen) ဓာတ်ပေါင်းအဖြစ် သိုလှောင်သိမ်းဆည်းတဲ့ လုပ်ငန်းမှာလည်း ပိုတက်စီယမ် ပါဝင်ရပါတယ်။

အစားအသောက်များထဲက ပိုတက်စီယမ်

          ပိုတက်စီယမ်ကြွယ်ဝတဲ့ အစားအစာတွေ အများအပြား ရှိပါတယ်။ အသီးအရွက်တွေမှာ သဘာဝအားဖြင့် ပိုတက်စီယမ်များပြီး ဆိုဒီယမ်ပါဝင်မှု နည်းပါတယ်။ ဒါပေမဲ့ အသီးမှန်ရင် ပိုတက်စီယမ်များမှာပဲလို့ လုံးထွေးပြီး မှတ်မထားသင့်ပါဘူး။ အသီးတွေကို ပိုတက်စီယမ်ပါဝင်မှု အနည်းအများအလိုက် သိထားသင့်ပါတယ်။

          ငှက်ပျောသီး၊ ထောပတ်သီး၊ သင်္ဘောသီးနှင့် ခရမ်း ချဉ်သီးတို့မှာ ပိုတက်စီယမ် အလွန်ကြွယ်ဝပါတယ်။ ငှက်ပျောသီး တစ်နေ့တစ်လုံးစားသူမှာ ပိုတက်စီယမ် ချို့တဲ့ဖို့ ခဲယဉ်းပါတယ်။

          လိမ္မော်သီး၊ လိမ္မော်ရည်၊ အုန်းရည်၊ သစ်တော်သီး၊ ဂရိတ်ဖရု၊ ရွှေဖရုံသီးနှင့် မုန်လာဥနီတို့ကလည်း ပိုတက် စီယမ် ကြွယ်ဝကြပါတယ်။

          ပန်းသီး၊ နာနတ်သီး၊ စပျစ်သီး၊ စတော်ဘယ်ရီသီးတို့က  ပိုတက်စီယမ် အတန်အသင့် ကြွယ်ဝတဲ့ အသီးတွေ ဖြစ်ပါတယ်။

          သံပရာသီး၊ သံပရိုသီးနှင့် သခွားသီးတို့မှာ ပိုတက်စီယမ်များများ မပါပါဘူး။

          ဆလတ်ရွက်၊ အာလူး (အထူးသဖြင့် အခွံ)၊ ပန်းဂေါ်ဖီစိမ်း စတဲ့ ဟင်းသီးဟင်းရွက်တွေနှင့် ပဲအမျိုးမျိုးမှာလည်း ပိုတက်စီယမ် ပါပါတယ်။ ဆန်လုံးညို၊ ဂျုံကြမ်းစတဲ့ လုံးတီး ကောက်နှံ၊ အဆန်အစေ့တွေနှင့် စပျစ်သီးခြောက်မှာလည်း ပိုတက်စီယမ် ကြွယ်ဝပါတယ်။

          ဆာလ်မွန် (salmon) ငါး၊ ဆာဒင်း (sardine) ငါးနှင့် ငါးကြီးဆီထုတ်လို့ရတဲ့ ငါးမှာ ပိုတက်စီယမ် ကြွယ်ဝပါတယ်။ အသားတွေမှာ သဘာဝအားဖြင့် ဆိုဒီယမ်ထက် ပိုတက်စီယမ် ပိုများပါတယ်။

သဘာဝအစားအစာများနှင့် ပြုပြင်ချက်ပြုတ်ထားသည့် အစားအစာများ

          အသီးအရွက်၊ အသားငါးတွေမှာ သဘာဝအတိုင်းဆိုရင် သွေးပေါင်ချိန် ထိန်းပေးနိုင်တဲ့ ပိုတက်စီယမ်က များပြီး သွေးပေါင်ချိန်တက်စေတဲ့ ဆိုဒီယမ်က နည်းပါတယ်။ ဒါဟာ လူတွေရဲ့ ကျန်းမာရေးအတွက် အလွန်ကောင်းပါတယ်။ ဒါပေမဲ့ လူတွေရဲ့ ပါးစပ်ထဲကို အစားအစာတွေ ရောက်လာတဲ့အချိန်မှာ ဒီအခြေအနေဟာ ပြောင်းပြန်ဖြစ်နေပါပြီ။ ဆားမပါတဲ့ဟင်းဟာ အရသာမရှိဘူးဆိုပြီး အစားအစာတွေကို အရသာရှိအောင် ဆား (ငံပြာရည်) ထည့်ချက်ကြပါတယ်။ ဆားပန်းကန်နှင့် ငံပြာရည်ပုလင်းကို ထမင်းစားပွဲမှာ၊ မုန့်ဟင်းခါးဆိုင် စားပွဲမှာ အဆင်သင့်ထားပြီး ထပ်ထည့်ကြပါတယ်။ ငါးပိ၊ ပုစွန်ငါးပိ၊  ငါးခြောက်၊ ငါးဆားနယ်၊ ဆားရည်စိမ်ထားတဲ့ ဘဲဥ၊ အသီးအရွက်တို့ကို စားနေကျသူတွေမှာ ဆိုဒီယမ်စားသုံးမှုဟာ ကျန်းမာရေးကို ထိခိုက်လောက်အောင် များနိုင်ပါတယ်။ အိမ်မှာ ကိုယ်တိုင်ချက်တဲ့ အစားအစာတွေမှာ ဆားပါဝင်မှုကို လျှော့နိုင်၊ ထိန်းနိုင်ပေမယ့် ဆိုင်တွေမှာ ရောင်းချတဲ့ အစားအစာတွေကို ဝယ်စားနေရသူတွေအနေနဲ့ ဆိုဒီယမ်စားသုံးမှုကို ထိန်းချုပ်ဖို့ မလွယ်ပါဘူး။ ဒီလို အစာတွေစားပြီးတိုင်း ပိုတက်စီယမ်ကြွယ်ဝတဲ့ အစားအစာတွေ၊ အသီးအရွက်တွေကို စားသင့်ပါတယ်။ အသီးဖျော်ရည်တွေ သောက်သင့်ပါတယ်။

          အစားအစာတွေကို ချက်ပြုတ်ရာမှာ ဆေးကြောရင်း ပိုတက်စီယမ်တွေဟာ သွန်ပစ်တဲ့ ရေထဲမှာ ပါသွားနိုင် ပါတယ်။ ချက်ပြုတ်ရင်း အငွေ့ပြန်သွားတဲ့ ရေထဲမှာ ပါသွားနိုင်ပါတယ်။ အသီးအရွက်တွေကို ရေနှင့်ချက်ပြုတ်တာ၊ စည်သွတ်တာတွေက ပိုတက်စီယမ်ဆုံးရှုံးမှုများပြီး အအေးခံထားတာက ဆုံးရှုံးမှု နည်းပါတယ်။

          စားလိုက်တဲ့ အစားအစာတွေထဲက ပိုတက်စီယမ် စုစုပေါင်းရဲ့  ၉၀ ရာခိုင်နှုန်းလောက်အထိ သွေးထဲရောက်အောင် စုပ်ယူနိုင်ပါတယ်။

ခန္ဓာကိုယ်ထဲရှိ  ပိုတက်စီယမ်

          ခန္ဓာကိုယ်ထဲမှာ ပိုတက်စီယမ်တွေ ရှိနေပုံကို အထက်မှာ ပြောခဲ့ပါပြီ။ ပိုနေတဲ့ ပိုတက်စီယမ်တွေဟာ ဆီးထဲကနေ အများဆုံး ထွက်သွားပါတယ်။ ချွေးကနေ ထွက်သွားတာလည်း ရှိပါတယ်။ ချွေးထွက်များတဲ့အခါ သောက်ရေထဲမှာ ဆားထည့်ပြီး ဖျော်သောက်ရင် ရေနှင့် ဆိုဒီယမ်သာ ရနိုင်ပါတယ်။ လိမ္မော်ရည်လို သစ်သီးရည် သောက်ရင်တော့ ရေနှင့်ဆိုဒီယမ်အပြင် ပိုတက်စီယမ် လည်း ရနိုင်တာမို့ ပိုကောင်းပါတယ်။ အစားအသောက် တွေမှာပါတဲ့ ပိုတက်စီယမ်ပမာဏဟာ တစ်နေ့နှင့်တစ်နေ့ ကွာခြားမှုရှိပေမယ့် ခန္ဓာကိုယ်ထဲမှာ၊ သွေးထဲမှာ လိုသလောက်သာရှိနေအောင် အဓိကအားဖြင့် ကျောက်ကပ်တွေက ထိန်းပေးပါတယ်။ ပိုတက်စီယမ်တွေ ဆီးထဲကနေ များများထွက်သွားအောင် အယ်လ်ဒိုစတီရုံး (aldosterone) ဆိုတဲ့ ဟော်မုန်းက ကူညီပေးပါတယ်။ အယ်လ်ဒို စတီရုံးကို ကျောက်ကပ်ပေါ်မှာ တည်ရှိနေတဲ့ အက်ဒရီ နယ်ဂလင်း (adrenal gland) ဆိုတဲ့ အကျိတ်ကလေးက ထုတ်လုပ်ပေးပါတယ်။

          ခန္ဓာကိုယ်ထဲမှာ ဆိုဒီယမ်နည်းနေရင် ကျောက်ကပ်တွေက စွန့်ထုတ်မှုလုပ်ငန်းကို လျှော့လိုက်ပြီး ဆိုဒီယမ် တွေကို ပြန်စုပ်ယူထားကြပါတယ်။ ဒါပေမဲ့ ခန္ဓာကိုယ်ထဲမှာ ပိုတက်စီယမ် နည်းနေလို့ ကျောက်ကပ်တွေက ပြန်စုပ်ထားတဲ့ စနစ်တော့ မရှိပါဘူး။ ခန္ဓာကိုယ်ထဲမှာ ပိုတက်စီ ယမ်နည်းနေလျက်နှင့် ကျောက်ကပ်တွေက စွန့်ထုတ်မြဲ စွန့်ထုတ်နေတတ်ပါတယ်။

          ကော်ဖီသောက်ခြင်း၊ ကဖိန်း (caffeine) ပါတဲ့ အရည်တွေ သောက်ခြင်း၊ အရက်သောက်ခြင်း၊ သကြားစားခြင်း၊ အချို့သောဆီးဆေးတွေ သောက်ခြင်းတို့ကြောင့်လည်း ပိုတက်စီယမ်တွေ ဆီးထဲကနေ ထွက်သွားနိုင်ပါတယ်။ ဝမ်းပျက်ဝမ်းလျှောတဲ့အခါမှာလည်း မစင်တွေနှင့်အတူ ပိုတက်စီယမ်တွေ ပါသွားပါတယ်။

ခန္ဓာကိုယ်မှာ ပိုတက်စီယမ် များနေခြင်း

          ခန္ဓာကိုယ်မှာ ပိုတက်စီယမ် များလွန်းခြင်းက အသက်ကိုပင် အန္တရာယ်ပြုနိုင်ပါတယ်။ ဒါကြောင့် သွေးအတွင်း ပိုတက်စီယမ်ပမာဏကို စစ်ဆေးကြည့်တဲ့အခါ ပုံမှန် အတိုင်းအတာ ဘောင် (normal range) အတွင်းမှာ ရှိနေဖို့ အရေးကြီးပါတယ်။ ကျန်းမာနေတဲ့ လူတစ်ယောက်မှာ ပိုတက်စီယမ်ပါတဲ့ အစားအစာတွေ စားသုံးမှုများရုံနှင့် သွေးထဲမှာ ပိုတက်စီယမ် များမလာပါဘူး။  ကျောက်ကပ်က ပိုသမျှကို ထိထိရောက်ရောက် ထုတ်ပစ်နိုင်ပါတယ်။ သွေးထဲမှာ ပိုတက်စီယမ်များနေစေနိုင်တဲ့ အကြောင်းရင်းတွေ ရှိပါတယ်။

          အဖြစ်နိုင်ဆုံးက ကျောက်ကပ်က ထိထိရောက်ရောက် ထုတ်မပစ်နိုင်ခြင်း ဖြစ်ပါတယ်။ ကူးစက်ရောဂါ ကြီးကြီးမားမားဖြစ်ခြင်း၊ အစာအိမ်နှင့် အူထဲမှာ သွေးယိုခြင်း၊ ခန္ဓာကိုယ်ထဲမှာ ပရိုတင်းတွေ အများအပြား မြန်မြန် ဆန်ဆန် ပြိုကွဲနေခြင်းတို့ကြောင့် သွေးထဲမှာ ပိုတက်စီယမ်တွေ ပုံမှန်ထက် များနေနိုင်ပါတယ်။ သွေးထဲမှာ များနေတဲ့ ပိုတက်စီယမ်ကြောင့် နှလုံးကြွက်သားတွေဟာ ညှစ်ခြင်း၊ ကျုံ့ခြင်းလုပ်ငန်းကို ပုံမှန်မလုပ်နိုင်တော့ဘဲ အသက်အန္တရာယ်ဖြစ်လာနိုင်ပါတယ်။ နှလုံး ပုံမှန်အလုပ်မလုပ်တော့တာကို အီးစီဂျီ (ECG) ရိုက်ကြည့်လျှင် တွေ့နိုင်ပါတယ်။

 ခန္ဓာကိုယ်၌ ပိုတက်စီယမ် နည်းနေခြင်း

          ပိုတက်စီယမ်ပါတဲ့ အစားအစာတွေ စားသုံးမှု လုံလောက်ပေမယ့် ကျောက်ကပ်က ထုတ်ပစ်နေတဲ့ ပမာဏများလွန်းနေရင် ခန္ဓာကိုယ်ထဲမှာ ပိုတက်စီယမ် နည်းလာမှာ ဖြစ်ပါတယ်။ အထူးသဖြင့် သက်ကြီးရွယ်အို တွေနှင့် နာတာရှည်ရောဂါသည်တွေမှာ ဖြစ်ပါတယ်။ သွေးတိုးရောဂါရှိသူတွေ၊ နှလုံးဖောင်းပွ အားကုန်ရောဂါ (congestive heart failure) ဖြစ်နေသူတွေ၊ နှလုံးခုန်ချက် စည်းဝါးမကျသူတွေ (cardiac arrhythmias)၊ စိတ်ကျဝေဒနာနှင့် အခြားစိတ်ရောဂါ (mood changes) အချို့မှာ တွေ့ရနိုင်ပါတယ်။

          ဝမ်းပျက်ဝမ်းလျှောခြင်း၊ အထက်လှန် အောက်လျှောဖြစ်ခြင်းတို့ကြောင့် ပိုတက်စီယမ်နည်းတဲ့ အခြေအနေဟာ မြန်မြန်ဆန်ဆန် ဖြစ်လာနိုင်ပါတယ်။ ဝမ်းပျက်ဝမ်းလျှောတဲ့ ကလေးငယ်လေးတွေမှာ သွေးအတွင်း ပိုတက်စီယမ်နည်းနေသလားဆိုတာ သတိရှိရှိ စောင့်ကြည့်ဖို့ အရေးကြီးပါတယ်။

          ဆီးချိုသွေးချိုရောဂါရှိသူတွေ၊ ကျောက်ကပ်ရောဂါ ရှိသူတွေမှာ သွေးအတွင်း ပိုတက်စီယမ်များတဲ့ အခြေ အနေရော နည်းတဲ့အခြေအနေပါ ဖြစ်လာနိုင်ပါတယ်။

          မှီဝဲနေတဲ့ ဆေးတွေကြောင့် သွေးအတွင်း ပိုတက်စီယမ် နည်းသွားနိုင်ပါတယ်။ ဥပမာ-ဆီးသွားစေတဲ့ဆေး (diuretics) တွေ ဖြစ်ပါတယ်။ ဝမ်းနုတ်ဆေးအချို့၊ အက်စပရင် (aspirin)၊ နှလုံးရောဂါဆေး (digitalis) နှင့် ကော်တီဆုန်း (cortisones) ဆေးအချို့ဟာ ကာလကြာရှည်စွာ စွဲစွဲမြဲမြဲ မှီဝဲနေရင် သွေးထဲမှာ ပိုတက်စီယမ် နည်းလာစေနိုင်တဲ့ အာနိသင် ရှိပါတယ်။

          အပူဒဏ်ခံရခြင်း၊ ချွေးထွက်လွန်ခြင်းတို့ကြောင့် ရေဓာတ်ခန်းခြောက်သူတွေမှာ ဆဲလ်တွေထဲက ပိုတက် စီယမ်တွေဟာ ဆိုဒီယမ်နှင့်အတူ အပြင်ထွက်လာပြီး ဆီးထဲကနေ ထွက်သွားတဲ့အတွက် ပိုတက်စီယမ်နည်းတဲ့ အခြေအနေ ဖြစ်လာနိုင်ပါတယ်။ သူတို့ကို ပိုတက်စီယမ် ဖြည့်ပေးခြင်း၊ ပိုတက်စီယမ်ြွကယ်ဝတဲ့ အစားအသောက်တွေ ကျွေးခြင်း၊ တိုက်ခြင်းအားဖြင့် သက်သာစေနိုင်ပါတယ်။ သကြားစားသုံးမှု များသူတွေမှာလည်း ပိုတက်စီယမ်နည်းတဲ့ အခြေအနေ ဖြစ်လာနိုင်ပါတယ်။

ပိုတက်စီယမ်နည်းခြင်း လက္ဓဏာများ

          ကာလတာရှည် ပိုတက်စီယမ်နည်းနေခြင်းရဲ့ လက္ဓဏာတစ်ခုက ပင်ပန်းနွမ်းလျခြင်း (fatigue) ဖြစ်ပါ တယ်။ စောစောပိုင်းမှာ တွေ့ရတာတွေက ကြွက်သားတွေ အားနည်းခြင်း၊ အလိုအလျောက်တုံ့ပြန်မှု (reflex) တွေ နှေးကွေးခြင်း၊ အသားအရေခန်းခြောက်ခြင်းနှင့် ဝက်ခြံပေါက်ခြင်းတို့ ဖြစ်ပါတယ်။ နောက်ပိုင်းမှာ အာရုံကြောဆိုင်ရာ လက္ခဏာတွေ၊ အိပ်မပျော်ခြင်း၊ နှလုံးခုန်နှုန်း နှေးခြင်း၊ နှလုံးခုန်ချက် စည်းဝါးမမှန်ခြင်းတို့ ဖြစ်လာနိုင်ပါတယ်။

          ဝမ်းပျက်ဝမ်းလျှောတဲ့ မြန်မာကလေးငယ်အချို့မှာ ကြွက်သားတွေအားနည်းပြီး ဦးခေါင်းကို မတ်မတ်ထောင် မထားနိုင်တော့တာမျိုး တွေ့ဖူးပါတယ်။ အရပ်ထဲမှာတော့ “ကုပ်ကျိုးတယ်” လို့ ပြောတတ်ပါတယ်။ ပါးစပ်မှ ပိုတက်စီယမ် ဖြည့်ပေးလိုက်ရင် ကလေးက မြန်မြန်ဆန်ဆန် ဦးခေါင်းပြန်ထောင်လာနိုင်တာ တွေ့ရပါတယ်။ WHO ဖော်မြူလာ ဓာတ်ဆားထုပ်မှာ ပိုတက်စီယမ်ပါတဲ့အတွက် ဓာတ်ဆားအလုံအလောက် တိုက်ထားတဲ့ ကလေးတွေမှာ အဲဒါမျိုး မတွေ့ရပါဘူး။

          ရုတ်တရက် ပိုတက်စီယမ်နည်းသွားတဲ့ အခြေအနေမျိုးမှာ နှလုံးခုန်မှုစည်းချက် ပျက်နိုင်ပါတယ်။ ဆိုးဆိုးရွားရွား ပိုတက်စီယမ်နည်းနေမှုကြောင့် ကြွက်သားတွေ အားနည်းလာခြင်း၊ နှလုံးခုန်နှုန်း နှေးကွေးလာခြင်းနှင့် အသက်သေဆုံးသည်အထိ ဖြစ်နိုင်ပါတယ်။ ပိုတက်စီယမ်နည်းနေတဲ့အတွက် ခန္ဓာကိုယ်ရဲ့ ဂလူးကို့စ် သကြားသုံးစွဲမှုလုပ်ငန်း ချို့ယွင်းပြီး သွေးထဲမှာ ဂလူးကို့စ် သကြားပမာဏ များလာနိုင်ပါတယ်။

ပိုတက်စီယမ် ဖြည့်ပေးခြင်း (Potassium Supplements)

          သွေးတိုးရောဂါ၊ ဖောရောင်တဲ့ရောဂါတွေမှာပေးတဲ့ ဆီးသွားများစေတဲ့ ဆေးအချို့ကြောင့် ဆီးထဲကနေ ပိုတက်စီယမ် ဆုံးရှုံးမှုဖြစ်ပြီး သွေးထဲမှာ ပိုတက်စီယမ်ရှိသင့်တာထက် နည်းနေတဲ့အခြေအနေ ဖြစ်သွားနိုင်ပါတယ်။ ဒီအတွက် ပိုတက်စီယမ်ပါတဲ့ ဆေးတွေ သောက်ရတာမျိုး ရှိပါတယ်။

          ပိုတက်စီယမ်ကလိုရိုက်ကို ကလေးတွေ ဝမ်းပျက် ဝမ်းလျှောဖြစ်ပြီးတဲ့အခါ မစင်နှင့်အတူ ဆုံးရှုံးသွားတဲ့ ပိုတက်စီယမ်တွေကို ပြန်ဖြည့်ပေးရတာရှိပါတယ်။ WHO ဖော်မြူလာ ဓာတ်ဆားထုပ်မှာ ပိုတက်စီယမ်ပါပြီး ဖြစ်ပါ တယ်။

          သက်ကြီးရွယ်အိုဘဝမှာ အားနည်းခြင်း၊ အားကုန်ခြင်းတို့အတွက် ပိုတက်စီယမ် ဖြည့်ပေးခြင်းဖြင့် သက်သာ စေနိုင်ပါတယ်။ ပိုတက်စီယမ်ဖြည့်စွက်စားသုံးခြင်းဟာ အပေါ် သွေး (systolic) ပေါင်ချိန်ကို ပျမ်းမျှ ပြဒါးချိန် ၁၂ ဒီဂရီလောက်၊ အောက်သွေး (diastolic) ပေါင်ချိန်ကို ပျမ်းမျှ ပြဒါးချိန် ၆ ဒီဂရီလောက် လျော့ကျစေနိုင်တယ်ဆိုတဲ့ သုတေသနတစ်ခု ရှိပါတယ်။ သွေးတိုးရောဂါကို သွေးပေါင်ကျဆေးနှင့် ထိန်းရခက်နေတဲ့ သက်ကြီးရွယ်အို (အထူးသဖြင့် ၆၅ နှစ်ကျော်) အချို့အတွက် ပိုတက်စီယမ် ဖြည့်စွက်ပေးခြင်း ပြုလုပ်နိုင်ပါတယ်။

          ပိုတက်စီယမ်ဖြည့်စွက်ပေးဖို့ ၁၀% ပိုတက်စီယမ် ကလိုရိုက်အရည်ရှိပေမယ့် အရသာ မကောင်းတဲ့အတွက် Slow-K စတဲ့ ဆေးပြား၊ ဆေးလုံးတွေပဲ  သုံးကြတာ များပါတယ်။ တဖြည်းဖြည်းသာ အာနိသင်ပြတဲ့ ဆေးပြားတွေလည်း ရှိပါတယ်။

          လူတစ်ယောက်ဟာ တစ်ရက်မှာ ပိုတက်စီယမ် ဘယ်လောက်စားသုံးရမယ်ဆိုတဲ့ တိကျတဲ့ကန့်သတ်ချက် မရှိပါဘူး။ အနည်းဆုံး ၂ ဂရမ်မှ ၂.၅ ဂရမ်ခန့် စားသင့်တယ်လို့  တွက်ဆရပါတယ်။ ကယ်လိုရီ ၁၀ဝ၀ စားသုံးတိုင်း ပိုတက်စီယမ် ဝ.၈ ဂရမ်မှ ၁.၅ ဂရမ်လောက် စားသင့်တယ်လို့လည်း တွက်နိုင်ပါတယ်။

ခန္ဓာကိုယ်ထဲရှိ ပိုတက်စီယမ်ပမာဏကို တိုင်းခြင်း

          ဆဲလ်တွေရဲ့အတွင်းပိုင်းမှာရှိနေတဲ့ ဆိုဒီယမ်နှင့် ပိုတက်စီယမ်တွေရဲ့ ပမာဏကို တိုင်းတာတဲ့ စစ်ဆေးမှုမျိုးကို ဓာတ်ခွဲခန်းတိုင်းမှာ မလုပ်နိုင်ပါဘူး။ သွေးပြန်ကြောထဲက သွေးအနည်းငယ်ကို နမူနာဖောက်ယူပြီး သွေးရည်ကြည် (serum) ထဲက ပိုတက်စီယမ်ပမာဏကို တိုင်းကြည့်တဲ့ စစ်ဆေးမှုကိုတော့ ဓာတ်ခွဲခန်းအများအပြားမှာ ပြုလုပ်နိုင်ပါတယ်။ သွေးရည်ထဲမှာ အိုင်းယွန်း (ion)၊ တစ်နည်းအားဖြင့် အီလက်ထရိုလိုက်အဖြစ် ပျော်ဝင်နေတဲ့ ပိုတက်စီယမ် (K+) ဘယ်လောက်ရှိနေသလဲဆိုတာ သိရအောင် စစ်ဆေးခြင်းကို  ဆီရမ်အီလက်ထရိုက်လိုက် (serum electrolyte) စစ်တယ်လို့ ပြောပါတယ်။

          လူတစ်ယောက်ရဲ့ ခန္ဓာကိုယ်အတွင်းမှာရှိနေတဲ့ ပိုတက်စီယမ် စုစုပေါင်းရဲ့ ၉၈% လောက်ဟာ ဆဲလ်တွေရဲ့ အတွင်းပိုင်းမှာ ရှိနေခြင်း ဖြစ်ပါတယ်။ ၂% လောက်သာ ဆဲလ်တွေရဲ့ အပြင်ဘက်မှာ ရှိနေတာပါ။ သွေးထဲက ပိုတက်စီယမ်ဆိုတာ ဆဲလ်အပြင်ဘက်မှာ ရှိနေတဲ့ ပိုတက်စီယမ် ၂% ရဲ့ တစ်စိတ်တစ်ပိုင်းသာ ဖြစ်ပါတယ်။ သွေးရည်ကြည် (serum) ၁၀ဝ မီလီလီတာမှာ ပိုတက်စီယမ် ၄-၅ မီလီဂရမ်လောက် ရှိပါတယ်။

Facebook Comments

Menu