ပန်းပွင့်စိမ်းနှင့် မှိုပဲငါးပိအစပ်ချက်

ငါးခူ ပဲငါးပိအစပ်ချက်၊ ပန်းပွင့်စိမ်းနှင့် မှိုပဲငါးပိအစပ်ချက်နှင့် ပဲစိမ်းလုံး ထမင်းကြော်

(Cat-Fish in Chili Beans, Stir-Fried Broccoli with Mushroom in Chili Beans & Green Pea Fried Rice)

          ဒီလအတွက် ပရိသတ်များအတွက် ထပ်မံရွေးချယ်တင်ဆက်ပေးလိုက်တဲ့ ဟင်းလျာအတွဲလေးကတော့ “ငါးခူ ပဲငါးပိအစပ်ချက်၊ ပန်းပွင့်စိမ်းနှင့် မှိုပဲငါးပိအစပ်ချက်နှင့် ပဲစိမ်းလုံးထမင်းကြော်” လေးတွေပဲဖြစ်ပါတယ်ဗျ။ ငါးခူကို ပဲငါးပိအစပ်နဲ့ ရိုးရိုးလေးချက်ထားပေမယ့် အရသာကတော့ အလွန်ထူးခြားပါတယ်။ ပန်းပွင့်စိမ်းနဲ့ မှိုကိုလည်း ပဲငါးပိအစပ် လေးနဲ့ ကြော်ချက်ထားတာဖြစ်လို့ အထူးခံတွင်းတွေ့စေမှာပါ။ ပဲစိမ်းလုံးလေးကိုတော့ ထမင်းနဲ့ကြော်ထားပါတယ်။ ကဲ . . . ထူးခြားပြီး ထမင်းမြိန်စေမယ့် ငါးခူပဲငါးပိအစပ်ချက်လေး ပြင်ဆင်ကြည့်လိုက်ရအောင် . . .

ပန်းပွင့်စိမ်းနှင့်  မှိုပဲငါးပိအစပ်ချက်

   ပါဝင်ပစ္စည်းများ

♦   ပန်းပွင့်စိမ်း    –    ၁ ပွင့်

♦   ကမာမှို   –    ၅ ကျပ်သား

♦   ဆလရီရိုး    –    ၂ ချောင်း

♦   ကြက်သွန်ဖြူ   –    ၅ မြွှာ

♦   ချင်း   –    အနည်းငယ်

♦   ပဲငါးပိအစပ်   –    ၂ ဇွန်း

♦   ပဲဆီ   –    ၁ ဇွန်း

♦   နှမ်းဆီမွှေး   –    အနည်းငယ်

♦   ငရုတ်ကောင်း   –    အနည်းငယ်

♦   ဆား    –    အနည်းငယ်

♦   ငါးပြုတ်ရည်   –    အနည်းငယ်

   ပြုလုပ်ပုံ

၁။      ပန်းပွင့်စိမ်းနှင့် ကမာမှိုကို သန့်စင်ပြီး ဆလရီရိုးကို လှီးထားပါ။

၂။      ကြက်သွန်ဖြူနှင့်ချင်းကို အနည်းငယ် နုပ်နုပ်စဉ်းပြီး ပဲဆီအနည်းငယ်နှင့် ဆီသတ်ကာ အသင့်လှီး ထားသော ပန်းပွင့်စိမ်း၊ ကမာမှိုနှင့် ဆလရီရိုးတို့ကို ထည့်ချက်ပါ။

၃။      ပဲငါးပိအစပ်နှင့် ပန်းပွင့်စိမ်းနူးအောင် ငါးပြုတ်ရည်အနည်းငယ် ထည့်ချက်ပေးပါ။

၎။      ပန်းပွင့်စိမ်းကျက်လျှင် နှမ်းဆီမွှေးအနည်းငယ်ထည့်ပြီး အဆုံးသတ်ပါ။

ငါးခူပဲငါးပိအစပ်ချက်

   ပါဝင်ပစ္စည်းများ

♦   ငါးခူ    –    ၁၀ ကျပ်သား

♦   ပဲငါးပိအစပ်   –    ၃ ဇွန်း

♦   သံပရာသီး   –    ၁ လုံး

♦   ဆား   –    အနည်းငယ်

♦   ငရုတ်ကောင်း   –    အနည်းငယ်

♦   ကြက်သွန်ဖြူ   –    ၅ မြွှာ

♦   ကြက်သွန်နီ   –    ၂ လုံး

♦   ချင်း   –    အနည်းငယ်

♦  ပဲဆီ   –    ၂ ဇွန်း

♦   နှမ်းဆီမွှေး   –   အနည်းငယ်

♦   ပန်းငရုတ်သီးစိမ်း    –    ၂ တောင့်

♦   ငါးပြုတ်ရည်   –    အနည်းငယ်

   ပြုလုပ်ပုံ

၁။      ငါးခူကို သန့်စင်ပြီး သံပရာရည်၊ ဆား၊ ငရုတ်ကောင်းမှုန့်၊ ပဲငါးပိအစပ်တို့နှင့် အရသာသွင်းထားပါ။

၂။      ကြက်သွန်ဖြူ၊ ကြက်သွန်နီနှင့် ချင်းကို အနည်းငယ် နုပ်နုပ်စဉ်းပြီး ပဲဆီအနည်းငယ်ဖြင့် ဆီသတ်ပါ။

၃။      ကြက်သွန်ဖြူ အနည်းငယ်မွှေးလာလျှင် အသင့်အရသာသွင်းထားသော ငါးခူကို ထည့်ချက်ပြီး ပဲငါးပိအစပ်ထည့်ချက်ပါ။

၎။      ငါးပြုတ်ရည်အနည်းငယ်ထည့်ချက်ပြီး ငါးခူကျက်လျှင် နှမ်းဆီမွှေးနှင့် ပန်းငရုတ်သီးစိမ်းထည့်ပါ။

ပဲစိမ်းလုံးထမင်းကြော်

   ပါဝင်ပစ္စည်းများ

♦   ပဲစိမ်းလုံး    –    ၃ ဇွန်း

♦   ထမင်းဖြူ    –    ၁၆၀ ဂရမ်

♦   ကြက်သွန်ဖြူ   –   ၃ မြွှာ

♦   ဆား    –    အနည်းငယ်

♦   ငရုတ်ကောင်း    –    အနည်းငယ်

♦   ပဲဆီ    –   ၁ ဇွန်း

♦   နှမ်းဆီမွှေး    –    အနည်းငယ်

   ပြုလုပ်ပုံ

၁။      ကြက်သွန်ဖြူကို အနည်းငယ် နုပ်နုပ်စဉ်းပြီး ပဲဆီအနည်းငယ်ဖြင့် ဆီသတ်ပါ။ ကြက်သွန်ဖြူမွှေးလာလျှင် အသင့်သန့်စင်ထားသော ပဲစိမ်းလုံးထည့်ကြော်ပါ။

၂။      ပဲစိမ်းလုံးကျက်လျှင် အသင့်ချက်ထားသော ထမင်းဖြူထည့်ကြော်ပါ။ အရသာကို ဆား၊ ငရုတ်ကောင်းမှုန့်အနည်းငယ်ဖြင့် ထိန်းညှိပါ။

၃။      ပဲစိမ်းလုံးကို ထမင်းကြော် အဆင်သင့်ဖြစ်လျှင် နှမ်းဆီမွှေးအနည်းငယ်ထည့်ပြီး အဆုံးသတ်ပါ။

www.facebook.com/Sunny Angelo

Facebook Comments