ပင်လယ်စာ တုံယမ်းအီတလီခေါက်ဆွဲ )

 

          အီတလီခေါက်ဆွဲချက်နည်းများစွာထဲက Cream Sauce နဲ့ချက်ပြီး မြန်မာအကြိုက်ဖြစ်စေမဲ့ Fusion Style Seafood Tom Yam Pasta လေး မျှဝေပေးလိုက်ပါတယ်။

►   ပါဝင်ပစ္စည်းများ

♦     Pasta (ပြုတ်ပြီးသား)   –   တစ်ပွဲစာ (၁၅ဝဂရမ်)

♦     သံလွင်ဆီ   –  စားပွဲဇွန်း ၁ ဇွန်း (ရိုးရိုးဆီ)

♦     ကြက်သွန်ဖြူ    –   ဇွန်းတစ်ဝက်

♦     တုံယမ်းအနှစ်   –   စားပွဲဇွန်း ၁ ဇွန်း

♦     ပင်လယ်စာ Seafood (ပုစွန်၊ ပြည်ကြီးငါး၊ ခုံး)

♦     ရှီတာခီမှို  –   အနည်းငယ်

♦     Whipping Cream  –   ၁၅ဝ ml

►   ပြင်ဆင်ချက်ပြုတ်နည်း

၁။      နှစ်သက်ရာ အီတလီခေါက်ဆွဲကိုပြုတ်ပြီး ရေအေးစိမ်ကာ ဆီလူးထားပါ။

၂။      ပင်လယ်စာများကို လိုသလိုဆေးကျောလှီးဖြတ်ထားပါ။

၃။      မှိုကို ပါးပါးစိတ်ထားပါ။ ကြက်သွန်ဖြူ နုပ်နုပ်စဉ်းထားပါ။

၎။      အားလုံးအဆင်သင့်ဖြစ်ပါက ချက်မည့်ဒယ်အိုးက်ိုအပူပေးပြီး သံလွင်ဆီ သို့မဟုတ် ဆီထည့်ပါ။ ကြက်သွန် ဖြူ၊ ပင်လယ်စာ၊ မှို၊ တုံယမ်းအနှစ်တို့ကို ထည့်ပြီးကြော်ပါ။

၅။      မှိုအနည်းငယ်နွမ်းကာ ပင်လယ်စာတစ်ဝက်ကျက်ရပါက Cream ထည့်ပါ။ မီးအနည်းငယ်လျော့ ထားပါ။

၆။      ခေါက်ဆွဲကို ရေနွေးတစ်ချက်ဖျောကာ ချက်ထားသောဆော့စ်တွင်ထည့်ပြီး သမအောင်မွေပေးပါ။ အရသာ အပေါ့အငန်မြည်းပါ။ တုံယမ်းအနှစ်မှာ အငန်ဖြစ်၍ ဆားထပ်မထည့်ထားပါ။

၇။      ဆော့စ်များဆူပွက်လာပါက မီးပိတ်ပြီး ပန်းကန်တွင်တည်ခင်းကာ ငရုတ်သီးမှုန့်၊ ချိစ်တို့ဖြင့်တွဲဖက်ကာ ပူပူနွေးနွေး သုံးဆောင်နိုင်ပါပြီ။

Facebook Comments