တုန်ယမ်းကန်စွန်းရွက်ကြော်

တုန်ယမ်းကန်စွန်းရွက်ကြော်

          ဒီတစ်လတော့ လွယ်လွယ်ကူကူကြော်လို့ရတဲ့ တုန်ယမ်းကန်စွန်းရွက်ကြော်ကို တင်ပြပေးပါမယ်။ တုန်ယမ်းအနှစ်ကို Ready Made ပုလင်းလေးတွေ ဝယ်လို့ရပါတယ်။ ဒီအနှစ်နဲ့ပဲ ကြော်ပေးမှာပါ။

   ပါဝင်ပစ္စည်းများ

♦   ကန်စွန်းရွက်   –   ၁ စည်း

    (အရိုး၊ အရွက် ခွဲပြီး လှီးသင်ထားပါ)

♦   ကြက်သွန်ဖြူ   –   ၅ မြွှာ

♦   ငရုတ်သီးစိမ်း   –   ၁၀ တောင့်

♦   စိတ်ပြီး ချယ်ရီခရမ်းချဉ်သီး   –    ၅ လုံး

♦   Ready Made တုန်ယမ်းအနှစ်   –   လက်ဖက်ရည်ဇွန်း ၂ ဇွန်း

♦   ဆား   –   အနည်းငယ်

♦   ခရုဆီ   –   လက်ဖက်ရည်ဇွန်း ၁ ဇွန်း

♦   ငံပြာရည်   –   အနည်းငယ်

♦   ဆီ   –   အနည်းငယ်

   ပြုလုပ်နည်း

၁။      ဆီအိုးကို မီးပြင်းပြင်းဖြင့် အပူပေးထားပါ။

၂။      ဇလုံတစ်လုံးထဲ ကန်စွန်းရွက်များမှလွဲပြီး ကန်စွန်းရိုးများနှင့် ပါဝင်ပစ္စည်းများ ရောထည့်ကာ ဆီအိုးထဲ အားလုံး တစ်ပေါင်းတည်းထည့်ပြီး အနည်းငယ်နွမ်းသွားအောင် ကြော်ပေးပါ။

၃။      ကျန်နေသော ကန်စွန်းရွက်ပိုင်းများထည့်ကာ နွမ်းရုံကြော်ပေးပြီး အဆုံးသတ်နိုင်ပါပြီ။

www.facebook.com/MY FOODIES (mm)

Facebook Comments