တိုဟူးဟင်း

by အံ့ဝင့္ထြဋ္  (MRTV – 4) for Food Magazine

ဒီဟင်းလျာကတော့ တိုဟူးကို ဟင်းပုံစံစားချင်သူများအတွက် အရသာတွေ့စေမယ့် ရိုးရှင်းလွယ်ကူတဲ့ ဟင်းလျာဖြစ်ပါတယ်။

ပါဝင်ပစ္စည်းများ

နနွင်းမှုန့် –  အနည်းငယ်

သက်သတ်လွတ်ဟင်းခတ်မှုန့် –  လက်ဖက်ရည်ဇွန်း ၁ ဇွန်း

သကြား –  လက်ဖက်ရည်ဇွန်း ၁ ဇွန်း

ဆား –  အနည်းငယ်

ငရုတ်ကောင်းမှုန့် –  အနည်းငယ်

ကြက်သွန်ဖြူထောင်း –  စားပွဲဇွန်း ၁ ဇွန်း

ဆီ –  စားပွဲဇွန်း ၅ ဇွန်း

ငရုတ်သီးနီ/စိမ်း –  ၇ တောင့်ခန့်

ကြက်သွန်နီထောင်း –  စားပွဲဇွန်း ၂ ဇွန်း

တိုဟူး –  ၂ဝဝ ဂရမ်

ခရမ်းချဉ်သီး –  ၁ လုံး

နံနံပင် –  အနည်းငယ်

ပြုလုပ်နည်း

ခရမ်းချဉ်သီးကို ဟင်းထဲထည့်ချက်ရန်အတွက် အနေတော်လှီးပါ။ တိုဟူးကို အနေတော်အတုံးလေး တုံးပါ။ နံနံပင်ကို ပါးပါးလှီးပါ။ ငရုတ်သီးကို ထက်ခြမ်းခြမ်းပါ။ နနွင်းမှုန့် ကို ဆီသတ်ပါ။ အနံ့မွှေးလာပြီဆိုလျှင် ထောင်းထားတဲ့ ကြက်သွန်ဖြူ/နီ ထည့်ပြီး ဆီသတ်ပါ။ ငရုတ်အနှစ်ထည့်ပြီး ဆီသတ်ပါ။ ခရမ်းချဉ်သီးထည့်ပြီး အနှစ်ရသည်အထိ ချက်ပါ။ သက်သတ်လွတ်ဟင်းခတ်မှုန့်၊ ဆား၊ သကြားနှင့် ငရုတ်ကောင်းမှုန့်တို့ကို ထည့်ပါ။ ရေ အနည်းငယ်ထည့်ပြီး အနှစ်ရသည်အထိ ချက်ပါ။ ငရုတ်သီးထည့်၊ တိုဟူးများ ထည့်၊ ဆား အနည်းငယ် ထည့်ပါ။ သက်သတ်လွတ်ဟင်းခတ်မှုန့် အနည်းငယ်နှင့် နံနံပင်ထည့်ပါ။ အနံ့၊ အရသာ ပြည့်စုံပြီဆိုလျှင် ပန်းကန်မှာပြင်ပြီး သုံးဆောင်နိုင်ပါပြီ။

Facebook Comments

Menu