ငါးနှင်းဖြူဘူးသီးချက်နှင့် ခရမ်းချဉ်သီး မြင်းခွာရွက်သုပ် (Snow Cod Fish with Sweet Gourd & Tomato with Penne Wolf Salad)

USN_7

USN_8

USN_9

USN_10

      ဒီလအတွက် ရွေးချယ်ပေးလိုက်တဲ့ ဟင်းလျာအတွဲကတော့ ‘အခုချက်အခုစားဟင်းလျာများ’ အစီအစဉ်မှာ တင်ဆက်ခဲ့တဲ့ ‘ငါးနှင်းဖြူ ဘူးသီးချက်နှင့် ခရမ်းချဉ်သီး မြင်းခွာရွက်သုပ်’ပါပဲ။ ငါးနှင်းဖြူဆိုတာ ကျွန်တော့်အတွေးနဲ့ကျွန်တော် အမည်ပေးခဲ့တာပါ။ Snow  Cod Fish လို့ အမည်ရတဲ့ ငါးတစ်မျိုးကို မြန်မာလို ငါးနှင်းဖြူလို့ အမည်ပေးလိုက်တာပါ။ အရမ်းနူးညံ့တဲ့ ငါးနှင်းဖြူကို မြန်မာတွေအရမ်းနှစ်သက်တဲ့ ဘူးသီးနုနုလေးနဲ့ ပုစွန်ခြောက်လေးပါ ထည့်ချက်ထားတဲ့ Fusion Style ဟင်းလျာလေးပါ။ မြန်မာဟင်းခတ်အမွှေးအကြိုင်တွေနဲ့ ပင်လယ်ငါးဖြစ်တဲ့ ငါးနှင်းဖြူကို မြန်မာအရသာနဲ့ ပြည့်စုံအောင် ပြင်ဆင် ထားတာမို့ ထူးခြားပြီး ထမင်းမြိန်စေမှာပါ။ ငရုတ်သီးနဲ့ နံနံပင်လေးအုပ်ပြီး အဆုံးသတ်ထားတာမို့ ရိုးရာအနံ့အရသာလေးနဲ့ စိတ်ကျေနပ်မှုရစေမယ်လို့ ယုံကြည်ပါတယ်။ ဗီတာမင်နဲ့ သတ္တုဓာတ်တွေ အတွက်တော့ ခရမ်းချဉ်သီးကို မြင်းခွာရွက်နဲ့ ရောသုပ်ထားတဲ့ မြန်မာ့ရိုးရာအသုပ်လေးနဲ့ တွဲဖက်ထားပါတယ်။ ထူးခြားတာက သံပရိုရည်နဲ့ သံလွင်ဆီကို မြန်မာအသုပ်မှာ ထည့်သုပ်ထားတာပါ။ နှမ်းအဖြူ၊ အမည်းနဲ့ ကြက်သွန်ကြော်လေး အုပ်ထားတာကတော့ ရိုးရာမပျက် ပြင်ဆင်တယ်ဆိုပါတော့ ရိုးရှင်းပြီး အရသာလည်းထူး၊ ပြင်ဆင်ရတာလည်းလွယ်ကူတဲ့ ဒီ Fusion ဟင်းလျာအတွဲလေးကို မိသားစုတွေ ကိုယ့်အိမ်မှာ ပြင်ဆင်ချက်ပြုတ်သုံးဆောင်ပြီး အားရကျေနပ်နိုင်ကြပါစေဗျာ။ ကဲ . . . စလိုက်ကြရအောင် . . . ။

►    ငါးနှင်းဖြူဘူးသီးချက် (ပါဝင်ပစ္စည်းများ)
♦    ငါးနှင်းဖြူ    –    ၁ဝ ကျပ်သားခန့်
♦    ဘူးသီးနု    –    ၁ ခြမ်း
♦    ကြက်သွန်ဖြူ    –    ၃ တတ်
♦    ချင်း    –    အနည်းငယ်
♦    စပါးလင်    –    ၁ ပင်
♦    သံလွင်ဆီ    –    တစ်ဇွန်း
♦    ဆား    –    အနည်းငယ်
♦    ငရုတ်ကောင်းမှုန့်    –    အနည်းငယ်
♦    အသားမှုန့်    –    ၁ ဇွန်း
♦    ပုစွန်ခြောက်    –    ၁ ဇွန်း
♦    ငရုတ်သီးစိမ်း    –    ၅ တောင့်
♦    နံနံပင်    –    အနည်းငယ်

►   ငါးနှင်းဖြူဘူးသီးချက် (ပြင်ဆင်ချက်ပြုတ်ပုံအညွှန်း)
၁။    ဘူးသီးနုကို အစေ့ထုတ်ပြီး သုံးမြှောင့်ပုံ အတုံးများလှီးပြီး ရေစိမ်ထားပါ။
၂။    ကြက်သွန်ဖြူကို နုပ်နုပ်စဉ်းပြီး ချင်းအနည်းငယ်ကို အမျှင်လှီးထားပါ။
၃။    ဒယ်အိုးတွင်သံလွင်ဆီကို အပူပေးပြီး စပါးလင်၊ ချင်း၊ ကြက်သွန်ဖြူတို့ကို ဆီသတ်ပြီး အသင့်လှီးထားသော ဘူးသီးနုထည့်ချက်ပါ။
၎။    ဘူးသီးနူးအောင် ရေနွေးအနည်းငယ်ထည့်ချက်၍ အရသာကို ဆား၊ ငရုတ်ကောင်းမှုန့်၊ အသားမှုန့်၊ ပုစွန်ခြောက်အနည်းငယ်ထည့်ချက်ပါ။
၅။    ဘူးသီးနူးလျှင် သန့်စင်ထားသော ငါးနှင်းဖြူထည့်ချက်ပြီး ငရုတ်သီးစိမ်းနှင့် နံနံပင်အုပ်၍ တည်ခင်းပါ။

 

►    ခရမ်းချဉ်သီး မြင်းခွာရွက်သုပ် (ပါဝင်ပစ္စည်းများ)
♦    ခရမ်းချဉ်သီး    –    ၂ လုံး
♦    မြင်းခွာရွက်    –    ၁ စည်း
♦    ကြက်သွန်ဖြူ    –    ၂ တက်
♦    ငရုတ်သီးစိမ်း    –    ၅ တောင့်
♦    သံပရိုသီး    –    ၁ ခြမ်း
♦    ဆား    –    အနည်းငယ်
♦    ဂျပန်ငါးငံပြာရည်    –    ဇွန်းတစ်ဝက်
♦    ပုစွန်ခြောက်    –    ၁ ဇွန်း
♦    ဆလတ်ရွက်    –    အနည်းငယ်
♦    နှမ်း (ဖြူ၊ နက်)    –    အနည်းငယ်
♦    သံလွင်ဆီ    –    အနည်းငယ်

►   ခရမ်းချဉ်သီး မြင်းခွာရွက်သုပ် (ပြင်ဆင်ချက်ပြုတ်ပုံအညွှန်း)
၁။    ခရမ်းချဉ်သီးကို အစေ့ထုတ်၍ ပါးပါးလှီးပြီး မြင်းခွာရွက်ကို ပါးပါးလှီးထားပါ။
၂။    ကြက်သွန်ဖြူ၊ ငရုတ်သီးစိမ်းတို့ကို ပါးပါးလှီးပြီး ဆား၊ သံလွင်ဆီ၊ သံပရိုရည်၊ ငရုတ်ကောင်းမှုန့်၊ ဂျပန်ငါးငံပြာရည်၊ ပုစွန်ခြောက်တို့နှင့် အသင့်လှီးထားသော ခရမ်းချဉ်သီးနှင့် မြင်းခွာရွက်ကို ရောသုပ်ပြီး အအေးခံထားပါ။
၃။    အအေးခံထားသော ခရမ်းချဉ်သီးနှင့် မြင်းခွာရွက်သုပ်ကို ဆလတ်ရွက်အနည်းငယ်၊ ကြက်သွန်ကြော်၊ နှမ်းဖြူ၊ နှမ်းတို့နှင့် တွဲဖက်တည်ခင်းပါ။

www.facebook.com/Sunny Angelo

Facebook Comments