ဂျူးကယားဝက်အူချောင်းနှင့် အာလူးအစပ်ချက် (Spicy Sausage and Wedges Potato with tomato curry)

 by Syi Lwin (Foodsgarden) for Food Magazine

          ဂျူးမြစ်ကယားဝက်အူချောင်းအရသာနဲ့ အာလူးခြမ်းကို ခရမ်းချဉ်သီးဖြင့် ပြန်ချက်တဲ့အရသာ ထမင်းမြိန်စေတာကြောင့် အားလုံးအတွက် ပြန်ရှယ်လိုက်ပါတယ်။

ပါဝင်ပစ္စည်းများ

ဂျူးကယားဝက်အူချောင်း  –  ၁ ပိုင်း (အကွင်းလေးတွေ လှီးထားပါ)

Wedge Potato  –  ၁၆၀ ဂရမ်

ခရမ်းချဉ်သီး  –  ၃ လုံး (ခတ်ပါးပါး လှီးထားပါ)

ကြက်သွန်နီ  –  ၂ ဥ (နုပ်နုပ်လှီးထားပါ)

ကြက်သွန်ဖြူ  –  ၃ မြွှာ (နုပ်နုပ်လှီးထားပါ)

ချင်း  –  လက်မဝက်အရွယ် (နုပ်နုပ်လှီးထားပါ)

ဆား  –  လက်ဖက်ရည်ဇွန်း တစ်ဝက်

နနွင်းမှုန့်  –  လက်ဖက်ရည်ဇွန်း တစ်ဝက်

ငရုတ်သီးမှုန့်  –  လက်ဖက်ရည်ဇွန်း တစ်ဝက်

နေကြာဆီ  –  စားပွဲဇွန်း ၂ ဇွန်းခွဲ

ပြုလုပ်နည်းအဆင့်ဆင့်

၁။       Wedge Potatoကို ဆီဖြင့် အပေါ် ကြွပ်ရုံကြော်ထားပြီး ဆီစစ်ထားပါ။

၂။       အာလူးကြော်ထားသောဆီဖြင့် နုပ်နုပ်စဉ်းထားသော နနွင်းမှုန့်၊ ကြက်သွန်ဖြူ၊ ကြက်သွန်နီနှင့် ချင်းတို့ကိုရော၍ ဆီသတ်ပါ၊ ကြက်သွန်နွမ်းလာလျှင် ငရုတ်သီးမှုန့် ထည့်ပါ။

၃။       ခရမ်းချဉ်သီးကိုထည့်ပြီးလျှင် သေချာနှံ့အောင်မွှေပေးပါ။ ခရမ်းချဉ်သီးနွမ်းလျှင် တုံးထားသော ကယားဝက်အူချောင်းကို ကျက်သည်အထိ ချက်ပေးပါ။

၎။       အရသာအတွက်ဆားထည့်ပြီး သေချာမွှေပါ။

၅။       ပြီးလျှင် ဆီစစ်ထားသော အာလူးကို ထည့်မွှေပြီး အရသာများအားလုံး သေချာနှံ့လျှင် ဆားမြည်းပြီး ပူပူလေး သုံးဆောင်နိုင်ပါသည်။

www.facebook.com/Syi Foodsgarden

Facebook Comments