ချဉ်ပေါင်သီးထောင်း (သက်သတ်လွတ်)

by Meemeetofu for Food Magazine

          မမီးရဲ့ အိမ်နောက်ဖေး စိုက်ခင်းထွက် ချဉ်ပေါင်သီးလေးတွေကို ထောင်းစားတာ ထမင်းမြိန်လို့ မထောင်းဖူးသေးသူတွေ ထောင်းစားလို့ရအောင် နည်းလေးယူလာပေးပါတယ်။ ချဉ်ပေါင်သီး အနု၊ အရင့်၊ လတ်ဆတ်မှု၊ ခြောက်သွေ့မှုတွေအပေါ် မူတည်ပြီး အချဉ်ဓာတ် အနည်း၊ အများကွာခြားနိုင်တာကြောင့် မြေပဲ၊ အစပ်နှင့် အငန်တို့ကို မိမိနှစ်သက်တဲ့ အရသာရအောင် လိုတိုး၊ ပိုလျှော့ လုပ်ပေးရပါမယ်။

ပါဝင်ပစ္စည်းများ

ချဉ်ပေါင်သီး  –  ၂ဝ  လုံး

ငရုတ်သီးစိမ်းစပ်စပ်  –  ၁ဝ တောင့်  (အလွန်စပ်ပေ့ ဆိုတာမျိုး)

မြေပဲလှော်  –  ထမင်းစားဇွန်း ၃ ဇွန်းခန့်

ဆား

ကြက်သွန်ဖြူ  –  ၄ မြွှာ

ဆီစိမ်း  –  ထမင်းစားဇွန်း ၂ ဇွန်းခန့်

သံပရာရည်  –   သင့်ရုံ

ပြုလုပ်နည်းအဆင့်ဆင့်

၁။       ချဉ်ပေါင်သီးကို ရေဆေးပြီး အပြင်ဘက်က အဖတ်လေးများကို နွှာထားပါ။ ခြောက်သွေ့သွားအောင် ထားပြီးမှ ထောင်းရင် အချဉ်/အချွဲ သက်သာပါတယ်။

၂။       ငရုတ်ဆုံထဲမှာ ကြက်သွန်ဖြူ၊ ငရုတ်သီးစိမ်းနှင့် ဆားထည့်ထောင်းပါ။ မညက်တညက် အနေအထားမှာ မြေပဲထည့်ထောင်းပါ။ နောက်ဆုံးမှာ ချဉ်ပေါင်သီးဖတ်လေးများကို ထည့်ထောင်းပါ။  အရသာမြည်းပြီး သင့်တော်သလို ပြုပြင်ပါ။  အရသာကောင်းပြီဆိုလျှင် မြေပဲဆီမွှေးလေး ဆမ်းပြီး အအီပြေ ဟင်းတစ်ခွက်အနေနှင့် သုံးဆောင်နိုင်ပါပြီရှင်။

Facebook Comments